قازاقستان رەسپۋبليكاسى ۇكىمەتىنىڭ قاۋلىسى  №133

2016 جىلعى 4 ناۋرىز, استانا, ۇكىمەت ءۇيى وبلىستىق بيۋدجەتتەردىڭ, استانا جانە الماتى قالالارى بيۋدجەتتەرىنىڭ 2016 جىلعا ارنالعان رەسپۋبليكالىق بيۋدجەتتەن «ورلەۋ» جوباسى بويىنشا شارتتى اقشالاي كومەكتى ەندىرۋگە بەرىلەتىن اعىمداعى نىسانالى ترانسفەرتتەردى پايدالانۋ قاعيدالارىن بەكىتۋ تۋرالى «2016 – 2018 جىلدارعا ارنالعان رەسپۋبليكالىق بيۋدجەت تۋرالى» 2015 جىلعى 30 قاراشاداعى قازاقستان رەسپۋبليكاسىنىڭ زاڭى 15-بابىنىڭ 14) تارماقشاسىن جانە «2016 – 2018 جىلدارعا ارنالعان رەسپۋبليكالىق بيۋدجەت تۋرالى» قازاقستان رەسپۋبليكاسىنىڭ زاڭىن ىسكە اسىرۋ تۋرالى» قازاقستان رەسپۋبليكاسى ۇكىمەتىنىڭ 2015 جىلعى 8 جەلتوقسانداعى № 972 قاۋلىسىن ىسكە اسىرۋ ماقساتىندا قازاقستان رەسپۋبليكاسىنىڭ ۇكىمەتى قاۋلى ەتەدى: 1. قوسا بەرىلىپ وتىرعان وبلىستىق بيۋدجەتتەردىڭ, استانا جانە الماتى قالالارى بيۋدجەتتەرىنىڭ 2016 جىلعا ارنالعان رەسپۋبليكالىق بيۋدجەتتەن «ورلەۋ» جوباسى بويىنشا شارتتى اقشالاي كومەكتى ەندىرۋگە بەرىلەتىن اعىمداعى نىسانالى ترانسفەرتتەردى پايدالانۋ قاعيدالارى بەكىتىلسىن. 2. قازاقستان رەسپۋبليكاسى دەنساۋلىق ساقتاۋ جانە الەۋمەتتىك دامۋ مينيسترلىگى اعىمداعى نىسانالى ترانسفەرتتەردىڭ بەكىتىلگەن سومالارىن زاڭنامادا بەلگىلەنگەن تارتىپپەن وبلىستىق بيۋدجەتتەرگە, استانا جانە الماتى قالالارىنىڭ بيۋدجەتتەرىنە اۋدارۋدى قامتاماسىز ەتسىن. 3. وبلىستاردىڭ, استانا جانە الماتى قالالارىنىڭ اكىمدەرى: 1) اعىمداعى نىسانالى ترانسفەرتتەردىڭ بولىنگەن سومالارىن ۋاقتىلى جانە ماقساتتى پايدالانۋدى; 2) قازاقستان رەسپۋبليكاسى دەنساۋلىق ساقتاۋ جانە الەۋمەتتىك دامۋ مينيسترلىگىنە ەسەپتى ايدان كەيىنگى ايدىڭ 10-كۇنىنە دەيىن اعىمداعى نىسانالى ترانسفەرتتەردىڭ بولىنگەن سومالارىنىڭ پايدالانىلۋى تۋرالى ەسەپتەر بەرۋدى قامتاماسىز ەتسىن. 4. وسى قاۋلى 2016 جىلعى 1 قاڭتاردان باستاپ قولدانىسقا ەنگىزىلەدى جانە رەسمي جاريالانۋعا ءتيىس. قازاقستان رەسپۋبليكاسىنىڭ پرەمەر-ءمينيسترى ك.ءماسىموۆ. قازاقستان رەسپۋبليكاسى ۇكىمەتىنىڭ 2016 جىلعى 4 ناۋرىزداعى №133 قاۋلىسىمەن بەكىتىلگەن وبلىستىق بيۋدجەتتەردىڭ, استانا جانە الماتى قالالارى بيۋدجەتتەرىنىڭ 2016 جىلعا ارنالعان رەسپۋبليكالىق بيۋدجەتتەن «ورلەۋ» جوباسى بويىنشا شارتتى اقشالاي كومەكتى ەندىرۋگە بەرىلەتىن اعىمداعى نىسانالى ترانسفەرتتەردى پايدالانۋ قاعيدالارى 1. جالپى ەرەجەلەر 1. وسى وبلىستىق بيۋدجەتتەردىڭ, استانا جانە الماتى قالالارى بيۋدجەتتەرىنىڭ 2016 جىلعا ارنالعان رەسپۋبليكالىق بيۋدجەتتەن «ورلەۋ» جوباسى بويىنشا شارتتى اقشالاي كومەكتى ەندىرۋگە بەرىلەتىن اعىمداعى نىسانالى ترانسفەرتتەردى پايدالانۋ قاعيدالارى (بۇدان ءارى – قاعيدالار) «2016 – 2018 جىلدارعا ارنالعان رەسپۋبليكالىق بيۋدجەت تۋرالى» 2015 جىلعى 30 قاراشاداعى قازاقستان رەسپۋبليكاسىنىڭ زاڭى 15-بابىنىڭ 14) تارماقشاسىنا جانە «2016 – 2018 جىلدارعا ارنالعان رەسپۋبليكالىق بيۋدجەت تۋرالى» قازاقستان رەسپۋبليكاسىنىڭ زاڭىن ىسكە اسىرۋ تۋرالى» قازاقستان رەسپۋبليكاسى ۇكىمەتىنىڭ 2015 جىلعى 8 جەلتوقسانداعى № 972 قاۋلىسىنا سايكەس ازىرلەندى. 2. قاعيدالار 027 «ازاماتتاردىڭ جەكەلەگەن ساناتتارىن الەۋمەتتىك قامسىزداندىرۋ جانە ولاردىڭ تولەمدەرىن جۇرگىزۋ» رەسپۋبليكالىق بيۋدجەتتىك باعدارلاماسى (بۇدان ءارى – 027-باعدارلاما) بويىنشا 141 «وبلىستىق بيۋدجەتتەرگە, استانا جانە الماتى قالالارىنىڭ بيۋدجەتتەرىنە «ورلەۋ» جوباسى بويىنشا شارتتى اقشالاي كومەكتى ەندىرۋگە بەرىلەتىن اعىمداعى نىسانالى ترانسفەرتتەر» كىشى باعدارلاماسى (بۇدان ءارى – 141-كىشى باعدارلاما) بويىنشا كوزدەلگەن «ورلەۋ» جوباسى بويىنشا شارتتى اقشالاي كومەكتى ەندىرۋگە بەرىلەتىن اعىمداعى نىسانالى ترانسفەرتتەردى وبلىستىق بيۋدجەتتەردىڭ, استانا جانە الماتى قالالارى بيۋدجەتتەرىنىڭ پايدالانۋ ءتارتىبىن ايقىندايدى. 3. وبلىستىق بيۋدجەتتەردىڭ, استانا جانە الماتى قالالارى بيۋدجەتتەرىنىڭ رەسپۋبليكالىق بيۋدجەتتەن «ورلەۋ» جوباسى بويىنشا شارتتى اقشالاي كومەكتى ەندىرۋگە بەرىلەتىن اعىمداعى نىسانالى ترانسفەرتتەردى پايدالانۋى 2008 جىلعى 4 جەلتوقسانداعى قازاقستان رەسپۋبليكاسىنىڭ بيۋدجەت كودەكسىنە جانە «مەملەكەتتىك ساتىپ الۋ تۋرالى» 2015 جىلعى 4 جەلتوقسانداعى قازاقستان رەسپۋبليكاسىنىڭ زاڭىنا سايكەس جۇزەگە اسىرىلادى. 