شىمكەنتتە «التىن شاڭىراق» اتتى وبلىستىق بايقاۋ ءوتتى. وبلىستىڭ بارلىق اۋدان, قالالارىندا بايگەگە قاتىسىپ, اقتىق سىنعا القىنباي جەتكەندەردىڭ قاتارىندا كەنتاۋلىق ىسقاق جۇماشەۆ قاريانىڭ وتباسى باس جۇلدەنى جەڭىپ الدى.
قازىلار القاسىنىڭ قۇرامىندا بولدىق. ۇسىنىلعان ۇمىتكەرلەرگە تالداۋ جاساپ, ءوز ۇپايلارىمىزدى قويدىق. ءبىر قىزىعى سول, باس جۇلدە مەن ءبىرىنشى ورىندارعا باعا بەرۋدە بارلىق قازىلاردىڭ ۇپايى بىردەي شىقتى.
نەگە جۇماشەۆتار وتباسى باس ءبايگەگە لايىق؟!
ۇمىتكەرلەردىڭ كورمەسىن ارالاپ جۇرگەنىمىزدە ءبىر كارتينا ەرىكسىز نازار اۋدارتقان. ايقارا اشىلعان قاقپا الدىندا ەرلى-زايىپتى تۇر. ورتا جاستاعى جىگىت اعاسىنىڭ ەكى قولى كەۋدە تۇسىنا جايىلىپ, وڭىندە تاڭدانىس پەن شاراسىزدىق بايقالادى. قوساعى بەلىن بۇگىپ جەردەن الدەنەنى العالى جاتىر.
ءيا, العالى. شاقالاقتى. جايالىققا ورالعان, ءوز كوكەك اناسىنىڭ ءوز باۋىر ەتى بالاسىنان باس تارتىپ, وزگە ادامنىڭ ەسىگىنىڭ الدىنا تاستاپ كەتكەنىن ازىرگە تۇيسىنبەيتىن شاقالاق.
سۋرەتشى بۇل وقيعانى ويدان العان جوق. پورترەتتە بەينەلەنگەن ەر ادام ىسقاق جۇماشەۆ, قوساعى گۇلجاھان كەرىمبايقىزى بولاتىن. بۇگىندە سەكسەندى القىمداعان ىسقاق اعامىز دا, گۇلجاھان اپامىزدىڭ دا ماماندىعى دارىگەر بولعان.
تاۋەلسىزدىكتىڭ العاشقى جىلدارىندا تۇرمىس-تاۋقىمەتتىڭ قيىندىعىنا شىداماعاندار نارەستەلەرىن بالالار ۇيىنە وتكىزە باستادى. مەملەكەتتىك مەكەمە بالانىڭ كەرەگىن تۇگەندەگەنىمەن, اتا-انانىڭ ايالى الاقانىنىڭ ورنىن باسا المايدى. وسىنىڭ ءبارىن جۇرەك ەلەگىنەن وتكىزگەن ىسقاقوۆتار «ارنۇر» اتتى وتباسىلىق بالالار ءۇيىن اشقان. سول كەزدە وسى وتباسى 13 تاستاندى ءسابيدى قابىلداعان. ونىڭ سەگىزى بەسىكتەگى شاقالاقتار بولسا, قالعانى جاسقا تولماعان بۇلدىرشىندەر ەدى.
كوكەك دەگەن ايلاكەر قۇس ءوزى تۋعان جۇمىرتقاسىن باسىپ, بالاپان اشۋدىڭ قيىندىعىن اۋىرسىنىپ, وزگە ۇياعا تاستاپ كەتەدى ەكەن. ءوز ءسابيىنەن باس تارتقانداردى «كوكەك انالار» دەيتىن سەبەپ وسى. الايدا, ءبارىن بىردەي بەزبۇيرەك دەۋگە كەلمەس, جاعدايى وڭالعاننان كەيىن ءسابيىن قايتا اكەتكەندەر دە بارشىلىق.
«ارنۇر» بالالار ۇيىنەن كەتكىسى كەلمەيتىندەر دە بار ەكەن. سونىڭ ءبىرى قاراساڭ كوز تويمايتىنداي اسەم قىز بالا ويىن بىلاي تولعايدى. «انام كەلدى. بىراق وعان دەگەن كوڭىلىم قارايىڭقىراپ قالعان ەكەن. ەس ءبىلگەنىمدە ءوزىمنىڭ تاستاندى ەكەنىمدى ءبىلىپ, تۋعان انامدى كۇن ساناپ كۇتكەن ەدىم. ەشتەڭەدەن تارلىق كورمەدىك, بىراق انام بارلىعىنان ارتىعىراق كورىنەتىن. قاتتى ساعىناتىنمىن. ءبىراق ول كەلگەندە مەندەگى ساعىنىش سارقىلىپ بىتكەن ەدى. تۋعان انام قانشا قۇشاقتاپ, قانشا ايمالاعانىمەن, قانشا كەشىرىم سۇراعىنىمەن مەنىڭ جۇرەگىمدەگى مۇزدى ەرىتە المادى. مەنىڭ الدىمدا بوتەن ادام تۇردى. مەن ونىڭ قىزى ەمەس, ىسقاق اتام مەن گۇلجاھان اپامنىڭ تۋعان قىزى ەكەندىگىمدى سول ساتتە سەزىندىم».
