ۋكراينادا ەسىرتكى ساتقان وقۋشى ۇستالدى

استانا. 17 ناۋرىز. ۋكراينانىڭ زاپوروجە قالاسىندا پوليتسەيلەر ەسىرتكى ساۋداسىمەن اينالىسقان ءجاسوسپىرىمدى قولعا ءتۇسىردى. بۇل تۋرالى 24.kz-كە سىلتەمە جاساعان egemen.kz حابارلادى. مەكتەپ وقۋشىسى گەروين, كوكاين جانە مەتادون سەكىلدى ەسىرتكىنىڭ اۋىر تۇرلەرىن ساتقان. ول تاپسىرىس بەرۋشىلەردى عالامتوردان تاۋىپ, ناشانى پوشتا ارقىلى جىبەرىپ وتىرعان. ال اقشانى ەلەكتروندىق تولەمدەر ارقىلى قابىلداعان. كۇدىكتىنىڭ پاتەرىن ءتىنتۋ بارىسىندا قۇنى 50 مىڭ گريۆنا تۇراتىن ەسىرتكى تابىلدى. ەسىرتكى قىلمىسىنا قارسى كۇرەس دەپارتامەنتىنىڭ ءبولىم باستىعى ولەگ ياگولنيك: «بۇل جەدەل ءىس-شارانىڭ ارقاسىندا ءبىز عالامتور جەلىسى مەن پوشتانى پايدالانۋ ارقىلى ەسىرتكى زاتتارىنىڭ تاسىمالىن توقتاتتىق دەپ ۇلكەن سەنىممەن ايتا الامىن», – دەدى. ايتا كەتەيىك, قازىرگى تاڭدا ءجاسوسپىرىم اتالعان ەسىرتكى تۇرلەرىن قايدان الىپ وتىردى, كىمدەرمەن بايلانىسى بار ەكەنى انىقتالۋ ۇستىندە. تالعات رايىمبەك. دەرەك, سۋرەت: 24.kz.