4. وسى قاعيدالاردا مىناداي ۇعىمدار پايدالانىلادى: 1) ارناۋلى الەۋمەتتىك قىزمەتتەر – ومىردە قيىن جاعدايدا جۇرگەن ادامعا (وتباسىنا) تۋىنداعان الەۋمەتتىك پروبلەمالاردى ەڭسەرۋ ءۇشىن جاعدايلاردى قامتاماسىز ەتەتىن جانە ونىڭ قوعام ومىرىنە قاتىسۋىنا باسقا ازاماتتارمەن تەڭ مۇمكىندىكتەر جاساۋعا باعىتتالعان قىزمەتتەر كەشەنى; 2) اسسيستەنتتەر – شارتتى اقشالاي كومەك الۋ ءۇشىن كەنت, اۋىل, اۋىلدىق وكرۋگ اكىمىنە (بۇدان ءارى – اۋىلدىق وكرۋگ اكىمى) ءوتىنىش بىلدىرگەن ۇمىتكەرمەن كونسۋلتاتسيالار, اڭگىمەلەسۋ وتكىزۋ, وتباسىنىڭ بەلسەندىلىگىن ارتتىرۋدىڭ الەۋمەتتىك كەلىسىمشارتىن ىسكە اسىرۋ كەزەڭىندە ادامدى (وتباسىن) سۇيەمەلدەۋ, اتقارىلعان جۇمىس تۋرالى مونيتورينگ جۇرگىزۋ جانە ەسەپ جاساۋ ءۇشىن ۋاكىلەتتى ورگان شارت نەگىزىندە تارتاتىن ادامدار; 3) الەۋمەتتىك جۇمىس جونىندەگى كونسۋلتانتتار – شارتتى اقشالاي كومەك الۋ ءۇشىن ۋاكىلەتتى ورگانعا ءوتىنىش بىلدىرگەن ۇمىتكەرمەن كونسۋلتاتسيالار, اڭگىمەلەسۋ وتكىزۋ, وتباسىنىڭ بەلسەندىلىگىن ارتتىرۋدىڭ الەۋمەتتىك كەلىسىمشارتىن ىسكە اسىرۋ كەزەڭىندە ادامدى (وتباسىن) سۇيەمەلدەۋ, اتقارىلعان جۇمىس تۋرالى مونيتورينگ جۇرگىزۋ جانە ەسەپ جاساۋ ءۇشىن ۋاكىلەتتى ورگان شارت نەگىزىندە تارتاتىن, حالىقتى الەۋمەتتىك قورعاۋ ورگاندارى مەن ۇيىمدارىنىڭ جانە وزگە دە ۇيىمداردىڭ ماماندارىمەن ءوزارا ءىس-قيمىل جاسايتىن ادامدار; 4) الەۋمەتتىك كەلىسىمشارت – ءبىر جاعىنان, جۇمىسپەن قامتۋعا جاردەمدەسۋدىڭ مەملەكەتتىك شارالارىنا قاتىساتىن قازاقستان رەسپۋبليكاسىنىڭ جۇمىسسىز, ءوز بەتىنشە جۇمىسپەن قامتىلعان جانە تابىسى از ازاماتتارى مەن ورالماندار قاتارىنداعى جەكە تۇلعا جانە ەكىنشى جاعىنان, حالىقتى جۇمىسپەن قامتۋ ورتالىعىنىڭ اراسىنداعى تاراپتاردىڭ قۇقىقتارى مەن مىندەتتەرىن ايقىندايتىن كەلىسىم; 5) جان باسىنا شاققانداعى ورتاشا تابىس – وتباسىنىڭ جيىنتىق تابىسىنىڭ ايىنا وتباسىنىڭ ءاربىر مۇشەسىنە كەلەتىن ۇلەسى; 6) جۇمىسپەن قامتۋعا جاردەمدەسۋدىڭ بەلسەندى شارالارى – ءوز بەتىنشە جۇمىسپەن قامتىلعان, جۇمىسسىز جانە تابىسى از حالىق قاتارىنداعى قازاقستان رەسپۋبليكاسىنىڭ ازاماتتارى مەن ورالمانداردى مەملەكەتتىك قولداۋدىڭ قازاقستان رەسپۋبليكاسىنىڭ زاڭناماسىندا بەلگىلەنگەن تارتىپپەن مەملەكەت جۇزەگە اسىراتىن شارالارى; 7) مەملەكەتتىك اتاۋلى الەۋمەتتىك كومەك (بۇدان ءارى – اتاۋلى الەۋمەتتىك كومەك) – جان باسىنا شاققانداعى ورتاشا ايلىق تابىسى وبلىستاردا, رەسپۋبليكالىق ماڭىزى بار قالادا, استانادا بەلگىلەنگەن كەدەيلىك شەگىنەن تومەن جەكە تۇلعالارعا (وتباسىلارعا) مەملەكەت اقشالاي نىساندا بەرەتىن تولەم; 8) وبلىستىڭ ۋاكىلەتتى ورگانى – «ورلەۋ» جوباسىن ىسكە اسىرۋدى ۇيلەستىرۋدى جانە ونىڭ مونيتورينگىن جۇزەگە اسىراتىن وبلىستىڭ جەرگىلىكتى اتقارۋشى ورگانىنىڭ جۇمىسپەن قامتۋدى ۇيلەستىرۋ جانە الەۋمەتتىك باعدارلامالار باسقارماسى; 9) وتباسىنا كومەكتىڭ جەكە جوسپارى (بۇدان ءارى – جەكە جوسپار) – ۋاكىلەتتى ورگان ۇمىتكەرمەن بىرلەسىپ ازىرلەگەن جۇمىسپەن قامتۋعا جاردەمدەسۋ جانە (نەمەسە) الەۋمەتتىك بەيىمدەۋ جونىندەگى ءىس-شارالار كەشەنى; 10) وتباسىنىڭ بەلسەندىلىگىن ارتتىرۋدىڭ الەۋمەتتىك كەلىسىمشارتى – «ورلەۋ» جوباسىنا قاتىسۋ ءۇشىن وتباسى اتىنان ارەكەت ەتەتىن ەڭبەككە قابىلەتتى جەكە تۇلعا مەن ۋاكىلەتتى ورگان اراسىنداعى تاراپتاردىڭ قۇقىقتارى مەن مىندەتتەرىن ايقىندايتىن كەلىسىم; 11) وتباسىنىڭ جيىنتىق تابىسى – «مەملەكەتتىك اتاۋلى الەۋمەتتىك كومەك الۋعا ۇمىتكەر ادامنىڭ (وتباسىنىڭ) جيىنتىق تابىسىن ەسەپتەۋدىڭ ەرەجەسىن بەكىتۋ تۋرالى» قازاقستان رەسپۋبليكاسى ەڭبەك جانە حالىقتى الەۋمەتتىك قورعاۋ ءمينيسترىنىڭ 2009 جىلعى 28 شىلدەدەگى № 237-ءو بۇيرىعىمەن بەكىتىلگەن مەملەكەتتىك اتاۋلى الەۋمەتتىك كومەك الۋعا ۇمىتكەر ادامنىڭ (وتباسىنىڭ) جيىنتىق تابىسىن ەسەپتەۋ ەرەجەسىنە سايكەس ەسەپتەلەتىن, شارتتى اقشالاي كومەك تاعايىنداۋعا ءوتىنىش بىلدىرگەن ايدىڭ الدىنداعى 3 ايدا اقشالاي, سول سياقتى زاتتاي نىساندا الىنعان تابىستىڭ جالپى سوماسى; 12) ورتالىق اتقارۋشى ورگان – حالىقتى جۇمىسپەن قامتۋ جانە الەۋمەتتىك قورعاۋ سالاسىنداعى باسشىلىقتى, سونداي-اق قازاقستان رەسپۋبليكاسىنىڭ زاڭناماسىندا كوزدەلگەن شەكتە سالاارالىق ۇيلەستىرۋدى جۇزەگە اسىراتىن مەملەكەتتىك ورگان; 13) «ورلەۋ» جوباسى – وتباسىنىڭ (ادامنىڭ) ەڭبەككە قابىلەتتى مۇشەلەرىنىڭ جۇمىسپەن قامتۋعا جاردەمدەسۋدىڭ مەملەكەتتىك شارالارىنا قاتىسۋى جانە قاجەت بولعان جاعدايدا, ەڭبەككە قابىلەتتىلەرىن قوسا العاندا, وتباسى مۇشەلەرىنىڭ (ادامنىڭ), الەۋمەتتىك بەيىمدەلۋدەن ءوتۋى شارتىمەن وتباسىنا (ادامعا) شارتتى اقشالاي كومەك بەرۋ باعدارلاماسى; 14) ءوتىنىش بەرۋشى (ۇمىتكەر) – «ورلەۋ» جوباسىنا قاتىسۋ ءۇشىن ءوز اتىنان جانە وتباسى اتىنان ءوتىنىش بىلدىرگەن ادام; 15) رەسپۋبليكالىق بيۋدجەتتىك باعدارلامانىڭ اكىمشىسى – ازاماتتاردىڭ جەكەلەگەن ساناتتارىنا الەۋمەتتىك كومەك كورسەتۋ جونىندەگى شارالاردى قارجىلاندىرۋدى جانە ولاردىڭ ىسكە اسىرىلۋىنا مونيتورينگتى جۇزەگە اسىراتىن دەنساۋلىق ساقتاۋ جانە الەۋمەتتىك دامۋ سالاسىنداعى ورتالىق ۋاكىلەتتى ورگان; 16) ۋاكىلەتتى ورگان – شارتتى اقشالاي كومەكتى تاعايىنداۋدى, وتباسىنىڭ بەلسەندىلىگىن ارتتىرۋدىڭ الەۋمەتتىك كەلىسىمشارتىن ازىرلەۋدى, جاساسۋدى جانە سۇيەمەلدەۋدى جۇزەگە اسىراتىن رەسپۋبليكالىق ماڭىزى بار قالانىڭ, اۋداننىڭ, وبلىستىق ماڭىزى بار قالانىڭ جۇمىسپەن قامتۋ جانە الەۋمەتتىك باعدارلامالار ءبولىمى (باسقارماسى), اۋداننىڭ (وبلىستىق ماڭىزى بار قالانىڭ) جۇمىسپەن قامتۋ, الەۋمەتتىك باعدارلامالار جانە ازاماتتىق حال اكتىلەرىن تىركەۋ ءبولىمى; 17) ۋچاسكەلىك كوميسسيا – اتاۋلى الەۋمەتتىك كومەك الۋعا ءوتىنىش بىلدىرگەن ادامداردىڭ (وتباسىلاردىڭ) ماتەريالدىق جاعدايىنا تەكسەرۋ جۇرگىزۋ ءۇشىن ءتيىستى اكىمشىلىك-اۋماقتىق بىرلىكتەر اكىمدەرىنىڭ شەشىمىمەن قۇرىلاتىن ارنايى كوميسسيا; 18) شارتتى اقشالاي كومەك (بۇدان ءارى – شاك) – وتباسىنىڭ بەلسەندىلىگىن ارتتىرۋدىڭ الەۋمەتتىك كەلىسىمشارتىنىڭ تالاپتارى بويىنشا جان باسىنا شاققانداعى ورتاشا ايلىق تابىسى ەڭ تومەن كۇنكورىس دەڭگەيىنىڭ 60 پايىزىنان تومەن جەكە تۇلعالارعا نەمەسە وتباسىلارعا مەملەكەت بەرەتىن اقشالاي نىسانداعى تولەم. 5. رەسپۋبليكالىق بيۋدجەتتىك باعدارلامانىڭ اكىمشىسى بەلگىلەنگەن تارتىپپەن بەكىتىلگەن 027-بيۋدجەتتىك باعدارلامانى جانە 141-كىشى باعدارلامانى قارجىلاندىرۋدىڭ جەكە جوسپارىنىڭ نەگىزىندە وبلىستىق بيۋدجەتتەرگە, استانا جانە الماتى قالالارىنىڭ بيۋدجەتتەرىنە اعىمداعى نىسانالى ترانسفەرتتەردى اۋدارۋدى جۇرگىزەدى. 2. وبلىستىق بيۋدجەتتەردىڭ, استانا جانە الماتى قالالارى بيۋدجەتتەرىنىڭ 2016 جىلعا ارنالعان رەسپۋبليكالىق بيۋدجەتتەن «ورلەۋ» جوباسى بويىنشا شارتتى اقشالاي كومەكتى ەندىرۋگە بەرىلەتىن اعىمداعى نىسانالى ترانسفەرتتەردى پايدالانۋ ءتارتىبى 6. وبلىستىق بيۋدجەتتەردىڭ, استانا جانە الماتى قالالارى بيۋدجەتتەرىنىڭ «ورلەۋ» جوباسى بويىنشا شاك-تى ەندىرۋگە بەرىلەتىن اعىمداعى نىسانالى ترانسفەرتتەردى: 1) شاك تولەۋگە; 2) الەۋمەتتىك جۇمىس جونىندەگى كونسۋلتانتتار مەن اسسيستەنتتەردىڭ قىزمەتتەرىنە اقى تولەۋگە پايدالانادى. ۋاكىلەتتى ورگان «ورلەۋ» جوباسىنا قاتىسۋشىلارمەن جۇمىس ىستەۋگە جاردەمدەسۋ ءۇشىن كاسىپكەرلىك قىزمەت سۋبەكتىلەرى بولىپ تابىلمايتىن جەكە تۇلعالاردان ساتىپ الىناتىن وتەۋلى قىزمەتتەر كورسەتۋ شارتى نەمەسە مەملەكەتتىك ساتىپ الۋ شارتى نەگىزىندە الەۋمەتتىك جۇمىس جونىندەگى كونسۋلتانتتار مەن اسسيستەنتتەردىڭ كورسەتىلەتىن قىزمەتتەرىن ساتىپ الادى. اتالعان كورسەتىلەتىن قىزمەتتەردى ساتىپ الۋ ءتاسىلىن ۋاكىلەتتى ورگان قازاقستان رەسپۋبليكاسىنىڭ زاڭناماسىنا سايكەس رەسپۋبليكالىق بيۋدجەت باعدارلاماسى اكىمشىسىنىڭ كەلىسىمىنسىز تاڭدايدى. الەۋمەتتىك جۇمىس جونىندەگى كونسۋلتانتتار مەن اسسيستەنتتەردىڭ كورسەتىلەتىن قىزمەتتەرىنە, ونىڭ ىشىندە «ورلەۋ» جوباسىن ىسكە اسىرۋمەن بايلانىستى جول ءجۇرۋ مەن باسقا دا شىعىستارىن تولەۋ تالاپتارى, سونداي-اق جۇمىس ۋاقىتىنىڭ ەسەبى مەن كورسەتىلەتىن قىزمەتتەردىڭ تىزبەسى شارتتا كوزدەلەدى. اسسيستەنتتەردىڭ كورسەتىلەتىن قىزمەتتەرىن ساتىپ الۋ قۇنىنا ەڭبەكاقى تولەۋ جانە ءىسساپار شىعىستارى, الەۋمەتتىك جۇمىس جونىندەگى كونسۋلتانتتاردىڭ كورسەتىلەتىن قىزمەتتەرىنە ەڭبەكاقى تولەۋ شىعىستارى قوسىلادى. 7. وبلىستىڭ ۋاكىلەتتى ورگانى كەلىپ تۇسەتىن نىسانالى ترانسفەرتتەردى 047 «اۋدانداردىڭ (وبلىستىق ماڭىزى بار قالالاردىڭ) بيۋدجەتتەرىنە «ورلەۋ» جوباسى بويىنشا شاك-تى ەندىرۋگە بەرىلەتىن اعىمداعى نىسانالى ترانسفەرتتەر» بيۋدجەتتىك باعدارلاماسى بويىنشا كوزدەيدى, وعان سايكەس وبلىستىڭ ۋاكىلەتتى ورگانى بيۋدجەتتى اتقارۋ جونىندەگى ۋاكىلەتتى ورگان بەلگىلەگەن تارتىپپەن اۋداندىق بيۋدجەتتەرگە, وبلىستىق ماڭىزى بار قالالاردىڭ بيۋدجەتتەرىنە اعىمداعى نىسانالى ترانسفەرتتەردى اۋدارۋدى جۇرگىزەدى. 