ءوزارا ىنتىماقتاستىق نىعايادى

نانكيندە «قورعاس – شىعىس قاقپاسى» اەا-نى دامىتۋ ينۆەستيتسيالىق فورۋمى بولدى ۇستىمىزدەگى جىلعى 17 ناۋرىز­دا نانكين قالاسىندا (قحر, تسزيانسۋ پروۆينتسياسى) «قازاقستان تەمىر جولى» ۇك» اق باستاماسىمەن ەل­با­سى ن.ءا.نازارباەۆتىڭ قىتاي حا­لىق رەسپۋبليكاسىنا ساپارى بارىسىندا قول قويىلعان قتج مەن تسزيانسۋ پروۆينتسياسى اراسىنداعى 600 ميلليون اقش دوللارىنا ينۆەس­تي­تسيا قۇيۋ تۋرالى كەلىسىمگە ءساي­كەس, «قورعاس – شىعىس قاقپاسى» اەا-نى دامىتۋعا ينۆەس­تورلار تار­تۋ ماسەلەسىنە ارنالعان فورۋم وتكىزىلدى. فورۋمدى «قتج» ۇك» اق پرە­زيدەنتى اسقار مامين العى­­سوز­بەن اشتى. ول ەكى ەل باسشىلارى نۇرسۇل­تان نازارباەۆتىڭ جانە سي ءتسزينپيننىڭ باستاماسىمەن «نۇرلى جول» باعدارلاماسى جانە «جىبەك جولى ەكونوميكالىق بەلدەۋى» جوباسى اياسىندا جۇزەگە اسىرىلىپ جاتقان جۇمىستاردىڭ بىرلەسكەن كولىك-لوگيستيكالىق جۇيەسىن جەتىلدىرۋگە جانە ەۋرا­زيا قۇر­لىعىنداعى تاسىمال­داۋ­دى دامى­تۋ بويىنشا ساۋدا كولەمىنىڭ ارتۋىنا جەت­كىزەتىن قادام ەكەندىگىن اتاپ ءوتتى. «اەا ەرەكشەلىگى 180 ميلليون تۇرعىنى بار جانە قحر-مەن 110 ميلليارد اقش دوللار ساۋدا اينالىمى كولەمىن قۇرايتىن ەۋرازيالىق وداق نارىعىندا جاڭا ءوندىرىس ورىندارىن قۇرۋ مەن يندۋستريالىق سەرىكتەستىكتىڭ قانات جايۋىنا زور مۇمكىندىكتەر اپەرەدى», دەپ اتاپ ءوتتى ا.مامين. قازىرگى تاڭدا اەا-نىڭ قۇرعاق پورتى كەدەن وداعى, ورتالىق ازيا مەن ەۋروپا, پارسى شىعاناعى ەلدەرىنىڭ تۇتىنۋشىلارىنا جۇك­تەر­دى جەتكىزۋدىڭ لوگيستيكالىق جانە مۋلتيمودالدى وپەراتسيالارىن جۇزەگە اسىرادى. «قورعاس – شىعىس قاقپاسى» اەا ايماقتاعى كولىك-لوگيس­تيكا حابىن جانە ەكونو­مي­كالىق دامۋ درايۆەرى رەتىندە بىرلەسكەن كولىك­-لوگيستيكالىق جۇيەسىن جا­ساقتاۋ ماڭىزدى بولىپ سانالادى. «قتج» ۇك» اق پرەزيدەنتىنىڭ ايتۋىنشا, «نۇرلى جول» باعدار­لاماسى جانە «جىبەك جولى ەكو­­نوميكالىق بەلدەۋى» جوباسى شەڭ­بەرىندە ىسكە اسىرىلىپ جات­قان جۇمىستار وڭىردەگى جوعا­رى تەح­نولوگياعا نەگىزدەلگەن باسە­كە­لەس­تىككە ساي كاسىپورىندار اشۋ, سە­رىك­تەس­تىكتى دامىتۋعا ىقپال ەتەدى. فورۋمدا ءسوز سويلەگەن تسزيانسۋ پروۆينتسياسى گۋبەرناتورىنىڭ ورىنباسارى چجان لەي قىتاي تاراپى «قورعاس – شىعىس قاقپاسى» اەا يندۋستريالىق سەرىكتەستىگىن دامىتۋ باعدارلاماسىنا بەلسەن­دىلىكپەن قاتىساتىندىعىنا سەنىم ءبىلدىردى. سونداي-اق, فورۋمدا «قورعاس – شىعىس قاقپاسى» اەا باس­قارۋشى كومپانياسى» اق باس دي­رەك­تورىنىڭ ورىنباسارى حي­شام بيلمااشي, «KTZExpress» اق پرەزيدەنتى سانجار ەلۋباەۆ, «KaznexInvest» اق باسقارما توراعاسى, قارجى مينيسترلىگى كەدەن­دىك ادىستەمە دەپارتامەنتىنىڭ دي­رەكتورى مارات بەيسەنوۆ ءسوز ءسوي­لەدى. شاراعا 150-دەن استام قىتاي كومپانيالارىنىڭ وكىلدەرى قاتىستى. فورۋم كەزىندە «قتج» ۇك» اق پرەزيدەنتى اسقار مامين تسزيانسۋ پروۆينتسياسىنىڭ گۋبەرناتورى شي تايفەنمەن, ليانيۋنگان قالاسى حالىق ۇكىمەتىنىڭ مەرى سيان سيۋەلونمەن جانە بىرقاتار جەتەكشى قىتاي كومپانيالارىنىڭ باسشىلارىمەن كەزدەستى. تاراپ­تار ليانيۋنگان قازاقستان-قى­تاي بىرلەسكەن لوگيستيكالىق كوم­پا­­نيا­­­سىن ودان ءارى دامىتۋ مەن ليانيۋنگان قالاسىنداعى شىۇ لو­­گيس­تيكالىق ايماعىن قۇرۋ, «قور­عاس» حشسو دامىتۋ ماسەلەسىن قاراستىردى. كەزدەسۋ بارىسىندا تسزيانسۋ پروۆينتسياسىنىڭ گۋبەرناتورى شي تايفەن قىتاي تاراپىنىڭ «قورعاس – شىعىس قاقپاسى» اەا-نى دامىتۋدى جۇزەگە اسىرۋ ناتيجەلەرىنىڭ بارىنشا ءتيىمدى بولۋىنا جانە ءوزارا پاي­دالى سەرىكتەستىكتى كە­ڭەي­تۋگە مۇددەلىلىك تانىتتى. تسزيانسۋ پروۆينتسياسى قىتايدىڭ يندۋس­تريالىق-اگرارلىق سالاداعى جەتەكشى ايماق­تارى قاتارىنان سانالادى. ايماق­تىڭ ىشكى جالپى ءونىمى 1 ترلن. 200 ملرد. اقش دوللارىن قۇرايدى. جەرگىلىكتى تۇر­عىندارىنىڭ سانى 78,6 ميل­ليونعا جەتەدى. مارات اققۇل, «ەگەمەن قازاقستان».