بالىق اۋلاۋ بايقاۋى

باسقا سايىستاردان ءسال بولەكتەۋ كورىنگەن بۇل فەستيۆالگە اق­مو­لا جانە سولتۇستىك قا­زاقستان وبلىستارىنان 122 اۋەسقوي بالىق­شى قاتىس­تى. ورتالارىندا سەگىزى نازىك جاندىلار. بۇل فەستيۆالدى اقمولا وبلىستىق دەنە تاربيەسى جانە سپورت باسقارماسى «كوكشە جيھاز» جشس, «تورفەي», «كلەۆىي», «رىباك»» «زوو پري­رودا» دۇكەندەرىمەن جانە «الما تۆ» كابەلدىك تەلەارناسىمەن بىرلەسە وتىرىپ ۇيىمداستىردى. جارىس ەكى كەزەڭنەن تۇر­دى. 3 مينۋت ىشىندە مۇزدان ۇياشىق ۇڭعىلاۋ باسكەسىندە يۋري لۋنگا جەڭىمپاز اتاندى. ول وسى ۋاقىتتا 8 ۇيا­شىق­تى بۇرعىلاپ ۇلگەرگەن. ءجۇل­دەلى ورىننان ۆاديم گابدراحيموۆ پەن دەنيس ەيس­مان دا قۇر قالمادى. ال بالىق اۋلاۋ جارى­سىندا ءار قاتىسۋشىعا ەكى جارىم ساعاتتان ۋاقىت بە­­رىلدى. وسى ۋاقىتتا 41 با­لىق ۇستا­عان ۆيكتور ەۆ­دو­كيموۆ ۇزدىك دەپ تانىلدى. سونداي-اق, 40 بالىقتى قار­ماعىنا ىلىك­تىرگەن الەك­ساندر جۇ­ما­عاتوۆ ەكىنشى, 26-سىن ۇستاعان ەۆگەني سكالسكي ءۇشىنشى ورىندى مىسە تۇتتى. جارىستىڭ جەكەلەي ەسە­بىندە 47,5 ۇپاي جيناعان يۋري لۋنگا توپ باستاسا, ال كو­ماندالىق ەسەپتە «نار­فين» با­لىقشىلارى الدىنا قارا تۇسىرمەدى. فەستيۆالدىڭ «ەڭ ءىرى با­لىق ۇستاعانى ءۇشىن» ءجۇل­دەسى ۆيكتور ەۆدوكيموۆ پەن ساۋلە وسپانوۆاعا بۇيىردى. باقبەرگەن امالبەك, «ەگەمەن قازاقستان». اقمولا وبلىسى.