8. ۋاكىلەتتى ورگان كەلىپ تۇسەتىن نىسانالى ترانسفەرتتەردى 025 «ورلەۋ» جوباسى بويىنشا شارتتى اقشالاي كومەكتى ەندىرۋ» بيۋدجەتتىك باعدارلاماسى جانە 048 «ورلەۋ» جوباسى بويىنشا شارتتى اقشالاي كومەكتى ەندىرۋ» بيۋدجەتتىك باعدارلاماسى بويىنشا كوزدەيدى. اتالعان باعدارلاما بويىنشا وسى قاعيدالاردىڭ 6-تارماعىندا كورسەتىلگەن شىعىستار جۇرگىزىلەدى. شاك تولەۋ وسى قاعيدالاردىڭ 10-تارماعىندا كورسەتىلگەن مولشەردە 025 «ورلەۋ» جوباسى بويىنشا شارتتى اقشالاي كومەكتى ەندىرۋ» بيۋدجەتتىك باعدارلاماسىنىڭ ءتيىستى كىشى باعدارلامالارى جانە 048 «ورلەۋ» جوباسى بويىنشا شارتتى اقشالاي كومەكتى ەندىرۋ» بيۋدجەتتىك باعدارلاماسى بويىنشا جۇرگىزىلەدى. 9. شاك ەڭبەككە قابىلەتتى وتباسى مۇشەلەرىنىڭ (ادامنىڭ) جۇمىسپەن قامتۋعا جاردەمدەسۋدىڭ مەملەكەتتىك شارالارىنا قاتىسۋى جانە قاجەت بولعان جاعدايدا وتباسى مۇشەلەرىنىڭ (ادامنىڭ) الەۋمەتتىك بەيىمدەلۋدەن ءوتۋى شارتىمەن وتباسىنا (ادامعا) بەرىلەدى. وتباسىنىڭ بەلسەندىلىگىن ارتتىرۋدىڭ الەۋمەتتىك كەلىسىمشارتى قولدانىلاتىن جانە شاك تولەنەتىن كەزەڭدە اتاۋلى الەۋمەتتىك كومەك تولەۋ توقتاتىلادى. جۇمىسپەن قامتۋعا جاردەمدەسۋدىڭ مەملەكەتتىك شارالارى قازاقستان رەسپۋبليكاسى ۇكىمەتىنىڭ 2015 جىلعى 31 ناۋرىزداعى № 162 قاۋلىسىمەن بەكىتىلگەن جۇمىسپەن قامتۋ 2020 جول كارتاسىنىڭ جانە جەرگىلىكتى بيۋدجەت قاراجاتى ەسەبىنەن ىسكە اسىرىلاتىن وزگە دە باعدارلامالاردىڭ شەڭبەرىندە كوزدەلگەن ءىس-شارالار ارقىلى وتباسىنىڭ ەڭبەككە قابىلەتتى مۇشەلەرىن جۇمىسپەن قامتۋدى قامتاماسىز ەتۋدى كوزدەيدى. وتباسى مۇشەلەرىن (ادامدى) الەۋمەتتىك بەيىمدەۋ «ارناۋلى الەۋمەتتىك قىزمەتتەر تۋرالى» 2008 جىلعى 29 جەلتوقسانداعى قازاقستان رەسپۋبليكاسىنىڭ زاڭىنا سايكەس ولاردىڭ جەكە مۇقتاجدىعىنا بايلانىستى ارناۋلى الەۋمەتتىك كورسەتىلەتىن قىزمەتتەردى ۇسىنۋدى, سونداي-اق قازاقستان رەسپۋبليكاسىنىڭ زاڭناماسىندا كوزدەلگەن تارتىپپەن كورسەتىلەتىن الەۋمەتتىك قولداۋدىڭ وزگە دە شارالارىن كوزدەيدى. 10. وتباسىنىڭ ءاربىر مۇشەسىنە (ادامعا) ارنالعان شاك مولشەرى وتباسىنىڭ (ادامنىڭ) جان باسىنا شاققانداعى تابىسى مەن وبلىستاردا (رەسپۋبليكالىق ماڭىزى بار قالادا, استانادا) بەلگىلەنگەن ەڭ تومەن كۇنكورىس دەڭگەيىنىڭ 60 پايىزى اراسىنداعى ايىرما رەتىندە ايقىندالادى. بۇل رەتتە, جان باسىنا شاققانداعى تابىسى كەدەيلىك شەگىنەن تومەن وتباسىنا (ادامعا) شاك تولەۋ مىناداي تارتىپپەن جۇزەگە اسىرىلادى: 1) وتباسىنىڭ جان باسىنا شاققانداعى تابىسى مەن وبلىستاردا (رەسپۋبليكالىق ماڭىزى بار قالادا, استانادا) بەلگىلەنگەن كەدەيلىك شەگىنىڭ اراسىنداعى ايىرما جەرگىلىكتى بيۋدجەت قاراجاتى ەسەبىنەن (025 «ورلەۋ» جوباسى بويىنشا شارتتى اقشالاي كومەكتى ەندىرۋ» بيۋدجەتتىك باعدارلاماسىنىڭ 015 «جەرگىلىكتى بيۋدجەت قاراجاتى ەسەبىنەن» كىشى باعدارلاماسى, 048 «ورلەۋ» جوباسى بويىنشا شارتتى اقشالاي كومەكتى ەندىرۋ» بيۋدجەتتىك باعدارلاماسىنىڭ 015 «جەرگىلىكتى بيۋدجەت قاراجاتى ەسەبىنەن» كىشى باعدارلاماسى بويىنشا) قارجىلاندىرىلادى; 2) وبلىستاردا (رەسپۋبليكالىق ماڭىزى بار قالادا, استانادا) بەلگىلەنگەن كەدەيلىك شەگى مەن ەڭ تومەن كۇنكورىس دەڭگەيىنىڭ 60 پايىزى اراسىنداعى ايىرما رەسپۋبليكالىق بيۋدجەتتەن بەرىلەتىن اعىمداعى نىسانالى ترانسفەرتتەر ەسەبىنەن (025 «ورلەۋ» جوباسى بويىنشا شارتتى اقشالاي كومەكتى ەندىرۋ» بيۋدجەتتىك باعدارلاماسىنىڭ 011 «رەسپۋبليكالىق بيۋدجەتتەن بەرىلەتىن ترانسفەرتتەر ەسەبىنەن» كىشى باعدارلاماسى, 048 «ورلەۋ» جوباسى بويىنشا شارتتى اقشالاي كومەكتى ەندىرۋ» بيۋدجەتتىك باعدارلاماسىنىڭ 011 «رەسپۋبليكالىق بيۋدجەتتەن بەرىلەتىن ترانسفەرتتەر ەسەبىنەن» كىشى باعدارلاماسى بويىنشا) قارجىلاندىرىلادى. شاك الۋشىلاردىڭ شوتتارىنا تولەمدەر 025 «ورلەۋ» جوباسى بويىنشا شارتتى اقشالاي كومەكتى ەندىرۋ» بيۋدجەتتىك باعدارلاماسى جانە 048 «ورلەۋ» جوباسى بويىنشا شارتتى اقشالاي كومەكتى ەندىرۋ» بيۋدجەتتىك باعدارلاماسىنىڭ ەكى كىشى باعدارلاماسى بويىنشا ءبىر مەزگىلدە جۇزەگە اسىرىلادى. جان باسىنا شاققانداعى ورتاشا تابىس شاك تاعايىنداۋعا ءوتىنىش بىلدىرگەن ايدىڭ الدىنداعى ءۇش ايدا الىنعان