قوستانايدا «ازاماتتارعا كومەك» اكتسياسى ءوتتى

قوستاناي. 18 ناۋرىز. قوستاناي قالاسىندا مەملەكەتتىك قىزمەت ىستەرى مينيسترلىگىنىڭ قوستاناي وبلىسى بويىنشا دەپارتامەنتى مەن «كازپوشتا» اكتسيونەرلىك قوعامى قوستاناي وبلىستىق فيليالى بىرلەسكەن «ازاماتتارعا كومەك» شاراسىن وتكىزدى. بۇل تۋرالى قوستاناي وبلىستىق مەملەكەتتىك قىزمەت دەپارتامەنتى سىبايلاس جەمقورلىقتىڭ الدىن الۋ باسقارماسى ءباسپاسوز قىزمەتىنە سىلتەمە جاساعان egemen.kz ءتىلشىسى حابارلادى. مەملەكەتتىك قىزمەت كورسەتۋ ساپاسى جونىندە جانە جەمقورلىقتىڭ الدىن الۋعا باعىتتالعان قوعامدىق قابىلداۋ اياسىندا مەمەلەكەتتىك قىزمەت ىستەرى مينيسترلىگىنىڭ قوستاناي وبلىسى بويىنشا دەپارتامەنت باسشىسىنىڭ ورىنباسارى اسەت دوسەكەنوۆ جانە اتالعان دەپارتامەنت باسشىسىنىڭ ورىنباسارى, تارتىپتىك كەڭەس حاتشىلىعىنىڭ مەڭگەرۋشىسى اسحات ەسكەندىروۆ ازاماتتاردىڭ ساۋالىنا جاۋاپ بەرىپ, بىلىكتىلىك جاردەمىن كورسەتتى. قوستانايلىقتار مۇنداي شارالاردى ءجيى وتكىزۋ كەرەكتىگىن اتاپ وتسە, شارانى ۇيىمداستىرۋشى مەملەكەتتىك قىزمەتكەرلەر ءار كەلىپ تۇسكەن سۇراق-ساۋالدار بويىنشا تولىقتاي جاۋاپ بەرىپ جانە ازاماتتاردىڭ سۇراقتارىندا ايتىلعان ماسەلەلەر مەملەكەتتىك قىزمەت كورسەتۋ ساپاسىن ارتتىرۋ ماقساتىندا مەملەكەتتىك ورگاندارعا ۇسىنىس رەتىندە جىبەرىلەتىنى جونىندە ايتىپ كەتتى. قوستاناي وبلىستىق مەملەكەتتىك قىزمەت دەپارتامەنتى باسشىسىنىڭ ورىنباسارى اسەت دوسەكەنوۆ: «قوعامدىق قابىلداۋلار, سەمينار-وتىرىس جانە تاعى باسقا شارالار ازاماتتارعا تولىقتاي اقپارات جەتكىزىپ, ازاماتتىق قوعام مەن مەملەكەت اراسىن بارىنشا جاقىنداستىرا تۇسۋگە ىقپال ەتەدى», – دەدى. ءنازيرا جارىمبەتوۆا. دەرەك, سۋرەت: egemen.kz.