ەلىمىزدە الەۋمەتتىك نىسانداردا «جاسىل» تەحنولوگيالار ەنگىزىلىپ جاتىر. ەندى
گى ۋاقىتتا بۇل مۇمكىندىكتى بيزنەس بارىنشا بەلسەندى پايدالانۋى ءتيىس. بۇل تۋرالى كەشە ورتالىق كوممۋنيكاتسيالار قىزمەتىندە وتكەن ءباسپاسوز ءماسليحاتىندا ايتىلدى.
«جاسىل» ەكونوميكانى قولداۋ جانە G-Global-دى دامىتۋ كواليتسياسى باسقارماسىنىڭ ءتورايىمى سالتانات راقىمبەكوۆانىڭ ايتۋىنشا, ءبۇگىندە «جاسىل ەكونوميكانى» دامىتۋعا حالىقارالىق دەڭگەيدەگى ۇيىمدار بارىنشا قولداۋ بىلدىرۋدە.
«سوڭعى 6-7 جىلدا ەلىمىزدە بۇۇ-نىڭ دامۋ باعدارلاماسىنىڭ اياسىندا كوپتەگەن گرانتتىق جوبالار ىسكە اسىرىلىپ جاتىر. ۇكىمەتتىك ەمەس ۇيىمدار جۇزەگە اسىرىپ جاتقان بۇل جوبالار جاقسى ءتاجىريبە. «جاسىل» جوبالار الەۋمەتتىك سالا نىساندارىندا قولعا الىنۋدا. بۇگىندە ەنەرگيا ۇنەمدەيتىن تەرەزەلەر, ىستىق سۋمەن قامتاماسىز ەتەتىن كۇن كوللەكتورلارى ورناتىلعان مەكتەپتەر, اۋرۋحانالار كوپ. ەلەكتر ەنەرگياسىن تاراتاتىن پانەلدەر, جىلۋ بەرەتىن پەشتەر بار. وسى تەحنولوگيالاردى پايدالانۋ كوممۋنالدىق قىزمەتتەردىڭ تولەماقىسىن ۇنەمدەۋگە مۇمكىندىك بەرەدى. وسى ءمۇمكىندىكتى بيزنەس پايدالانۋى ءتيىس», دەدى س.راقىمبەكوۆا. ونىڭ ايتۋىنشا, بيزنەس-نىسانداردا قازىرگى ۋاقىتتا «جاسىل» تەحنولوگيالاردى ەنگىزگەن اسا ءتيىمدى.
«قاڭتار ايىندا ينۆەستيتسيالار جانە دامۋ مينيسترلىگى ەنەرگيا-سەرۆيستىك كومپانيالاردى دامىتۋدى قولدايتىن قۇجات قابىلدادى. بۇل كومپانيالاردىڭ مىندەتى نىساندارعا ەنەرگيالىق ءتيىمدى تەحنولوگيالاردى ۇسىنۋ بولىپ تابىلادى. بيزنەسكە دە, الەۋمەتتىك نىساندارعا دا قولايلى بولۋ ءۇشىن كواليتسيا ەنەرگەتيكا مينيسترلىگىمەن ءبىرلەسىپ, وتكەن جىلدان باستاپ قازاقستانداعى «جاسىل» كومپانيالاردىڭ تىزبەسىن جۇرگىزەدى», دەپ اتاپ ءوتتى س.راقىمبەكوۆا.
ءوزىمىز بىلەتىندەي, «جاسىل» ەكونوميكا بويىنشا بۇۇ باستاماسى 2008 جىلى قارجى-ەكونوميكالىق داعدارىسقا جاۋاپ رەتىندە باستاۋ الىپ, بۇۇ باس حاتشىسى جانە بۇۇ جۇيەسى باسشىلارىنىڭ ۇيلەستىرۋ كەڭەسى ۇسىنعان توعىز بىرلەسكەن داعدارىس باستاماسىنىڭ ءبىرى بولدى. سونىمەن بىرگە, باسقا دا بىرقاتار تەرميندەر, مىسالعا «جاسىل ءوسىم» نەمەسە «ەكونوميكانى كوگالداندىرۋ» سياقتى ءوزارا الماستىراتىن تەرميندەر رەتىندە پايدالانىلىپ, كەڭىنەن تارالعان. «جاسىل» ەكونوميكا باعىتى ءبىزدىڭ ەلدە دە قارقىندى قولعا الىنۋدا. ايتالىق, «قازاقستان-2050» ستراتەگياسى: قالىپتاسقان مەملەكەتتىڭ جاڭا ساياسي باعىتى» اتتى جولداۋىندا ەلباسى تومەن كومىرتەكتى ەكونوميكاعا كوشۋدى جەدەلدەتۋگە, دامۋدىڭ «جاسىل جولىنا» شىعۋعا شاقىرعان بولاتىن. بۇعان ەلىمىزدەگى ۇكىمەتتىك ەمەس ۇيىمدار دا بارىنشا اتسالىسۋدا. وسىعان وراي قازاقستاندا «جاسىل» ەكونوميكا تاقىرىبىندا باق اراسىندا «جاسىل باق» اتتى بايقاۋ وتپەك. بۇل تۋرالى دا كەشەگى ءباسپاسوز ءماسليحاتىندا ءمالىم بولدى.
