الماتى

كوشەلەرىندە پالما اعاشتارى وتىرعىزىلادى الماتى قالاسىنىڭ 66 مىڭ شارشى مەتر جەرى كوگال­دان­دىرىلىپ, حوش ءيىستى ەرەكشە گۇل­دەرمەن كومكەرىلەدى. اسەمدەپ ارلەنگەن گۇلزارلار ۇلتتىق ويۋ-ورنەكپەن ناقىشتالىپ, قاراعان ادام كوز تويعىسىز سيپاتقا ەنە­تىن بولادى. شاھاردىڭ جاسىل جەلەگىن ارتتىرۋ ماقساتىندا 45 مىڭ تال كو­شەتى جانە قالا تاريحىندا تۇڭعىش رەت پالما اعاشى وتىرعىزىلادى. جىل سايىن الما­تىنى جاسىل جەلەكپەن كومكەرۋ ءۇشىن جىلىجاي ماماندارى سان الۋان اعاشتار مەن گۇلدەردىڭ كوشەت­تەرىن ءوسى­رەدى. اۋماعى 2 گەكتار جەردى الىپ جاتقان اۋقىم­دى جىلىجايدا ەكزوتيكالىق ءوسىم­دىكتەر مەن اعاشتاردىڭ نەشە ءتۇرى بار. سولاردىڭ ىشىندەگى ءبىزدىڭ ەكو­لوگياعا بەيىمدەلگەن تۇرلەرى جۋ­­ىردا قالانىڭ ورتالىق كوشە­لەرىنە وتىرعىزىلا باستايدى. قا­زىر بۇل جىلىجايدىڭ 16 مىڭ شارشى مەتر جەرىندە 600 مىڭ ءتۇپ ءارتۇرلى گۇلدىڭ كوشەتى ءوسىپ تۇر. كوكتەمگى كوشەت وتىرعىزۋ ءىسىن قارقىندى جۇرگىزۋ ءۇشىن قو­سىمشا جۇمىس ورىندارى اشىلادى. وعان 12 مىڭ ادام تارتىلىپ, ونىڭ ىشىندە «جاسىل ەل» باعدارلاماسى بويىنشا 1200 ستۋدەنت قىزمەت ەتەتىن بولادى. قانات ەسكەندىر, «ەگەمەن قازاقستان». الماتى.