جيىنتىق تابىستى وتباسى مۇشەلەرىنىڭ سانىنا جانە ءۇش ايعا ءبولۋ ارقىلى ەسەپتەلەدى جانە وتباسىنىڭ بەلسەندىلىگىن ارتتىرۋدىڭ الەۋمەتتىك كەلىسىمشارتى قولدانىلاتىن مەرزىم ىشىندە قايتا قارالمايدى. وتباسىنىڭ قۇرامى وزگەرگەن جاعدايدا, شاك مولشەرى كورسەتىلگەن ءمان-جايلار باستالعان كەزدەن باستاپ, بىراق ونى تاعايىنداعان كەزدەن كەيىن عانا قايتا ەسەپتەلەدى. شاك وتباسىنىڭ بەلسەندىلىگىن ارتتىرۋدىڭ الەۋمەتتىك كەلىسىمشارتى قولدانىلاتىن مەرزىمگە بەرىلەدى جانە اي سايىن نەمەسە ۇمىتكەردىڭ ءوتىنىشى بويىنشا ءۇش اي ءۇشىن ءبىر مەزگىلدە تولەنەدى. شاك-تىڭ بىرجولعى سوماسى بۇرىنعى قارىزداردى وتەۋگە, جىلجىمايتىن تۇرعىن م ۇلىك ساتىپ الۋعا ارنالعان شىعىنداردان باسقا, وتباسىنىڭ بەلسەندىلىگىن ارتتىرۋدىڭ الەۋمەتتىك كەلىسىمشارتى بويىنشا مىندەتتەردى ورىنداۋعا بايلانىستى ءىس-شارالارعا عانا, ونىڭ ىشىندە جەكە قوسالقى شارۋاشىلىقتى دامىتۋعا ء(ۇي مالىن, قۇسىن جانە ت.ب. ساتىپ الۋ), جەكە كاسىپكەرلىك قىزمەتتى ۇيىمداستىرۋعا پايدالانىلۋعا ءتيىس. 11. ۇمىتكەر «ورلەۋ» جوباسىنا قاتىسۋ ءۇشىن جەكە ءوزىنىڭ نەمەسە وتباسىنىڭ اتىنان تۇرعىلىقتى جەرى بويىنشا ۋاكىلەتتى ورگانعا نەمەسە ول بولماعان جاعدايدا اۋىلدىق وكرۋگ اكىمىنە ءوتىنىش بەرەدى. 12. ۋاكىلەتتى ورگان, اۋىلدىق وكرۋگ اكىمى نە اسسيستەنت ۇمىتكەر ءوتىنىش بىلدىرگەن كۇنى وعان «ورلەۋ» جوباسىنا قاتىسۋ شارتتارى تۋرالى كونسۋلتاتسيا بەرەدى. ۇمىتكەر «ورلەۋ» جوباسىنا قاتىسۋعا كەلىسىم بەرگەن جاعدايدا ۋاكىلەتتى ورگان, اۋىلدىق وكرۋگ اكىمى نە اسسيستەنت اڭگىمەلەسۋ جۇرگىزەدى. اڭگىمەلەسۋ جۇرگىزۋ كەزىندە: 1) شاك الۋ نەگىزدەمەسى; 2) جۇمىسپەن قامتۋعا جاردەمدەسۋدىڭ مەملەكەتتىك شارالارىنا مۇقتاجدىعى; 3) جەكە مۇقتاجدىقتارىن ەسكەرە وتىرىپ, وتباسى مۇشەلەرىنە ولاردىڭ الەۋمەتتىك بەيىمدەلۋ شارالارى ايقىندالادى. اڭگىمەلەسۋ ناتيجەلەرى بويىنشا ورتالىق اتقارۋشى ورگان بەكىتەتىن نىسان بويىنشا اڭگىمەلەسۋ پاراعى رەسىمدەلەدى. 13. اڭگىمەلەسۋ پاراعىنا قول قويعان ۇمىتكەر «ورلەۋ» جوباسىنا قاتىسۋعا ءوتىنىش پەن ورتالىق اتقارۋشى ورگان بەكىتەتىن نىساندارعا سايكەس وتباسىلىق جانە ماتەريالدىق جاعدايى تۋرالى ساۋالناما تولتىرادى, وعان مىناداي قۇجاتتاردى قوسا بەرەدى: 1) جەكە باسىن كۋالاندىراتىن قۇجات; 2) ورتالىق اتقارۋشى ورگان بەكىتەتىن نىسان بويىنشا وتباسى قۇرامى تۋرالى مالىمەتتەر; 3) وتباسى مۇشەسىنە قامقورشىلىقتىڭ (قورعانشىلىقتىڭ) بەلگىلەنگەنىن راستايتىن قۇجات (قاجەت بولعان جاعدايدا); 4) تۇراقتى تۇرعىلىقتى جەرى بويىنشا تىركەلگەنىن راستايتىن قۇجات نەمەسە مەكەنجاي انىقتاماسى نەمەسە اۋىلدىق وكرۋگ اكىمىنىڭ انىقتاماسى; 5) ورتالىق اتقارۋشى ورگان بەكىتەتىن نىسان بويىنشا جەكە قوسالقى شارۋاشىلىعىنىڭ بولۋى تۋرالى مالىمەتتەر. 14. ءوتىنىش بەرۋشى ءوتىنىش بىلدىرگەن كەزدە مەملەكەتتىك اتاۋلى الەۋمەتتىك كومەكتى جانە (نەمەسە) ون سەگىز جاسقا دەيiنگى بالالارعا تاعايىندالاتىن جانە تولەنەتىن اي سايىنعى مەملەكەتتىك جاردەماقىنى الۋشى بولىپ تابىلعان, سونداي-اق ولاردا قامتىلعان اقپاراتتى مەملەكەتتىك اقپاراتتىق جۇيەلەردەن الۋ مۇمكىن بولعان جاعدايدا, وسى قاعيدالاردىڭ 13-تارماعىنىڭ 3), 4) تارماقشالارىندا كورسەتىلگەن قۇجاتتاردى ۇسىنۋ تالاپ ەتىلمەيدى. 15. وسى قاعيدالاردىڭ 13-تارماعىنىڭ 1), 3) جانە 4) تارماقشالارىندا كورسەتىلگەن قۇجاتتار: 1) اۋىلدىق وكرۋگ اكىمىنە ءوتىنىش بىلدىرگەن كەزدە – سالىستىرىپ تەكسەرۋ ءۇشىن تۇپنۇسقالاردا جانە كوشىرمەلەردە ۇسىنىلادى, سودان كەيىن قۇجاتتار تۇپنۇسقادا ءوتىنىش بەرۋشىگە قايتارىلادى; 2) ۋاكىلەتتى ورگانعا ءوتىنىش بىلدىرگەن كەزدە – تۇپنۇسقادا ۇسىنىلادى, ولار سكانەرلەنەدى جانە ءوتىنىش بەرۋشىگە قايتارىلادى, ال ەلەكتروندىق قۇجاتتار ۋاكىلەتتى ورگان قىزمەتكەرىنىڭ ەلەكتروندىق تسيفرلىق قولتاڭباسىمەن كۋالاندىرىلادى. وسى قاعيدالاردىڭ 13-تارماعىنىڭ 2), 5) تارماقشالارىندا كورسەتىلگەن ۇمىتكەر تولتىراتىن قۇجاتتار تۇپنۇسقادا ۇسىنىلادى. ۋاكىلەتتى ورگان قۇجاتتاردىڭ ەلەكتروندىق كوشىرمەلەرى مەن مالىمەتتەردىڭ ساپاسىن جانە ولاردىڭ ءوتىنىش بەرۋشى ۇسىنعان تۇپنۇسقالارىنا سايكەستىگىن قامتاماسىز ەتەدى. 