زاڭ بۇزۋشىلىق بايقالمادى

– دەيدى بيىل العاش رەت بايقاۋشى بولعان سالتانات قۇلشاريەۆا – بۇرىن سايلاۋدى بايقاۋ ءجو­نىن­دەگى رەسپۋبليكالىق قوعام­دىق كوميسسيانىڭ اتىراۋ وبلىسى بويىنشا وڭىرلىك ورتالىعىنا مۇشە  بولىپ پا ەدىڭ؟ – سايلاۋعا قاتىسىپ, داۋىس بەرۋ – ءار ازاماتتىڭ مىندەتى دەسەك تە, وسىناۋ ساياسي ناۋقانعا بايقاۋشى بولۋدىڭ جاۋاپكەرشىلىگى جوعارى ەكەنىن بىلەمىن. ويتكەنى, ەلدەگى دەموكراتيانىڭ وركەن جايۋىنا بۇل ناۋقاننىڭ دا اسەرى مول. سونىمەن بىرگە, ەلدىڭ كەلەشەكتەگى وركەندى دامۋ جولىمەن جۇرۋىنە سەپتىگى تيەرى داۋسىز. سول سەبە­پ­تەن, بيىل سايلاۋدى بايقاۋ ءجونىن­دەگى رەسپۋبليكالىق قوعامدىق كوميس­سيانىڭ اتىراۋ وبلىسى بويىنشا وڭىرلىك  ورتالىعىنىڭ مۇشەسى بولدىم. ارينە, باس­تاپقىدا از-كەم جۇرەكسىندىم. قوبالجىمادىم دەپ تە ايتا المايمىن. سەبەبى, بۇرىن سايلاۋ بارىسىن بايقاۋشى رەتىندە باقىلاپ كورمەپپىن. سايلاۋ وتكەنگە دەيىن ارنايى سەمينار-ترەنينگتەرگە قاتىسىپ, الدىمەن «سايلاۋ تۋرالى» كونستيتۋتسيا­­لىق زاڭ­­نىڭ تالاپتارى­مەن تانىستىم. وتكەن جىلى قازاق­­ستان رەس­پۋب­­­ليكا­سىنىڭ پرە­زيدەنتى ساي­لاۋىندا باي­قاۋشى بولعان ءارىپ­­ت­ەستەرىم اقىل-كە­ڭەس­تەرىن ايتىپ, تاجىريبەلەرىمەن ءبو­لىستى. وسى­نىڭ ءبا­رى بايقاۋشى رەتىن­­دەگى ءمىن­دەتىمدى بۇلجىتپاي اتقارۋعا مولىنان سەپتەستى. – ءوزىڭ بايقاۋشى رەتىندە قاي سايلاۋ ۋچاسكەسىندە بول­دىڭ جانە نە بايقادىڭ؟ – مەن گەولوگ اۋىلدىق وكرۋ­گىندە اشىلعان №67 ساي­­لاۋ ۋچاس­­كەسىنە بولىنگەن ەدىم. وسى ساي­لاۋ ۋچاسكەسىندە داۋىس بەرۋ باس­تال­عان ساتتەن «سايلاۋ تۋرا­لى» كونس­تي­تۋتسيالىق زاڭنىڭ بۇ­زىل­ماۋىن ءجىتى باقىلادىم. مەنى سايلاۋشىلاردىڭ داۋىس بەرۋگە قاتىسۋ بەلسەندىلىگى قۋانتتى. سايلاۋشىلار داۋىس بەرۋ ءۇشىن كەزەككە تۇرعانىن كو­رىپ, ەلدىڭ كەلەشەگىنە بەيجاي قا­را­­مايتى­نىن ۇق­­تىم. وسىنىڭ ءوزى وتانداستارى­مىزدىڭ سايلاۋعا قاتى­سۋ ازاماتتىق پارىزى ەكەنىن ءتۇسى­نەتىنىن اڭ­عار­تادى. سايلاۋ ۋچاس­كەسى ارنايى زاڭ تالا­بىنا ساي جاب­دىق­تالىپتى, مۇن­دا  ساي­­لاۋ­شى­­ل­ارعا دا, باي­قاۋشىلارعا دا قولاي­لى جاعداي جاسالدى. – سايلاۋدى باقىلاۋ بارىسىندا ساعان شاعىم ايتۋشىلار بولدى ما؟ – بۇل سايلاۋ ۋچاسكەسىندە ءبىر­دە-ءبىر زاڭ بۇزۋشىلىق باي­قال­مادى. سايلاۋشىلار تاراپى­نان ارىز-شاعىم ايتۋشىلار دا بولعان جوق. ويتكەنى, ءبىزدىڭ حالقىمىز ساۋات­تى, داۋىس بەرۋ بارىسىندا زاڭ بۇزۋ­شى­لىقتىڭ ەلدىڭ دەمو­كراتيالىق  وركەندەۋ بەدەلىنە نۇقسان كەلتىرەتىنىن جاقسى بىلەدى. قاي ادام ءوز ەلىنىڭ بەدەلى تومەندەگەنىن قالايدى دەيسىز؟ زاڭ بۇزۋشىلىقتىڭ با­ي­قال­ماۋىنىڭ استارىنان وسىنى انىق اڭعار­دىم دەسەم بولادى. زاڭ بۇزۋشىلىقتىڭ بولماعانىن, سايلاۋشىلار, ساياسي پارتيا­لار, ماسليحاتتارعا دەپۋتاتتىققا كان­دي­د­اتتاردىڭ وكىلدەرى تاراپىنان  شاعىم, نە ارىزدىڭ بولماعانىن مۇندا مەنىمەن بىرگە سايلاۋ دوداسىنا تۇسكەن ساياسي پارتيالاردىڭ بايقاۋشىلارى راستاي الادى. – «نۇر وتاننىڭ» ايقىن جەڭىسىن قالاي باعالايسىز؟ – جەڭىس زاڭدى. سايلاۋ­شى­لاردىڭ 82,20 پايىز داۋىس الۋعا بۇگىندە تەك «نۇر وتان» ساياسي پارتياسى عانا لايىقتى دەسەم, قاتەلەسپەيتىنىم انىق. ويتكەنى, وسى ۋاقىتقا دەيىن ەلىمىزدە اتقارىلعان وڭدى ىستەردى تەك ەلباسىمەن, ەلباسى ءتور­اعا­سى بولىپ تابىلاتىن «نۇر وتانمەن» عانا بايلانىستىرۋعا بولادى. اڭگىمەلەسكەن جولداسبەك شوپەعۇل, «ەگەمەن قازاقستان». اتىراۋ. سۋرەتتى تۇسىرگەن راحىم قويلىباەۆ.