قابىلداۋعا اۋىر بولعانمەن, شىندىق وسىلاي شىرىلدايدى.
ونداعان جەتىم بالالاردى قاتارعا قوسقان, ولاردى ءوز بالالارىنان ەش كەم كورمەي ايالاپ وسىرگەن, جان جىلۋىن اياماعان ىسقاق جۇماشەۆ وتباسىنىڭ ونەگەلى «التىن شاڭىراق» وتباسى بايقاۋىندا باس بايگەنى قانجىعاعا بوكتەرۋىنىڭ, قازىلار القاسىنىڭ ءبىراۋىزدى بولۋىنىڭ سەبەبى وسى.
ەل بولعان سوڭ تەلى مەن تەنتەكتەر بولادى. تالاپكەرلەردىڭ ىشىندە «مەن نەگە بايگە المادىم» دەپ تالاعى تارس ايىرىلىپ جۇرگەننىڭ ادامي قۇندىلىقتاردىڭ قادىرىن بىلەرىنە كۇمانداناسىڭ. ءبىر مەزگىلدە سەگىز بەسىك تەربەتكەن گۇلجاھان انانىڭ قاسيەتى «بالا – تاپقاندىكى ەمەس, باققاندىكى» دەگەن اتا-بابا وسيەتىن ەسكە سالاتىنداي.
بۇگىندە سەكسەننىڭ سەڭگىرىنە شىققان ىسقاق اقساقال ەشكىمگە قول جايماي تابىس تابۋدىڭ دا ۇلگىسىن كورسەتىپ وتىر. 2012 جىلى بەس ور قويان اسىراعان قاريا بۇگىندە ولاردىڭ سانىنان شاتىسادى. ەتى دارۋمەن قويان دەگەنىڭىز وتە ءوسىمتال. بابى كەلىسسە كوجەكتى ءۇيىپ تاستايدى. ەتىنىڭ كەلىسى مىڭ تەڭگەگە تارتاتىنىن ەسكەرسەڭىز, جۇماشەۆتار وتباسىلىق بيۋدجەتىنىڭ قانشالىقتى ەكەندىگىن شامالاي بەرىڭىز. ۇلپىلدەگەن قويان تەرىسى دە ءبىر قىستىققا ابدەن جارايدى. جاڭا جوبالارعا بولىنەتىن مەملەكەتتىك گرانتتان 2 ملن. تەڭگە قايتارىمسىز قارجى العان ىسقاق اقساقال تەرى يلەيتىن تسەحىن ىسكە قوسىپ جاتىر. ديزاينەر-تىگىنشى دە ءوز ۇيىنەن شىقتى. بالالارىنان بولەك, نەمەرەلەرى قويان باعۋدىڭ تاجىريبەسىنە جەتىك.
كاسىپكەرلەرگە قىزمەت كورسەتۋ ورتالىعىندا وقىپ, قويان ءوسىرۋدى قولعا العان قاريانىڭ ءىسى تەپسە تەمىر ۇزەتىن, الايدا, «جۇمىس جوق» دەپ ءجۇنجىپ جۇرەتىن جاستارعا ۇلگى بولسا ەكەن دەپ تىلەدىك.
انكارادان كەلگەن ءبىر كاسىپكەردىڭ «تۇركيادا بەس ساۋىن سيىرىڭ بولسا, سەن – ميلليونەرسىڭ» دەگەنىن ەستىگەن ەدىك. مال – باققانعا بىتەدى. ال وتباسى باقىتى مەن جەكە بيزنەستى ءۇيلەستىرگەن ىسقاقوۆتار وتباسى كەدەيشىلىك دەگەندى تۇسىنبەيدى.
باقتيار تايجان,
«ەگەمەن قازاقستان».
وڭتۇستىك قازاقستان وبلىسى.
شىمكەنتتە «التىن شاڭىراق» اتتى وبلىستىق بايقاۋ ءوتتى. وبلىستىڭ بارلىق اۋدان, قالالارىندا بايگەگە قاتىسىپ, اقتىق سىنعا القىنباي جەتكەندەردىڭ قاتارىندا كەنتاۋلىق ىسقاق جۇماشەۆ قاريانىڭ وتباسى باس جۇلدەنى جەڭىپ الدى.