«ءبىز بۇقارالىق اقپارات قۇرالدارى اراسىندا «جاسىل باق» اتتى بايقاۋ وتكىزگىمىز كەلەدى. ول ءتورت اتالىمنان: ۇزدىك تەلەسيۋجەت, ۇزدىك باعدارلاما, ۇزدىك ماقالا جانە ينتەرنەتتەگى ەڭ ۇزدىك ماتەريالدان تۇرادى. شامامەن جاز ايلارىندا بايقاۋدى جاريا ەتەمىز, كەيىن فورۋم ۇيىمداستىرىپ, سوندا جەڭىمپازداردى ماراپاتتايمىز», دەدى س.راحىمبەكوۆا. ونىڭ سوزىنە قاراعاندا, بايقاۋ بۇۇ دامۋ باعدارلاماسىمەن بىرلەسىپ ۇيىمداستىرىلماق.
«ءبىز بۇل جوبانى بۇۇ دامۋ باعدارلاماسىمەن پىسىقتاپ جاتىرمىز. قازىرگى ۋاقىتتا بايقاۋدىڭ قارارى جاسالۋدا. كەيىن ماتەريالداردىڭ كولەمى, كونكۋرستىق كوميسسيا قۇرامى, ماتەريالدارعا قويىلاتىن تالاپتار انىقتالاتىن بولادى. وسى بايقاۋ ارقىلى ءبىز قازاقستاندا «جاسىل» جوبالار مەن تەحنولوگيالاردىڭ دامۋىنا قولداۋ كورسەتكىمىز كەلەدى», دەدى س.راحىمبەكوۆا.
دينارا بىتىكوۆا,
«ەگەمەن قازاقستان».
گى ۋاقىتتا بۇل مۇمكىندىكتى بيزنەس بارىنشا بەلسەندى پايدالانۋى ءتيىس. بۇل تۋرالى كەشە ورتالىق كوممۋنيكاتسيالار قىزمەتىندە وتكەن ءباسپاسوز ءماسليحاتىندا ايتىلدى.
«جاسىل» ەكونوميكانى قولداۋ جانە G-Global-دى دامىتۋ كواليتسياسى باسقارماسىنىڭ ءتورايىمى سالتانات راقىمبەكوۆانىڭ ايتۋىنشا, ءبۇگىندە «جاسىل ەكونوميكانى» دامىتۋعا حالىقارالىق دەڭگەيدەگى ۇيىمدار بارىنشا قولداۋ بىلدىرۋدە.
«سوڭعى 6-7 جىلدا ەلىمىزدە بۇۇ-نىڭ دامۋ باعدارلاماسىنىڭ اياسىندا كوپتەگەن گرانتتىق جوبالار ىسكە اسىرىلىپ جاتىر. ۇكىمەتتىك ەمەس ۇيىمدار جۇزەگە اسىرىپ جاتقان بۇل جوبالار جاقسى ءتاجىريبە. «جاسىل» جوبالار الەۋمەتتىك سالا نىساندارىندا قولعا الىنۋدا. بۇگىندە ەنەرگيا ۇنەمدەيتىن تەرەزەلەر, ىستىق سۋمەن قامتاماسىز ەتەتىن كۇن كوللەكتورلارى ورناتىلعان مەكتەپتەر, اۋرۋحانالار كوپ. ەلەكتر ەنەرگياسىن تاراتاتىن پانەلدەر, جىلۋ بەرەتىن پەشتەر بار. وسى تەحنولوگيالاردى پايدالانۋ كوممۋنالدىق قىزمەتتەردىڭ تولەماقىسىن ۇنەمدەۋگە مۇمكىندىك بەرەدى. وسى ءمۇمكىندىكتى بيزنەس پايدالانۋى ءتيىس», دەدى س.راقىمبەكوۆا. ونىڭ ايتۋىنشا, بيزنەس-نىسانداردا قازىرگى ۋاقىتتا «جاسىل» تەحنولوگيالاردى ەنگىزگەن اسا ءتيىمدى.
