استانادا فۋتبول سايتىنىڭ تۇساۋكەسەرى بولادى

استانا. 17 ناۋرىز. ەرتەڭ استانادا قالالىق فۋتبول فەدەراتسياسىنىڭ جاڭا سايتىنىڭ, ياعني «فۋتبول. فاكتىلەر. اقپارات» پورتالىنىڭ تۇساۋكەسەر بولادى. بۇل تۋرالى egemen.kz ءتىلشىسى حابارلادى. استانا فۋتبول فەدەراتسياسى – قالادا فۋتبول ويىنىن بۇقارالىق سيپاتتا دامىتۋ ماقساتىندا قۇرىلعان قوعامدىق ۇيىم. بۇعان دەيىن فەدەراتسيادا ەلەكتروندى باسىلىم بولاتىن. ەندى سونىڭ نەگىزىندە «فۋتبول. فاكتىلەر. اقپارات» اقپاراتتىق-ساراپتامالىق پورتالى اشىلدى. بۇل سايت استانا فۋتبولىن عانا ەمەس, جالپى قازاق فۋتبولىنىڭ دا ساراپتامالىق تۇرعىداعى ناسيحاتشىسى بولۋدى ماقسات ەتىپ وتىر. فۋتبول پورتالىنىڭ بىزگە جىبەرگەن ءباسپاسوز رەليزىندە «باسقاداي مالىمەتتەردى تۇساۋكەسەر كەشىندە بىلە الاسىزدار. استانا فۋتبول فەدەراتسياسىنىڭ باسشىلارى مەن بارلىق ماماندارى سىزدەردىڭ سۇراقتارىڭىزعا جاۋاپ بەرۋگە ءازىر» دەلىنگەن. پورتالدا ارىپتەستەرىمىزدەن سپورت جۋرناليستەرى نۇرعازى ساساەۆ پەن ءادىل ورازباەۆ جۇمىس ىستەيدى. تۇساۋكەسەر Astana Mall ساۋدا كەشەنىندە (تاۋەلسىزدىك كوشەسى, 34), 4-قاباتتاعى سoworking Multispace جيىن زالىندا ساعات 11:00 باستالادى. داستان كەنجالين. دەرەك: اcتانا فۋتبول فەدەراتسياسى. سۋرەت: egemen.kz