سەرىكتەستىككە سەرپىن قوسار سەنىم

كەشە اقوردادا مەملەكەت باسشىسى نۇرسۇلتان نازار­باەۆقا بىرىككەن ۇلت­تار ۇيى­مى دامۋ باعدار­لا­ماسىنىڭ (بۇۇ دب) تۇراقتى وكىلى نو­ريماسا شيمومۋرا جانە يز­رايلدىڭ توتەنشە جانە وكىلەتتى ەلشىسى ميحايل برودس­كي, وزبەكستان رەسپۋبلي­كا­سىنىڭ توتەنشە جانە وكى­لەتتى ەلشىسى يكروم نازاروۆ, ازەربايجان رەسپۋبلي­كا­سىنىڭ توتەنشە جانە وكى­لەت­تى ەلشىسى راشاد مامما­دوۆ, تايلاند كورولدىگىنىڭ ءتو­تەن­شە جانە وكىلەتتى ەلشىسى نات پينيوۆاتتاناچيپ سەنىم گرا­موتاسىن تاپسىردى. مەملەكەت باسشىسى بۇل ءراسىم ولاردىڭ جەكە ديپلوماتيالىق تاريحتارىنداعى جاڭا بەلەسكە اينالاتىنىن ايتا كەلىپ, ولاردىڭ ديپلوماتيالىق ميسسياعا ال­عاش رەت باسشىلىق ەتكەلى وتىر­عانىنا, قىز­مەتتەرىنىڭ جاڭا كە­زەڭى قازاقستاننان باس­تالعالى تۇر­عانىنا ەكپىن بەردى. ودان ءارى ەلباسى ەلشىلەردىڭ قازاقستانداعى جاۋاپ­تى دا مارتەبەلى ميسسيالا­رى ەلدەرىمىز ارا­سىنداعى ىنتى­ماق­تاستىقتى جان-جاق­تى دامىتۋعا سەپتىگىن تيگىزەتىنىنە ۇمىتتە­نە­تىنىن جەتكىزدى. سونداي-اق, قازاقستان پرە­زي­دەنتى ديپ­لوماتتار ءوز قىز­مەت­تەرىندەگى جاڭا كەزەڭدى قازاقستان تاۋەلسىزدىگىنىڭ 25 جىلدىعى قار­ساڭىندا باستاپ وتىرعانىن اتاپ ءوتتى. «بۇل تاريحي تۇرعىدان قىسقا كەزەڭ ءبىزدىڭ ەلىمىز ءۇشىن اۋقىمدى وزگەرىستەردىڭ داۋىرىنە اينالدى. مەملەكەتتىلىكتى نىعايتۋ, زاما­ناۋي نارىقتىق ەكونوميكا قۇرۋ, قوعام­دى جاڭعىرتۋ ءجونىن­دە وراسان زور جۇمىس اتقارى­ل­دى. بۇگىندە ءبىزدىڭ ەلدىڭ باس­تى سي­­پات­تارى – ساياسي تۇراق­تى­لىق, ەتنوس­­ارالىق جانە كون­فەس­سياارا­لىق كە­لىسىم, حا­لىقارالىق ىستەر­دەگى سە­نىمدى­لىك پەن جاۋ­اپتىلىق, ءتيىمدى الەۋ­مەتتىك-ەكونوميكالىق ءوز­گە­رىس­تەر», – دەدى مەملەكەت باسشىسى. نۇرسۇلتان نازارباەۆ قا­زاق­ستان ۇكى­مەتى مەن بىرىككەن ۇلتتار ۇيىمى اراسىن­داعى 2016-2020 جىلدارعا ارنالعان نەگىز­دەمەلىك سەرىكتەستىك باعدارلاماسى ىنتى­­ماق­­تاستىقتىڭ جاڭا ساپالى دەڭ­گەيىنە شىق­قانىن كورسەتەتىنىنە نازار اۋداردى. «بىرىككەن ۇلتتار ۇيىمى دامۋ باعدار­لاماسىمەن ءوزارا ءىس-قيمىل نەگىزگى ءۇش ۆەكتوردى قامتيدى. بىرىككەن ۇلت­تار ۇيى­مىنىڭ سەمەي وبلىسىن ايماقتىق دامىتۋ جونىندەگى