«قاڭتار ايىندا ينۆەستيتسيالار جانە دامۋ مينيسترلىگى ەنەرگيا-سەرۆيستىك كومپانيالاردى دامىتۋدى قولدايتىن قۇجات قابىلدادى. بۇل كومپانيالاردىڭ مىندەتى نىساندارعا ەنەرگيالىق ءتيىمدى تەحنولوگيالاردى ۇسىنۋ بولىپ تابىلادى. بيزنەسكە دە, الەۋمەتتىك نىساندارعا دا قولايلى بولۋ ءۇشىن كواليتسيا ەنەرگەتيكا مينيسترلىگىمەن ءبىرلەسىپ, وتكەن جىلدان باستاپ قازاقستانداعى «جاسىل» كومپانيالاردىڭ تىزبەسىن جۇرگىزەدى», دەپ اتاپ ءوتتى س.راقىمبەكوۆا.
ءوزىمىز بىلەتىندەي, «جاسىل» ەكونوميكا بويىنشا بۇۇ باستاماسى 2008 جىلى قارجى-ەكونوميكالىق داعدارىسقا جاۋاپ رەتىندە باستاۋ الىپ, بۇۇ باس حاتشىسى جانە بۇۇ جۇيەسى باسشىلارىنىڭ ۇيلەستىرۋ كەڭەسى ۇسىنعان توعىز بىرلەسكەن داعدارىس باستاماسىنىڭ ءبىرى بولدى. سونىمەن بىرگە, باسقا دا بىرقاتار تەرميندەر, مىسالعا «جاسىل ءوسىم» نەمەسە «ەكونوميكانى كوگالداندىرۋ» سياقتى ءوزارا الماستىراتىن تەرميندەر رەتىندە پايدالانىلىپ, كەڭىنەن تارالعان. «جاسىل» ەكونوميكا باعىتى ءبىزدىڭ ەلدە دە قارقىندى قولعا الىنۋدا. ايتالىق, «قازاقستان-2050» ستراتەگياسى: قالىپتاسقان مەملەكەتتىڭ جاڭا ساياسي باعىتى» اتتى جولداۋىندا ەلباسى تومەن كومىرتەكتى ەكونوميكاعا كوشۋدى جەدەلدەتۋگە, دامۋدىڭ «جاسىل جولىنا» شىعۋعا شاقىرعان بولاتىن. بۇعان ەلىمىزدەگى ۇكىمەتتىك ەمەس ۇيىمدار دا بارىنشا اتسالىسۋدا. وسىعان وراي قازاقستاندا «جاسىل» ەكونوميكا تاقىرىبىندا باق اراسىندا «جاسىل باق» اتتى بايقاۋ وتپەك. بۇل تۋرالى دا كەشەگى ءباسپاسوز ءماسليحاتىندا ءمالىم بولدى.
«ءبىز بۇقارالىق اقپارات قۇرالدارى اراسىندا «جاسىل باق» اتتى بايقاۋ وتكىزگىمىز كەلەدى. ول ءتورت اتالىمنان: ۇزدىك تەلەسيۋجەت, ۇزدىك باعدارلاما, ۇزدىك ماقالا جانە ينتەرنەتتەگى ەڭ ۇزدىك ماتەريالدان تۇرادى. شامامەن جاز ايلارىندا بايقاۋدى جاريا ەتەمىز, كەيىن فورۋم ۇيىمداستىرىپ, سوندا جەڭىمپازداردى ماراپاتتايمىز», دەدى س.راحىمبەكوۆا. ونىڭ سوزىنە قاراعاندا, بايقاۋ بۇۇ دامۋ باعدارلاماسىمەن بىرلەسىپ ۇيىمداستىرىلماق.
«ءبىز بۇل جوبانى بۇۇ دامۋ باعدارلاماسىمەن پىسىقتاپ جاتىرمىز. قازىرگى ۋاقىتتا بايقاۋدىڭ قارارى جاسالۋدا. كەيىن ماتەريالداردىڭ كولەمى, كونكۋرستىق كوميسسيا قۇرامى, ماتەريالدارعا قويىلاتىن تالاپتار انىقتالاتىن بولادى. وسى بايقاۋ ارقىلى ءبىز قازاقستاندا «جاسىل» جوبالار مەن تەحنولوگيالاردىڭ دامۋىنا قولداۋ كورسەتكىمىز كەلەدى», دەدى س.راحىمبەكوۆا.
دينارا بىتىكوۆا,
«ەگەمەن قازاقستان».