قازىلار القاسىنىڭ قۇرامىندا بولدىق. ۇسىنىلعان ۇمىتكەرلەرگە تالداۋ جاساپ, ءوز ۇپايلارىمىزدى قويدىق. ءبىر قىزىعى سول, باس جۇلدە مەن ءبىرىنشى ورىندارعا باعا بەرۋدە بارلىق قازىلاردىڭ ۇپايى بىردەي شىقتى.
نەگە جۇماشەۆتار وتباسى باس ءبايگەگە لايىق؟!
ۇمىتكەرلەردىڭ كورمەسىن ارالاپ جۇرگەنىمىزدە ءبىر كارتينا ەرىكسىز نازار اۋدارتقان. ايقارا اشىلعان قاقپا الدىندا ەرلى-زايىپتى تۇر. ورتا جاستاعى جىگىت اعاسىنىڭ ەكى قولى كەۋدە تۇسىنا جايىلىپ, وڭىندە تاڭدانىس پەن شاراسىزدىق بايقالادى. قوساعى بەلىن بۇگىپ جەردەن الدەنەنى العالى جاتىر.
ءيا, العالى. شاقالاقتى. جايالىققا ورالعان, ءوز كوكەك اناسىنىڭ ءوز باۋىر ەتى بالاسىنان باس تارتىپ, وزگە ادامنىڭ ەسىگىنىڭ الدىنا تاستاپ كەتكەنىن ازىرگە تۇيسىنبەيتىن شاقالاق.
سۋرەتشى بۇل وقيعانى ويدان العان جوق. پورترەتتە بەينەلەنگەن ەر ادام ىسقاق جۇماشەۆ, قوساعى گۇلجاھان كەرىمبايقىزى بولاتىن. بۇگىندە سەكسەندى القىمداعان ىسقاق اعامىز دا, گۇلجاھان اپامىزدىڭ دا ماماندىعى دارىگەر بولعان.
تاۋەلسىزدىكتىڭ العاشقى جىلدارىندا تۇرمىس-تاۋقىمەتتىڭ قيىندىعىنا شىداماعاندار نارەستەلەرىن بالالار ۇيىنە وتكىزە باستادى. مەملەكەتتىك مەكەمە بالانىڭ كەرەگىن تۇگەندەگەنىمەن, اتا-انانىڭ ايالى الاقانىنىڭ ورنىن باسا المايدى. وسىنىڭ ءبارىن جۇرەك ەلەگىنەن وتكىزگەن ىسقاقوۆتار «ارنۇر» اتتى وتباسىلىق بالالار ءۇيىن اشقان. سول كەزدە وسى وتباسى 13 تاستاندى ءسابيدى قابىلداعان. ونىڭ سەگىزى بەسىكتەگى شاقالاقتار بولسا, قالعانى جاسقا تولماعان بۇلدىرشىندەر ەدى.
كوكەك دەگەن ايلاكەر قۇس ءوزى تۋعان جۇمىرتقاسىن باسىپ, بالاپان اشۋدىڭ قيىندىعىن اۋىرسىنىپ, وزگە ۇياعا تاستاپ كەتەدى ەكەن. ءوز ءسابيىنەن باس تارتقانداردى «كوكەك انالار» دەيتىن سەبەپ وسى. الايدا, ءبارىن بىردەي بەزبۇيرەك دەۋگە كەلمەس, جاعدايى وڭالعاننان كەيىن ءسابيىن قايتا اكەتكەندەر دە بارشىلىق.
«ارنۇر» بالالار ۇيىنەن كەتكىسى كەلمەيتىندەر دە بار ەكەن. سونىڭ ءبىرى قاراساڭ كوز تويمايتىنداي اسەم قىز بالا ويىن بىلاي تولعايدى. «انام كەلدى. بىراق وعان دەگەن كوڭىلىم قارايىڭقىراپ قالعان ەكەن. ەس ءبىلگەنىمدە ءوزىمنىڭ تاستاندى ەكەنىمدى ءبىلىپ, تۋعان انامدى كۇن ساناپ كۇتكەن ەدىم. ەشتەڭەدەن تارلىق كورمەدىك, بىراق انام بارلىعىنان ارتىعىراق كورىنەتىن. قاتتى ساعىناتىنمىن. ءبىراق ول كەلگەندە مەندەگى ساعىنىش سارقىلىپ بىتكەن ەدى. تۋعان انام قانشا قۇشاقتاپ, قانشا ايمالاعانىمەن, قانشا كەشىرىم سۇراعىنىمەن مەنىڭ جۇرەگىمدەگى مۇزدى ەرىتە المادى. مەنىڭ الدىمدا بوتەن ادام تۇردى. مەن ونىڭ قىزى ەمەس, ىسقاق اتام مەن گۇلجاھان اپامنىڭ تۋعان قىزى ەكەندىگىمدى سول ساتتە سەزىندىم».
