تانىم تاعىلىمى

بەلگىلى ءدىنتانۋشى, بۇحا­راداعى ميراراب مەدرە­سەسى مەن تاشكەنت يسلام ينستيتۋتىنىڭ تۇلەگى, وڭ­تۇستىك قازاقستان وبلىس­ى بايدىبەك اۋدانى ورتا­لىعىنداعى كەزىندە مەدرەسە بولعان, قازىر تاريحي مۇراجايعا اينالعان تاريحي كەشەندى سالدىرعان اپپاق يشاننىڭ نەمەرەسى قۇربانالى احمەدتىڭ «تا­ريقاتناما» اتتى ءدىني-تانىمدىق كى­تابى جاقىندا «دوستار مە­ديا» باسپاسىنان جارىق كوردى. كىتاپ پرەزيدەنتىمىز ن.نازارباەۆتىڭ «قازاقستان اۋماعىندا يسلام – حانا­فيتتىك» دەپ اتالاتىن ءدى­ني-قۇقىقتىق مەكتەپ پەن سوپىلىقتى ناسيحاتتايتىن يدەولوگيانىڭ نەگىزىندە قالىپتاستى دەگەن ءسوزىن نەگىزگە الا وتىرا جازىلعان. سوعان وراي, «تاريقاتناما» كىتابى تاياۋدا پرەزيدەنتىمىز ن.نازارباەۆقا ۇسىنىلعان بولاتىن. پرەزيدەنت كەڭسەسىنەن ەلباسىنىڭ كىتاپتى وقىپ شىققاندىعى جانە اۆتورعا دىنىمىزگە سىڭىرگەن ەڭبەگى ءۇشىن العىس ايتقاندىعى تۋرالى جاۋاپ كەلدى. «تاريقاتناما» كىتابى تۇتاستاي ءداستۇرلى ءدىنىمىزدىڭ ىشكى يىرىمدەرىن اشۋعا نەگىزدەلگەن. سوندىقتان, ەلىمىزدەگى ءدىن ماماندارى مەن قالىڭ كوپشىلىك ءدىني تانىمىن وسى كىتاپتا ايتىلعان ويلارمەن تولىقتىرا ورىستەتسە نۇر ۇستىنە نۇر بولاتىنى كۇمانسىز. «ەگەمەن-اقپارات».