اركىم ءوز مىندەتىنە دايىن

قازاقستان رەسپۋبليكاسى پارلامەنتى ءماجىلىسى مەن جەرگىلىكتى ءماسليحاتتار سايلاۋلارى جاقىنداعان سايىن وعان تىڭعىلىقتى دايىندىق شارالارى   قىزا تۇسۋدە. ساياسي ناۋقانعا ازىرلىك جايلى باق وكىلدەرىمەن وتكىزگەن بريفينگتە سايلاۋدى بايقاۋ جونىندەگى رەسپۋبليكالىق قوعامدىق كوميسسيانىڭ جەرگىلىكتى فيليالىنىڭ جەتەكشىسى سەرگەي حۋدياكوۆ ەگجەي-تەگجەيلى ايتىپ بەردى. ول ءوز سوزىندە ءوڭىر اۋماعىندا 697 ساي­لاۋ ۋچاسكەسى قۇرىلعانىن, ال 929 سايلاۋ كوميسسياسى قۇرامىنا 6,5 مىڭنان استام بەل­سەن­دىنىڭ تارتىلعانىن ايتا كەلىپ, قوعام­دىق قاداعالاۋشىلاردىڭ تاس-ءتۇيىن ءازىر­لىگىنە كوڭىلى تولاتىنىن ءبىلدىردى. ولار­عا بايقاۋشىنىڭ كۇندەلىگى, قىسقاشا نۇس­قاۋلىعى, اتقارىلعان جۇمىستى قابىلداۋ بويىنشا كەلىسىم اكتىسى, زاڭ بۇزۋشىلىقتار تۋرالى اكتى ۇلگىسى, باي­قاۋ­شىنىڭ كۋالىگى, تاعى باسقا قاجەتتى ماتە­ريالدار توپتاستىرىلعان قۇجاتتار توپتاماسى ۇلەس­تىرىلگەنىن جەتكىزە كەلىپ, سەرگەي گەرول­دو­ۆيچ ۇيلەس­تىرۋشى ۇيىمدار تاراپىنان وقىتۋ, كەڭەس بەرۋ, ساياسي بىلىمدەرىن جەتىلدىرۋ سەمينارلارى قاداعالانىپ وتىراتىنىن, وسىنداي جوعارى تالاپتار قويۋ ارقىلى عانا سايلاۋدى تالاپقا ساي وتكىزۋگە بولاتىنىن العا تارتتى. وبلىستىق سايلاۋ كوميسسيا­سىن­دا جانە پارتيالىق ءتىزىم بو­­يىن­شا پارلامەنت ءماجىلىسى ساي­لاۋىنا قاتىسۋعا جولداما ال­عان التى ساياسي پارتيانىڭ سايلاۋال­د­ى شتابتارىندا بولعان فيليال جەتەكشىسى ءوز ءتاجى­ريبەسىمەن ءبولىس­تى. ساياسي ۇيىم­دار تاراپىنان ەشقان­داي زاڭ بۇزۋشىلىق بايقال­ما­عان. جەرگىلىكتى اتقارۋ­شى بيلىك وكىل­دەرىنە قاتىستى ءوتىنىش-تىلەك­تەر ءبىل­دىرمەگەن. كورنەكى ۇگىت-نا­سي­­حات قۇ­را­ل­دارى دا تالاپقا ساي ور­­­­ن­ا­تىلعان. ۇگىت-نا­سي­حات ماتە­ريال­دارىن بۇقارالىق اقپارات قۇ­رال­دارىنا ورنالاستىرۋدا بىرىزدىلىك قاتاڭ ساقتالعان. ول كەلتىرگەن مالىمەتتەر بويىن­شا وبلىس­تىق ماسليحاتقا – 31, قالا­لىق ءماس­لي­حاتقا – 19, اۋداندىق ماسليحاتتارعا 167 دەپۋتات ساي­لانۋى ءتيىس. جەرگىلىكتى ءماسلي­حاتتار دەڭگەيىندەگى ۇمىتكەرلەر سانى – 661. س.حۋدياكوۆ ساياسي پارتيالار وكىلدەرىمەن كەزدەسكەنىن, ولار­دىڭ تاراپىنان دا سايلاۋ تۋ­رالى زاڭنامالار تالاپتارىنىڭ ورىن­­دالىپ جاتقانىن, جەكە اتى­نا دا, وب­لىستىق شتابقا دا ساي­لاۋ­شىلاردان, ساياسي پارتيا مۇشە­لەرىنەن, سەنىم بىلدىرىلگەن ادامداردان ەشقانداي ارىز-شاعىم ءتۇس­پەگەنىن جەتكىزدى. ءار سايلاۋشى ءوز سايلاۋ ۋچاس­كەسىنە بارىپ, تىزىمدە بار-جوعىن تەكسەرە الادى. قوسىم­شا ءتىزىم ارقىلى باسقا جاقتا داۋىس بەرۋ قۇقى­عىنا يە. بۇگىندە 51 ەلدە 65 سايلاۋ ۋچاس­كەسى اشىلعان. ولاردىڭ بەسەۋى كورشى ەلدە ورنالاسقان. دانيا مەن رەسەيدەن كەلگەن ەكى باي­قاۋشى اۋدانداردى ارالاپ, سايلاۋعا ازىرلىك شارالارىمەن تانىسىپ ءجۇر. ولاردىڭ قاتارى مولىعاتىن بولادى. قازىرگى احۋالعا قاراعاندا, سايلاۋدىڭ اشىق تا ءمولدىر وتەتىنىنە سەنىمدىمىن, دەپ ءسوزىن تۇيىندەدى سەرگەي گەرولدوۆيچ. ءومىر ەسقالي, «ەگەمەن قازاقستان». سولتۇستىك قازاقستان وبلىسى.