ەلدىڭ ماڭىزدى اكتيۆى

مەملەكەت باسشىسى نۇرسۇلتان نازارباەۆ «قاز­اتوم­ونەر­كا­سىپ» ۇاك» اق باسقارماسىنىڭ توراعاسى اسقار جۇما­عا­ليەۆتى قابىلدادى, دەپ حابارلادى پرەزيدەنتتىڭ ءباسپاسوز قىزمەتى. كەزدەسۋ بارىسىندا ا.جۇما­عا­ليەۆ مەملەكەت باسشىسىنا بۇرىن بەرىلگەن تاپسىرمالاردىڭ ورىندالۋى, كومپانيانى ترانسفورماتسيالاۋ باعدارلاماسىنىڭ جۇزەگە اسىرىلۋ بارىسى تۋرالى باياندادى. قازاقستان پرەزيدەنتى ءبىزدىڭ رەس­­پۋبليكا الەمدەگى تولىق ءوندى­رىس­تىك تسيكل قۇرۋعا ۇمتىلىپ وتىر­عان ءىرى ۋران ءوندىرۋشى ەل ەكەنىن ايتتى. – كومپانيا ەلدىڭ ماڭىز­دى اكتيۆى سانالادى. «قازاتوم­ونەر­كاسىپتىڭ» ءارتۇرلى بىرلەسكەن كاسىپ­ورىنداردا قاتىسۋ ۇلەسى بار, ولاردىڭ ءبىرازى بويىنشا سەرىك­تەس­تەر مويىندارىنا العان مىندەت­تەمەلەرىن ورىندامايدى. وسى­عان بايلانىستى ولاردىڭ ءوز ءمىن­دەت­تەمەلەرىن ورىنداۋىن قامتاما­سىز ەتۋ كەرەك, نەمەسە اكتيۆتەردى مەملەكەت مۇددەسى ءۇشىن قايتارۋ مۇمكىندىگىن قاراستىرۋ قاجەت, – دەدى مەملەكەت باسشىسى. «قازاتومونەركاسىپ» ۇاك» اق باسقارماسىنىڭ توراعاسى الەۋ­مەتتىك نىسانداردىڭ جەرگىلىكتى ات­قارۋشى ورگاندار قاراۋىنا بەرىلگەنى, كاسىبي باعدارعا جاتپايتىن 11 كاسىپورىننىڭ باسە­كەلەستىك ورتاعا شىعارىلعانى جانە وتكەن جىلدىڭ قورىتىندىسى بويىن­شا ۋران ءوندىرۋشى كاسىپ­ورىندار كەڭسەلەرى ءوندىرىس ور­نا­لاسقان وڭىرلەرگە كوشىرىلگەنى تۋرالى باياندادى. ا.جۇماعاليەۆ ترانسفورما­تسيا باعدارلاماسى اياسىندا قا­بىل­دانعان كەشەندى شارالار ناتيجەسى بويىنشا «قازاتومونەركاسىپ» وندىرىستىك وزىندىك قۇندى 16 ميلليارد تەڭگەگە تومەندەتكەنىن, ال كومپانيانىڭ ەكونوميكالىق قو­سىلعان قۇنىن 17 ميلليارد تەڭگەگە جۋىق وسىرگەنىن ايتتى. ۇلتتىق كومپانيا باسشىسى ەلباسىنا ءوندىرىستى ءارتاراپتاندىرۋ ءۇشىن قابىلدانعان, اتاپ ايتقاندا, اەس وتىنىن ءوندىرۋ زاۋىتىنىڭ قۇرىلىسىنا دايىندىق شارالارى تۋرالى باياندادى. مەملەكەت باسشىسى كەزدەسۋ قورىتىندىسى بويىنشا بىرقاتار ناقتى تاپسىرما بەردى. سۋرەتتەردى تۇسىرگەندەر س.بوندارەنكو, ب.وتارباەۆ.