قابىلداۋعا اۋىر بولعانمەن, شىندىق وسىلاي شىرىلدايدى.
ونداعان جەتىم بالالاردى قاتارعا قوسقان, ولاردى ءوز بالالارىنان ەش كەم كورمەي ايالاپ وسىرگەن, جان جىلۋىن اياماعان ىسقاق جۇماشەۆ وتباسىنىڭ ونەگەلى «التىن شاڭىراق» وتباسى بايقاۋىندا باس بايگەنى قانجىعاعا بوكتەرۋىنىڭ, قازىلار القاسىنىڭ ءبىراۋىزدى بولۋىنىڭ سەبەبى وسى.
ەل بولعان سوڭ تەلى مەن تەنتەكتەر بولادى. تالاپكەرلەردىڭ ىشىندە «مەن نەگە بايگە المادىم» دەپ تالاعى تارس ايىرىلىپ جۇرگەننىڭ ادامي قۇندىلىقتاردىڭ قادىرىن بىلەرىنە كۇمانداناسىڭ. ءبىر مەزگىلدە سەگىز بەسىك تەربەتكەن گۇلجاھان انانىڭ قاسيەتى «بالا – تاپقاندىكى ەمەس, باققاندىكى» دەگەن اتا-بابا وسيەتىن ەسكە سالاتىنداي.
بۇگىندە سەكسەننىڭ سەڭگىرىنە شىققان ىسقاق اقساقال ەشكىمگە قول جايماي تابىس تابۋدىڭ دا ۇلگىسىن كورسەتىپ وتىر. 2012 جىلى بەس ور قويان اسىراعان قاريا بۇگىندە ولاردىڭ سانىنان شاتىسادى. ەتى دارۋمەن قويان دەگەنىڭىز وتە ءوسىمتال. بابى كەلىسسە كوجەكتى ءۇيىپ تاستايدى. ەتىنىڭ كەلىسى مىڭ تەڭگەگە تارتاتىنىن ەسكەرسەڭىز, جۇماشەۆتار وتباسىلىق بيۋدجەتىنىڭ قانشالىقتى ەكەندىگىن شامالاي بەرىڭىز. ۇلپىلدەگەن قويان تەرىسى دە ءبىر قىستىققا ابدەن جارايدى. جاڭا جوبالارعا بولىنەتىن مەملەكەتتىك گرانتتان 2 ملن. تەڭگە قايتارىمسىز قارجى العان ىسقاق اقساقال تەرى يلەيتىن تسەحىن ىسكە قوسىپ جاتىر. ديزاينەر-تىگىنشى دە ءوز ۇيىنەن شىقتى. بالالارىنان بولەك, نەمەرەلەرى قويان باعۋدىڭ تاجىريبەسىنە جەتىك.
كاسىپكەرلەرگە قىزمەت كورسەتۋ ورتالىعىندا وقىپ, قويان ءوسىرۋدى قولعا العان قاريانىڭ ءىسى تەپسە تەمىر ۇزەتىن, الايدا, «جۇمىس جوق» دەپ ءجۇنجىپ جۇرەتىن جاستارعا ۇلگى بولسا ەكەن دەپ تىلەدىك.
انكارادان كەلگەن ءبىر كاسىپكەردىڭ «تۇركيادا بەس ساۋىن سيىرىڭ بولسا, سەن – ميلليونەرسىڭ» دەگەنىن ەستىگەن ەدىك. مال – باققانعا بىتەدى. ال وتباسى باقىتى مەن جەكە بيزنەستى ءۇيلەستىرگەن ىسقاقوۆتار وتباسى كەدەيشىلىك دەگەندى تۇسىنبەيدى.
باقتيار تايجان,
«ەگەمەن قازاقستان».
وڭتۇستىك قازاقستان وبلىسى.
سوڭعى جاڭالىقتار
پەداگوگتەردى اتتەستاتسيالاۋ جۇيەسى جاڭارتىلادى
ءبىلىم • كەشە
اتىراۋ وبلىسىندا جەر ۋچاسكەلەرى مەملەكەتكە قايتارىلدى
ايماقتار • كەشە
اتوم ەنەرگەتيكاسى سالاسى: ۇزاق مەرزىمدى باعدار ايقىندالدى
ەنەرگەتيكا • كەشە
جاپونيادا 7,7 بالدىق جەر سىلكىنىسى تىركەلدى
تابيعات • كەشە