ءبىر­لەسكەن باعدارلاماسىن وڭ باعا­لايمىز», – دەدى ەلباسى. سونىمەن بىرگە, مەملەكەت باس­شىسى يزرايلمەن ىنتى­ماق­­تاستىقتىڭ اياسىن كەڭەيتە ءتۇسۋ­گە ايرىقشا ءمان بەرىلەتىنىن ايت­تى. «ساۋدا-ەكونوميكالىق ىنتى­ماق­تاستىق ءبىزدىڭ قارىم-قاتى­ناسىمىزدىڭ ماڭىزدى ءبولى­گى بولىپ سانالادى. بۇگىندە قازاقستاندا يزرايل كاپيتا­لىنىڭ قاتى­سۋىمەن جۇمىس ءجۇر­گى­زەتىن 270-تەن استام كاسىپورىن تىركەلگەن. قازىرگى داعدارىس جاع­دايىندا بارلىق باعىتتار بوي­ىنشا قاۋىمداسۋدى كەڭەيتە ءتۇسۋ ءۇشىن كۇش جۇمىلدىرۋدىڭ ماڭىزى زور. اقپاراتتىق تەحنولوگيالار, يننوۆاتسيا, مەديتسينا جانە اۋىل شارۋاشىلىعى پەرسپەكتيۆالى سالالارعا اينالىپ وتىر. استا­نادا ەكسپو-2017 حالىق­ارالىق كورمەسىن وتكىزۋ تۇرعى­سىنان ءبىز ءيزرايلدىڭ وزىق تەحنولو­گيالارىنا جانە بالامالى ەنەر­گەتيكا سالاسىنداعى جاڭالىق­تارعا ءمۇد­دەلىمىز. ءيزرايلدىڭ ەۋرا­زيالىق ەكونومي­كالىق وداقپەن ەركىن ساۋدا ايماعى ءجونىن­­دەگى كەلىسىمگە قول قويۋعا ۇمتىلى­سىن ءبىز قولدايمىز. ءيزرايلدىڭ پرە­مەر-مي­ن­يسترى بينيامين نەتانيا­حۋدىڭ استاناعا جوسپارلا­نىپ وتىرعان رەسمي ساپارى ەكى­جاقتى بايلانىستاردى تەرەڭ­دەتۋگە سەرپىن بەرەدى دەپ سەنەمىن», – دەدى نۇرسۇلتان نازارباەۆ. قازاقستان پرەزيدەنتى ەلى­مىز­دى وزبەكستانمەن جانە ازەربايجانمەن تۋىسقاندىق قاتى­ناس­تار مەن عاسىرلار تاريحىنان تا­مىر تارتاتىن دوستىققا, ءوزارا قۇر­مەتكە نەگىزدەلگەن بەرىك ءداستۇر­لەر بايلانىستىراتىنىن اتاپ ءوتتى. «ەلدەرىمىز اراسىنداعى ورتاق شەكارا ەكىجاقتى قارىم-قاتىناستاردىڭ جان-جاقتى دامۋىن الدىن الا ايقىنداپ تۇرادى», – دەدى مەملەكەت باسشىسى. نۇرسۇلتان نازارباەۆ قازاق­ستان وزبەكستاندى ورتالىق ازيا وڭىرىندەگى سترا­تەگيالىق سەرىكتەس رەتىندە قاراس­تىراتىنىنا نازار اۋداردى. «ءوت­كەن اپتادا ەكى­جاقتى ىنتىماقتاستىق ءجونىن­دەگى بىرلەسكەن ۇكىمەتارالىق كوميس­سيانىڭ 15-ءشى وتىرىسى ءوتتى. قول جەتكەن ۋاعدالاستىقتاردى جۇزە­گە اسىرۋ قازاقستان – وزبەك­ستان قاتىناستارىن جاڭا ساپالى دەڭگەيگە شىعارادى دەپ سەنە­مىن. ساۋدا-ەكونوميكالىق جانە مادەني-گۋمانيتارلىق ىنتىماق­تاستىقتىڭ بارلىق باعىتتارى بويىنشا ءبىزدىڭ ءتيىمدى ىقپالداسۋعا مۇمكىندىگىمىز بار. وزبەكستان