بيجامال اپا

بيجامال شاعيەۆا 1911 جىلى كاتونقاراعاي اۋدا­نىنىڭ جۇلدىز اۋىلىندا دۇنيەگە كەلگەن ەكەن. ءتور التايدا ت ۇلىمشاعى جەلبىرەگەن قىز كۇيەۋگە شىققانعا دەيىن «وردجونيكيدزە» كولحوزىندا جۇمىس ىستەپ, ءۇي ىشىنە كومەكتەسىپ, بولىسىپ جۇرەدى. 1941 جىلى تراكتور بريگاداسىن باسقاراتىن كۇيەۋى اسكەر قاتارىنا شاقىرىلادى. وسى ومىرلىك قوساعى سوعىس كەزىندە, 1942 جىلى استراحان قالاسىندا حابار-وشارسىز كەتىپتى. جاس ءومىرى اۋمالى-توكپەلى بۇلعاق زامانعا تاپ كەلىپ, وتباسىلىق قۋانىشىن سوعىس تىپ-تيپىل ەتسە دە, قازاق ايەلى قايتپاس قاجىرمەن زامانا جەلىنە قارسى تۇرا ءبىلىپتى. بيجامال ەڭسەبايقىزى ەڭبەك مايدانىندا ەرەكشە كوزگە ءتۇسىپ, كولحوزدا ساۋىنشى بولىپ جۇمىس ىستەيدى, «وسكەمەن – زىريان» تاسجولىن سالۋعا قاتىسادى. ءبىر ۇل مەن ءبىر قىز وسىرگەن اجە 1999 جىلدان بەرى وسكەمەندەگى قىزىنىڭ قولىندا تۇرادى. بۇگىندە 8 نەمەرەسى, 16 شوبەرەسى, 5 شوپشەگىنىڭ قىزىعىن كورىپ وتىر. كوپتەگەن مەرەيتويلىق مەدالدارمەن ماراپاتتالعان. – ءبىز قيىن جىلداردا كورەشەكتى كورگەن ادامبىز. ءبىر كۇنگە بەرىلەتىن ءبىر ستاقان كوك سۇتپەن جان ساقتادىق. قۇدايعا شۇكىر, قازىر بالا-شاعامنىڭ ورتاسىندامىن. ءاردايىم, ەلباسى مەن ەلدىڭ اماندىعىن تىلەپ وتىرامىن! وتانىمىز امان بولسا, ءبارى جاقسى بولادى, – دەدى 105 جاسقا كەلگەن بيجامال اجە. وسكەمەن قالاسىنىڭ اكىمى تەمىربەك قاسىمجانوۆ بيىل 105 كوكتەمىن قارسى الىپ وتىرعان كەيۋانانى 8 ناۋرىز مەرەكەسىمەن قۇتتىقتاعان ەدى. قالا اكىمى زەينەتكەرگە گۇل شوقتارىن تاپسىرا وتىرىپ, كوپ بالالى انا, سۇيىكتى اجە رەتىندە وسكەلەڭ ۇرپاققا ۇلگى بولىپ, ءتىرى اڭىزعا اينالعانىن, سوعىس جىلدارى جانە تىڭدى يگەرۋ كەزەڭىندە ەڭبەك مايدانىندا شىڭدالعان بيجامال ەڭسەبايقىزىنىڭ وتاندى قورعاۋ مەن ساقتاۋعا ولشەۋسىز ۇلەس قوسقانىن اتاپ وتكەن بولاتىن. – بۇگىنگى تاۋەلسىز ەلدە بەيبىتشىلىك پەن تىنىشتىقتا ءومىر ءسۇرىپ وتىرعانىمىز – سىزدەي اتالار مەن اجەلەردىڭ ار­قاسى. سوندىقتان, سىزگە بۇگىنگى ۇرپاقتىڭ اتىنان العىس ايتامىز, – دەدى شاھار باسشىسى. دۋمان اناش, «ەگەمەن قازاقستان». وسكەمەن.