16. ءوتىنىش بەرۋشى ءتيىستى قۇجاتتاردى ۇسىنعاننان كەيىن ونىڭ قاتىسۋىمەن ۋاكىلەتتى ورگاننىڭ قىزمەتكەرى ۇمىتكەردىڭ جانە وتباسى مۇشەلەرىنىڭ جەكە سايكەستەندىرۋ ءنومىرى بويىنشا ورتالىق اتقارۋشى ورگان بەكىتەتىن نىسان بويىنشا مەملەكەتتىك اقپاراتتىق جۇيەلەرگە سۇراۋ سالۋدى قالىپتاستىرادى. مەملەكەتتىك ورگاندار جانە (نەمەسە) ۇيىمدار سۇراتىلاتىن مالىمەتتەردى راستايتىن ەلەكتروندىق قۇجاتتاردى ۇسىنعان كەزدە ۋاكىلەتتى ورگان ءوتىنىشتى ورتالىق اتقارۋشى ورگان بەكىتەتىن نىسان بويىنشا جۋرنالعا تىركەيدى, سودان كەيىن ءوتىنىش بەرۋشىگە قۇجاتتاردىڭ قابىلدانعانى تۋرالى بەلگىسى بار ۇزبەلى تالون بەرىلەدى. 17. ۋاكىلەتتى ورگان نەمەسە اۋىلدىق وكرۋگ اكىمى قۇجاتتاردى العان كۇننەن باستاپ ەكى جۇمىس كۇنى ىشىندە ءىس ماكەتىن قالىپتاستىرادى جانە «ورلەۋ» جوباسىنا قاتىسۋعا ۇمىتكەر ءوتىنىش بەرۋشىنىڭ ماتەريالدىق جاعدايىن زەرتتەپ-قاراۋدى جۇرگىزۋ ءۇشىن ۋچاسكەلىك كوميسسيالارعا بەرەدى. 18. ۋچاسكەلىك كوميسسيالار قۇجاتتار كەلىپ تۇسكەن كۇننەن باستاپ ءۇش جۇمىس كۇنى ىشىندە ءوتىنىش بەرۋشىنىڭ ماتەريالدىق جاعدايىن زەرتتەپ-قاراۋدى جۇرگىزەدى, ورتالىق اتقارۋشى ورگان بەكىتەتىن نىساندار بويىنشا زەرتتەپ-قاراۋ اكتىسىن جانە ۋچاسكەلىك كوميسسيا قورىتىندىسىن جاسايدى جانە ۋچاسكەلىك كوميسسيا قورىتىندىسىن ۋاكىلەتتى ورگانعا نەمەسە اۋىلدىق وكرۋگ اكىمىنە بەرەدى. 19. اۋىلدىق وكرۋگ اكىمى ءوتىنىش بەرۋشىلەردىڭ قۇجاتتارىن ۋچاسكەلىك كوميسسيانىڭ قورىتىندىسىمەن قوسا, ولار قابىلدانعان كۇننەن باستاپ ون جۇمىس كۇنىنەن كەشىكتىرمەي ۋاكىلەتتى ورگانعا بەرەدى. 20. ۋاكىلەتتى ورگان: 1) اۋىلدىق وكرۋگ اكىمىنەن نەمەسە ۋچاسكەلىك كوميسسيادان قۇجاتتاردى العاننان كەيىن ءبىر جۇمىس كۇنى ىشىندە ءوتىنىش بەرۋشى ۇسىنعان ءوتىنىشتىڭ, قۇجاتتاردىڭ ەلەكتروندىق كوشىرمەلەرى بار ءوتىنىش بەرۋشىنىڭ ەلەكتروندىق ءىس ماكەتىن قالىپتاستىرادى, وتباسىنىڭ ءاربىر مۇشەسىنە شاك-تىڭ ايلىق مولشەرىن ايقىندايدى; 2) شاك-كە قۇقىعى ايقىندالعاننان كەيىن ءبىر جۇمىس كۇنى ىشىندە ءوز بەتىنشە جۇمىسپەن قامتىلعاندار, جۇمىسسىزدار ساناتىنا جاتقىزىلعان ءوتىنىش بەرۋشىنى جانە (نەمەسە) وتباسى مۇشەلەرىن, وسى قاعيدالاردىڭ 24-تارماعىندا كوزدەلگەن جاعدايلاردى جانە ءبىرىنشى, ەكىنشى توپ مۇگەدەكتەرىن, ءبىلىم الۋشىلاردى, ستۋدەنتتەردى, تىڭداۋشىلاردى, كۋرسانتتاردى جانە كۇندىزگى وقۋ نىسانىنداعى ماگيسترانتتاردى قوسپاعاندا, «حالىقتى جۇمىسپەن قامتۋ تۋرالى» 2001 جىلعى 23 قاڭتارداعى قازاقستان رەسپۋبليكاسىنىڭ زاڭىنا سايكەس جۇمىسپەن قامتۋعا جاردەمدەسۋدىڭ مەملەكەتتىك شارالارىنا قاتىسۋعا الەۋمەتتىك كەلىسىمشارت جاساسۋ ءۇشىن جۇمىسپەن قامتۋ ورتالىعىنا جىبەرەدى نە جەرگىلىكتى بيۋدجەت قاراجاتى ەسەبىنەن ىسكە اسىرىلاتىن جۇمىسپەن قامتۋعا جاردەمدەسۋدىڭ وزگە دە شارالارىنا جولداما بەرەدى. بۇل رەتتە, ۋاكىلەتتى ورگان جىبەرىلگەن ادامداردىڭ ءتىزىمىن جۇمىسپەن قامتۋ ورتالىعىنا بەرەدى. جۇمىسپەن قامتۋ ورتالىعى ۇمىتكەرلەردىڭ ءتىزىمىن العان كۇننەن باستاپ ءۇش جۇمىس كۇنىنەن كەشىكتىرمەي ولارمەن الەۋمەتتىك كەلىسىمشارتتار جاساسادى جانە الەۋمەتتىك كەلىسىمشارتتاردىڭ كوشىرمەلەرىن ۋاكىلەتتى ورگانعا جىبەرەدى; 3) الەۋمەتتىك كەلىسىمشارتتاردىڭ كوشىرمەلەرىن العاننان كەيىن ەكى جۇمىس كۇنى ىشىندە ءوتىنىش بەرۋشىنى جانە (نەمەسە) ونىڭ وتباسى مۇشەلەرىن ورتالىق اتقارۋشى ورگان بەكىتەتىن نىساندارعا سايكەس جەكە جوسپاردى ازىرلەۋ جانە وتباسىنىڭ بەلسەندىلىگىن ارتتىرۋدىڭ الەۋمەتتىك كەلىسىمشارتىن جاساسۋ ءۇشىن شاقىرادى; 4) وتباسىنىڭ بەلسەندىلىگىن ارتتىرۋدىڭ الەۋمەتتىك كەلىسىمشارتىن جاساسۋ كۇنى نىسانىن ورتالىق اتقارۋشى ورگان بەكىتەتىن تاعايىنداۋ (شاك تاعايىنداۋدان باس تارتۋ) تۋرالى شەشىم قابىلدايدى جانە شاك تاعايىنداۋدان باس تارتۋ تۋرالى شەشىم قابىلدانعان جاعدايدا, ءوتىنىش بەرۋشىگە ورتالىق اتقارۋشى ورگان بەكىتەتىن نىسان بويىنشا باس تارتۋ تۋرالى (سەبەپتەرىن كورسەتە وتىرىپ) حابارلاما جىبەرەدى. 21. جۇمىسپەن قامتۋعا جاردەمدەسۋ جانە الەۋمەتتىك بەيىمدەۋ جونىندەگى ءىس-شارالاردى قامتيتىن (وتباسىندا وسىنداي بەيىمدەلۋگە مۇقتاج ادام بولعان جاعدايدا) جەكە جوسپار ءوتىنىش بەرۋشىمەن جانە ونىڭ وتباسى مۇشەلەرىمەن بىرلەسىپ ازىرلەنەدى جانە وتباسىنىڭ بەلسەندىلىگىن ارتتىرۋدىڭ الەۋمەتتىك كەلىسىمشارتىنا قوسىمشا بولىپ تابىلادى. وتباسىنىڭ بەلسەندىلىگىن ارتتىرۋدىڭ الەۋمەتتىك كەلىسىمشارتى جۇمىسپەن قامتۋعا جاردەمدەسۋدىڭ مەملەكەتتىك شارالارىنا قاتىسۋ جونىندەگى مىندەتتەمەلەردى, سونداي-اق سكرينينگتىك قاراپ تەكسەرۋلەردەن ءوتۋ, الەۋمەتتىك ماڭىزى بار اۋرۋلار (ماسكۇنەمدىك, ناشاقورلىق, تۋبەركۋلەز) بولعان كەزدە ەمدەلۋگە بەيىمدىلىگى, جۇكتىلىكتىڭ ون ەكى اپتاسىنا دەيىن ايەلدەر كونسۋلتاتسياسىنا تىركەۋگە قويۋ جانە جۇكتىلىكتىڭ بارلىق كەزەڭىندە قاداعالاۋدا بولۋ جونىندەگى مىندەتتەمەلەردى قامتيدى. 