قىزىلوردادا ىزدەۋدە جۇرگەن 7 قىلمىسكەر ۇستالدى

قىزىلوردا. 17 ناۋرىز. ايماقتاعى كريمينوگەندىك احۋالدى سەيىلتۋ, قۇقىق ءتارتىبى مەن جول قوزعالىسى  قاۋىپسىزدىگىن قامتاماسىز ەتۋ, كوشەلەر مەن باسقا دا قوعامدىق ورىنداردا قىلمىستاردى ەسكەرتۋ جانە جولىن كەسۋ باعىتىندا وبلىس كولەمىندە «قۇقىق ءتارتىبى» جەدەل-پروفيلاكتيكالىق ءىس-شاراسى ءوتىپ جاتىر. وسى شارا بارىسىندا ىزدەۋدە جۇرگەن جەتى قىلمىسكەر ۇستالدى. بۇل تۋرالى وبلىستىق ىشكى ىستەر دەپارتامەنتىنە سىلتەمە جاساعان .egemen.kz ءتىلشىسى حابارلادى. ءىس-شارانىڭ 1 كۇنىندە ءار ءتۇرلى قۇقىق بۇزۋشىلىقتار جاساعان 862 ازاماتقا اكىمشىلىك شارا كورىلدى. ونىڭ ىشىندە بەلگىلەنگەن ءجۇرۋ جىلدامدىعىن ارتتىرعانى ءۇشىن – 78, كولىك قۇرالىن باسقارۋ كەزىندە تەلەفوندى نەمەسە راديوستانتسيانى پايدالانعانى ءۇشىن – 121, قاۋىپسىزدىك بەلدىگىن تاقپاعانى ءۇشىن – 170 ازاماتقا قاتىستى اكىمشىلىك حاتتامالار تولتىرىلىپ, كولىك قۇرالىن ماس كۇيىندە باسقارعانى ءۇشىن 10 ازامات ناركولوگيالىق ساراپتامادان وتكىزىلىپ, ءتيىستى شەشىم قابىلداۋ ءۇشىن جيناقتالعان قۇجاتتار سوتقا جولداندى. تاۋلىك ىشىندە 16 قىلمىستىڭ بەتى اشىلىپ, ونىڭ 8-ءى – ءىزى سۋىماي اشىلدى. ىزدەۋدە جۇرگەن 7 قىلمىسكەر ۇستالدى. ەسىرتكى زاتىن ساقتاعانى ءۇشىن 30 جاستاعى قالا تۇرعىنىنان 44,22 گرامم «كەپتىرىلگەن ماريحۋانا» تاركىلەندى. جالپى, وبلىس كولەمىندە جول قوزعالىسى قاۋىپسىزدىگىن قامتاماسىز ەتۋگە باعىتتالعان «قۇقىق ءتارتىبى» ارنايى جەدەل-پروفيلاكتيكالىق ءىس-شاراسى ناۋرىز ايىنىڭ 18-نە دەيىن جالعاساتىن بولادى. ەرجان بايتىلەس. دەرەك, سۋرەت: egemen.kz