التىن تيىن تاۋىپ الدى

ءيزرايلدىڭ سولتۇستىك اتىرابىنا جاسالعان ەكسكۋرسيا كەزىندە وسى ەلدە تۇراتىن تۋريست ايەل ەجەلگى ريم ءداۋىرىنىڭ التىن ءما­نەتىن تاۋىپ الدى. ماماندار ونى الەمدىك دەڭگەيدەگى ۇلكەن جاڭالىق ساناپ وتىر. بۇعان دەيىن مۇنداي تەڭگەنىڭ جالعىز ءتۇيىر دا­ناسى عانا ءبىزدىڭ زامانىمىزعا جەتكەن دەپ سانالىپ كەلگەن ەدى. ونىڭ العاشقىسى قازىر بريتانيا مۋ­زەيى كوللەكتسياسىندا ساقتاۋلى تۇر. ال بۇدان ەكى مىڭ جىلعا جۋىق ۋاقىت بۇرىن يمپەراتور ترايان شىعارعان تەڭگە ونىڭ الدىنداعى بيلەۋشى وكتاۆيان اۆگۋستىڭ قۇرمەتىنە ارنالىپتى. «بۇل مانەت تراياننىڭ وزىنەن بۇرىنعى بيلەۋشىنى ەستە قالدىرۋ ءۇشىن قاشاپ جاساتقان دۇنيەلەرىنىڭ ءبىر بولىگى بولىپ تابىلادى», دەيدى وسى ورايدا يزرايل ەجەلگى دۇنيە باسقارماسىنىڭ نۋميزماتيكا جونىندەگى مامانى دانني سيون. مانەتتىڭ اۆەرس بەتىندە ءبىزدىڭ داۋىرىمىزگە دەيىنگى 107 جىل كو­ر­­سە­تىلگەن. وندا سونداي-اق, «قۇ­داي­ى­نا قاراعان اۆگۋست» دەگەن جازۋى بار وكتاۆيان اۆگۋستىڭ بەتكى كەلبەتى بار. جادىگەردى كيبۋتس تۇرعىنى لورا ريمون شوپتەردىڭ اراسىنان تاۋىپ الىپتى. ول تۋريس­تىك توپتىڭ قۇرامىندا ارحەو­لوگيالىق قازبالار جۇرگى­زىلىپ جاتقان اۋدانعا بارعان. ال مىناداي دۇنيە تابىلعان بويدا ەكسكۋرسوۆەد وقيعا ورنىنا ەجەلگى دۇنيە باسقارماسىنىڭ وكىلىن شاقىرتقان. «تاۋىپ العان تەڭ­گەمنەن ايىرىلۋ وڭاي بولعان جوق. سەبەبى, مۇنداي وتە سيرەك كەزدەسەتىن نارسەنى كۇندە تاۋ­ىپ تۇرمايسىڭ عوي. بىراق مەن ونىڭ جاقىن ارادا مۋزەيگە قويىلاتىنىنا سەنگىم كەلەدى», – دەدى رامون. ايتقانداي, بيلىك وعان بۇل ەڭبەگى ءۇشىن گراموتا عانا تاپسىر­عا­لى وتىر ەكەن. يزرايل­دىڭ زاڭنا­ما­سى بويىنشا, ەل اۋماعىنان تابىلاتىن بارلىق ارحەولوگيالىق ار­تەفاكتىلەر مەملەكەت مەنشىگى بو­لىپ سانالادى. ونى تاۋىپ ال­عان ادام فاكتىنى جاسىرسا نەمەسە ساۋداعا اينالدىرسا, قىلمىس جا­سا­عان بولىپ ەسەپتەلىپ, بەس جىلعا دەي­ىن باس بوستاندىعىنان ايىرىلادى. دامير قوجامقۇل.