22. وتباسىنىڭ بەلسەندىلىگىن ارتتىرۋدىڭ الەۋمەتتىك كەلىسىمشارتى التى ايعا, وتباسى مۇشەلەرىنىڭ الەۋمەتتىك بەيىمدەلۋىن ۇزارتۋ قاجەت بولعان جانە (نەمەسە) وتباسىنىڭ ەڭبەككە قابىلەتتى مۇشەلەرى كاسىپتىك وقۋىن اياقتاماعان جانە (نەمەسە) جاستار پراكتيكاسىنان وتكەن جانە (نەمەسە) الەۋمەتتىك جۇمىس ورىندارىندا جۇمىسپەن قامتىلعان جاعدايدا, ونى قوسىمشا التى ايعا دەيىن ۇزارتۋ مۇمكىندىگىمەن جاسالادى. وتباسىنىڭ بەلسەندىلىگىن ارتتىرۋدىڭ الەۋمەتتىك كەلىسىمشارتى ۇزارتىلعان جاعدايدا, شاك مولشەرى قايتا قارالمايدى. 23. وتباسىنىڭ بەلسەندىلىگىن ارتتىرۋدىڭ الەۋمەتتىك كەلىسىمشارتى ەكى دانادا جاسالادى, ونىڭ بىرەۋى ءوتىنىش بەرۋشىگە نىسانىن ورتالىق اتقارۋشى ورگان بەكىتەتىن تىركەۋ جۋرنالىنا قول قويعىزىپ بەرىلەدى, ەكىنشىسى ۋاكىلەتتى ورگاندا ساقتالادى. 24. جۇمىسپەن قامتۋعا جاردەمدەسۋدىڭ مەملەكەتتىك شارالارىنا قاتىسۋ مىناداي جاعدايلاردا: 1) ستاتسيونارلىق, امبۋلاتوريالىق (ساناتوريلىك) ەمدەلۋ ء(تيىستى مەديتسينالىق ۇيىمداردان راستايتىن قۇجاتتار ۇسىنىلعان كەزدە) كەزەڭىنە; 2) وتباسىندا جۇمىسپەن قامتۋعا جاردەمدەسۋدىڭ مەملەكەتتىك شارالارىنا قاتىساتىن باسقا دا ەڭبەككە قابىلەتتى مۇشەلەر بولعان كەزدە وتباسىنىڭ ەڭبەككە قابىلەتتى مۇشەسى جەتى جاسقا دەيىنگى بالانى, مۇگەدەك بالانى, ءبىرىنشى نەمەسە ەكىنشى توپتاعى مۇگەدەكتى, وزگە ادامنىڭ كۇتىمىنە جانە كومەگىنە مۇقتاج قارتتارعا كۇتىم جاساۋدى جۇزەگە اسىرۋدى قوسپاعاندا, وتباسىنىڭ ەڭبەككە قابىلەتتى مۇشەلەرىنە شاك الۋ ءۇشىن مىندەتتى شارت بولىپ تابىلادى. 25. ۋاكىلەتتى ورگان شاك تاعايىنداۋ تۋرالى شەشىمدەردىڭ نەگىزىندە الۋشىعا شاك تولەۋدى جۇزەگە اسىرادى. 26. شاك تاعايىنداۋ تۋرالى حابارلاما ءوتىنىش بەرۋشى ۋاكىلەتتى ورگانعا نەمەسە اۋىلدىق وكرۋگ اكىمىنە ءوزى كەلگەن كەزدە بەرىلەدى. 27. شاك تولەۋدى ۋاكىلەتتى ورگان الۋشىلاردىڭ بانك شوتتارىنا اۋدارۋ ارقىلى جۇزەگە اسىرادى. 28. ۋاكiلەتتi ورگان مىناداي: 1) «ورلەۋ» جوباسىنا قاتىسۋشى وتباسىنىڭ بەلسەندىلىگىن ارتتىرۋدىڭ الەۋمەتتىك كەلىسىمشارتى مەن الەۋمەتتىك كەلىسىمشارت بويىنشا مىندەتتەمەلەرىن ورىنداماعان; 2) انىق ەمەس مالىمەتتەر بەرۋىنە بايلانىستى وتباسىنىڭ بەلسەندىلىگىن ارتتىرۋدىڭ الەۋمەتتىك كەلىسىمشارتى بۇزىلعان; 3) الۋشىنىڭ بانك شوتى بويىنشا ءۇش ايدان استام قوزعالىس بولماعان; 4) شاك الۋشىلاردىڭ قازاقستان رەسپۋبليكاسىنان تىس جەرلەرگە تۇراقتى تۇرۋعا كەتۋ فاكتىسى تۋرالى مالىمەتتەر, ونىڭ ىشىندە «جەكە تۇلعالار» مەملەكەتتىك دەرەكقورىنان انىقتالعان; 5) قايتىس بولعان نەمەسە قايتىس بولدى دەپ جاريالانعان ادامدار تۋرالى مالىمەتتەر, ونىڭ ىشىندە «جەكە تۇلعالار» مەملەكەتتىك دەرەكقورىنان كەلىپ تۇسكەن; 6) جەكە باسىن كۋالاندىراتىن قۇجاتتىڭ قولدانىلۋ مەرزىمى ءوتىپ كەتكەن; 7) قازاقستان رەسپۋبليكاسى باس پروكۋراتۋراسى ۇسىناتىن حابارسىز كەتكەن, ىزدەستىرىلىپ جاتقان ادامدار فاكتىسى, ونىڭ ىشىندە «جەكە تۇلعالار» مەملەكەتتىك دەرەكقورىنان انىقتالعان; 8) قامقورشىلىقتان (قورعانشىلىقتان) بوساتىلعان جانە شەتتەتىلگەن ادامدار تۋرالى مالىمەتتەر تۇسكەن جاعدايلاردا نىسانىن ورتالىق اتقارۋشى ورگان بەكىتەتىن شاك تولەمىن توقتاتۋ تۋرالى شەشىم قابىلدايدى. بۇل رەتتە, شاك-تى زاڭسىز تاعايىنداۋعا اكەپ سوقتىرعان انىق ەمەس مالىمەتتەر ۇسىنىلعانى انىقتالعان جاعدايدا ادامعا (وتباسىنا) شاك تاعايىندالعان كەزەڭگە ونى تولەۋ توقتاتىلادى. ۋاكىلەتتى ورگان زاڭنامادا بەلگىلەنگەن تارتىپپەن ارتىق تولەنگەن سومالاردى قايتارۋ جونىندە شارالار قولدانادى. 