پوليگراف

اسكەري قىزمەتشىلەردىڭ زاڭعا قايشى ءىس-ارەكەتتەرىن انىقتاۋعا كومەكتەسەدى قازاقستان رەسپۋبليكاسىنىڭ قارۋلى كۇشتەرىندە اسكەري قىزمەتشىلەردىڭ زاڭعا قايشى ارەكەتتەرىنىڭ الدىن الۋ ءۇشىن ارنايى تەحنيكالىق قۇرالدار قولدانىلۋى مۇمكىن. تەكسەرۋ پوليگراف اپپاراتىنىڭ كومەگى ارقىلى جۇزەگە اسىرىلۋى ىق­تيمال. بيىلعى جىلى قازاقستان رەسپۋبليكاسىنىڭ قارۋلى كۇش­تەرىندە ءبىرىنشى جارتىجىلدىقتا شاقىرىلىمعا جاۋاپتى قورعانىس ىستەرى جونىندەگى اۋماقتىق ورگانداردىڭ اسكەري قىزمەتشىلەرى پوليگراف اپپاراتىندا تەكسەرۋدەن وتەدى دەپ جوسپارلانۋدا. پوليگراف – بۇل تالاپ ەتىلەتىن ستيمۋلدارعا جاۋاپ رەتىندە ادامنىڭ رەاكتسياسىن قاداعالاپ وتىرۋعا مۇمكىندىك بەرەتىن تەح­نيكالىق قۇرال. گرافيكا تۇرىندە بەينەلەنىپ كورسەتىلەتىن تىنىس الۋ, جۇرەك-قان تامىرلا­رى جۇيەلەرىنىڭ, تەرىنىڭ ەلەك­ترلى بەلسەندىلىگى سەكىلدى فيزيو­لوگيالىق كورسەتكىشتەر ەلەكتر دابىلدارىنا اۋىسادى. پوليگراف ارقىلى تەكسەرۋ ادامنىڭ ءومىرى مەن دەنساۋلىعىنا اسەر ەتپەيتىن مۇلدەم قاۋىپسىز پروتسەدۋرا جانە ادامنىڭ ەركىن تۇردەگى جازباشا كەلىسىمىمەن عانا جۇزەگە اسىرىلادى. پوليگرافتىڭ كومەگىمەن ال­كوگولدى, ەسىرتكى زاتتارىن ءمول­شەردەن كوپ پايدالانۋ, قۇمار ويىندارعا اۋەس بولۋ, ءوزىن ءوزى ولتىرۋگە ارەكەتتەنۋ, ءدىني ەكس­ترەميستىك ۇيىمداردىڭ وكىل­دەرىمەن جەكە بايلانىس ورناتۋ, قىلمىستىق ەلەمەنتتەر نەمەسە شەتەلدىك ارنايى قىزمەتتەرگە جاردەمدەسۋ, رۇقسات ەتىلمەگەن قىزمەتتىك (قۇپيا) اقپاراتتى تاراتۋ, قانداي دا ءبىر جەمقورلىق ارەكەتتەرگە بارۋ سەكىلدى دەرەك­تەردى انىقتاۋعا بولادى. «ەگەمەن-اقپارات».