29. رەسپۋبليكالىق بيۋدجەتتەن بەرىلەتىن اعىمداعى نىسانالى ترانسفەرتتەردىڭ يگەرىلۋىن, ماقساتتى پايدالانىلۋىن جانە تيىمدىلىگىن قامتاماسىز ەتۋ ماقساتىندا: 1) ۋاكىلەتتى ورگان: قايتىس بولعاندار مەن قايتىس بولدى دەپ جاريالانعانداردىڭ تiزiمدەرiن اي سايىن سالىستىرىپ تەكسەرۋدى, قازاقستان رەسپۋبليكاسى ادiلەت مينيسترلiگiنiڭ ازاماتتىق حال اكتiلەرiن تiركەۋ جونiندەگi ورگاندارى, اۋىلدىق وكرۋگتەر اكiمدەرى ۇسىناتىن «جەكە تۇلعالار» مەملەكەتتىك دەرەكقورىندا قايتىس بولدى دەپ تىركەلگەندەردى جانە ادىلەت ورگاندارى ۇسىناتىن قازاقستان رەسپۋبليكاسىنان تىس جەرلەرگە تۇراقتى تۇرۋعا كەتكەندەردىڭ تiزiمدەرiن اعىمداعى ايدىڭ 25-كۇنىنەن كەشىكتىرمەي ەلەكتروندىق سالىستىرىپ تەكسەرۋدى; بانك شوتتارىندا ءۇش جانە ودان دا كوپ اي بويى قوزعالىس بولماعان شاك الۋشىلاردىڭ تiزiمدەرiن سوڭعى وپەراتسيانىڭ كۇنiن كورسەتە وتىرىپ, توقسان سايىن سالىستىرىپ تەكسەرۋدى; ورتالىق اتقارۋشى ورگان بەكىتەتىن نىساندار بويىنشا وبلىستىڭ ۋاكىلەتتى ورگانىنا: وتباسىنىڭ بەلسەندىلىگىن ارتتىرۋدىڭ جاسالعان كەلىسىمشارتتارى جانە الەۋمەتتىك كەلىسىمشارت; شاك تاعايىندالعانى جانە تولەنگەنى; شاك الۋشىلار تۋرالى اقپاراتتى ەسەپتى ايدان كەيىنگى ايدىڭ 10-كۇنىنەن كەشىكتىرمەي ۇسىنۋدى جۇزەگە اسىرادى. 2) اسسيستەنت: الەۋەتتى ءوتىنىش بەرۋشىلەردى, ونىڭ ىشىندە اۋىلدىق ەلدى مەكەندەرگە شىعا وتىرىپ (ايىنا كەمىندە 5 رەت نەمەسە شارتتىڭ قولدانىلۋى كەزەڭىندە (قاڭتار-جەلتوقسان) 60 رەت), «ورلەۋ» جوباسىنا قاتىسۋدىڭ شارتتارى تۋرالى حاباردار ەتۋدى ء(ۇش ايدا كەمىندە 100 ادام); حالىقتى «ورلەۋ» جوباسىنا تارتۋعا جاردەمدەسۋدى; ۋاكىلەتتى ورگانمەن جانە اۋىلدىق وكرۋگ اكىمىمەن كەلىسۋ بويىنشا «ورلەۋ» جوباسىنا قاتىسۋعا ءوتىنىش بەرگەن اداممەن (وتباسىمەن) ومىردەگى قيىن جاعدايدان شىعۋدىڭ ىقتيمال جولدارى تۋرالى اڭگىمەلەسۋ جۇرگىزۋدى جانە اڭگىمەلەسۋ پاراعىن تولتىرۋدى; «ورلەۋ» جوباسىنا قاتىسۋشىنى اڭگىمەلەسۋ جۇرگىزۋ, قاجەتتى قۇجاتتاردى تولتىرۋعا, جۇمىس ىزدەۋگە, وتباسىنىڭ بەلسەندىلىگىن ارتتىرۋدىڭ الەۋمەتتىك كەلىسىمشارتى بويىنشا مىندەتتەمەلەردىڭ ورىندالۋىنا جاردەمدەسۋ ارقىلى شاك-قا ءوتىنىش بىلدىرگەن كەزدەن باستاپ جانە وتباسىنىڭ بەلسەندىلىگىن ارتتىرۋدىڭ الەۋمەتتىك كەلىسىمشارتىنىڭ مەرزىمى تۇپكىلىكتى اياقتالعانعا دەيىن سۇيەمەلدەۋدى; وتباسىنىڭ بەلسەندىلىگىن ارتتىرۋدىڭ الەۋمەتتىك كەلىسىمشارتى تالاپتارىنىڭ ورىندالۋىن مونيتورينگتەۋدى, وتباسىنا بارۋدى جانە كەلىسىمشارتتا كوزدەلگەن مىندەتتەمەلەردىڭ ورىندالۋىنا بەلگى جاساۋدى; اي سايىن, ەسەپتى ايدان كەيىنگى ايدىڭ 5-كۇنىنە دەيىنگى مەرزىمدە ورتالىق اتقارۋشى ورگان بەكىتەتىن نىسان بويىنشا وتباسىنىڭ بەلسەندىلىگىن ارتتىرۋدىڭ الەۋمەتتىك كەلىسىمشارتىن سۇيەمەلدەۋ تۋرالى ەسەپتى ۋاكىلەتتى ورگانعا ۇسىنۋدى جۇزەگە اسىرادى. 3) الەۋمەتتىك جۇمىس جونىندەگى كونسۋلتانت: «ورلەۋ» جوباسىن ىسكە اسىرۋ شەڭبەرىندە شاك الۋ ءۇشىن ۋاكىلەتتى ورگانعا ءوتىنىش بىلدىرگەن ۇمىتكەرلەرمەن اڭگىمە وتكىزۋدى; وتباسىنىڭ بەلسەندىلىگىن ارتتىرۋدىڭ الەۋمەتتىك كەلىسىمشارتىن ىسكە اسىرۋ كەزەڭىندە اڭگىمەلەسۋ جۇرگىزۋ, قاجەتتى قۇجاتتاردى تولتىرۋعا, جۇمىس ىزدەۋگە جاردەمدەسۋ, وتباسىنىڭ بەلسەندىلىگىن ارتتىرۋدىڭ الەۋمەتتىك كەلىسىمشارتى جونىندەگى مىندەتتەمەلەردى ورىنداۋ ارقىلى ادامدى (وتباسىن) سۇيەمەلدەۋدى; اتقارىلعان جۇمىس تۋرالى ەسەپ جاساۋدى جانە مونيتورينگتەۋدى; حالىقتى الەۋمەتتىك قورعاۋ, دەنساۋلىق ساقتاۋ, ءبىلىم بەرۋ, سونداي-اق ومىردە قيىن جاعدايدا جۇرگەن ادامدارمەن جۇمىس ىستەۋگە ۋاكىلەتتى باسقا دا ۇيىمداردىڭ ماماندارىمەن ءوزارا ءىس-قيمىل جاساۋدى; شاك الۋ ءۇشىن ۋاكىلەتتى ورگانعا ءوتىنىش بىلدىرگەن ۇمىتكەرلەرگە الەۋمەتتىك قورعاۋ, مۇگەدەكتەردى وڭالتۋ ماسەلەلەرى جونىندە كونسۋلتاتسيالىق قىزمەتتەر كورسەتۋدى; ومىردە قيىن جاعدايدا جۇرگەن ادامدارعا جان-جاقتى كومەك كورسەتۋمەن بايلانىستى ماسەلەلەردى شەشۋگە جاردەمدەسۋدى; مۇقتاج ادامدار مەن ولاردىڭ وتباسىلارىنا ومىردە قيىن جاعدايدى ەڭسەرۋ, الەۋمەتتەندىرۋ جانە كىرىكتىرۋ ءۇشىن قاجەتتى جاعداي جاساۋعا جاردەمدەسۋدى, ولاردىڭ قاجەتتى الەۋمەتتىك قولداۋ شارالارىن الۋ قۇقىقتارى مەن مۇددەلەرىن قورعاۋدى; مۇقتاج ادامدارعا الەۋمەتتىك كومەك كورسەتۋ جونىندەگى قىزمەتتى جانە اسسيستەنتتەردىڭ جۇمىسىن ۇيلەستىرۋدى جۇزەگە اسىرادى. 30. وبلىستاردىڭ, الماتى جانە استانا قالالارىنىڭ اكىمدەرى جارتىجىلدىقتىڭ قورىتىندىسى بويىنشا ەسەپتى ايدان كەيىنگى ايدىڭ 30-كۇنىنەن كەشىكتىرمەي جانە جىلدىڭ قورىتىندىسى بويىنشا ەسەپتى كەزەڭنەن كەيىنگى ەكىنشى ايدىڭ 15-كۇنىنەن كەشىكتىرمەي بولىنگەن نىسانالى ترانسفەرتتەردى پايدالانۋ ەسەبىنەن قول جەتكىزىلگەن ناتيجەلەر تۋرالى ەسەپتى رەسپۋبليكالىق بيۋدجەتتىك باعدارلامانىڭ اكىمشىسىنە ۇسىنادى.