پرەزي­دەنتى يسلام كارىموۆتىڭ ءبىزدىڭ ەلگە ساپارى كەزىندە جاسال­عان ۋاعدالاستىققا سايكەس, مەن ماۋ­سىم ايىندا تاشكەنتكە بارىپ, سوندا وتەتىن شانحاي ىنتىماق­تاستىق ۇيىمىنىڭ كەزەكتى وتىرى­سىنا قاتىسۋدى جوسپارلاپ وتىرمىن», – دەدى قازاقستان پرەزي­دەنتى. مەملەكەت باسشىسى ازەر­بايجان قاز­اقستان ءۇشىن كاۆكاز وڭىرىندەگى سترا­تە­گيالىق سەرىكتەس ەكەنىن اتاپ ايتتى. «ءبىزدىڭ ەلدەرى­مىز ەنەرگەتيكا جانە ترانزيت-كولىك, اۋىل شارۋاشىلىعى, تۋريزم, ءبىلىم بەرۋ سالالارىندا جانە باسقا دا باعىتتار بويىنشا بەلسەنە ىنتىماقتاسىپ كەلەدى. جاقىندا عانا ماعان ازەربايجان پرەزيدەنتى يلحام اليەۆتەن ازەربايجانعا رەسمي ساپارمەن بارۋ جونىندە شاقىرۋ كەلدى. مەن بۇل شاقىرۋدى ىقىلاسپەن قابىل الامىن. ديپلوماتيالىق ارنالار ارقىلى ناقتى مەرزىمىن كەلىسەرسىزدەر», – دەدى نۇرسۇلتان نازارباەۆ. قازاقستان پرەزيدەنتى تايلاند قازاق­ستاننىڭ وڭتۇستىك-شىعىس ازيا­­داعى ماڭىزدى سەرىكتەسى بولىپ سانا­لا­تىنىنا توقتالدى. «استانا مەن بانگكوك اراسىنداعى ءوزارا ءىس-قيمىل ءوزارا تۇسىنىستىك جانە سەنىم ىڭعايىندا ءداستۇر­لى تۇردە دامىپ كەلەدى. تايلاند باسشى­لىعىنا ازياداعى ءوزارا ءىس-قيمىل جانە سەنىم شارالارى جونىندەگى كەڭەس ۇدەرى­سىن, الەمدىك جانە ءداستۇرلى دىندەر ليدەر­لەرى سەزى اياسىندا دىنارالىق ۇنقاتى­سۋدى نىعايتۋعا قوسقان ۇلەسى ءۇشىن زور ريزاشىلىعىمىزدى بىلدىرەمىز. ءبىز تايلاندپەن تۋريزم, اۋىل شارۋا­شىلىعى, ەنەرگەتيكا جانە كولىك لو­گيستيكاسى سالالارى بويىنشا جەمىستى ىن­تى­ماقتاستىقتى ارتتىرا تۇسۋگە ءازىر­مىز. دۇنيەجۇزىلىك ساۋدا ۇيىمى اياسىن­داعى تىعىز قاۋىمداسۋ ساۋدا-ەكونو­ميكالىق ىنتىماقتاستىقتى دامىتۋ ءۇشىن كەرەمەت مۇمكىندىككە جول اشادى», – دەدى مەملەكەت باسشىسى. سوڭىندا نۇرسۇلتان نازارباەۆ راسىمگە قاتىسۋشىلاردى استاناداعى ديپلوماتيالىق جۇمىستارىنىڭ باس­تالۋىمەن جانە الداعى ناۋرىز مەرە­كەسىمەن قۇتتىقتاپ, قوناقجاي قازاقستان جەرىندە وتكىزەتىن كۇندەرىنىڭ جايلى بولۋىنا تىلەكتەستىگىن ءبىلدىردى. «ءسىز­­دەردىڭ قىزمەتتەرىڭىز سەنىم مەن ءوزارا تۇسىنىستىكتى نىعايتۋعا, ەكىجاقتى ىنتى­ماق­تاستىقتىڭ الەۋەتىن بارىنشا ارتتىرا تۇسۋگە باعىتتالادى دەپ سەنەمىن», – دەدى قازاقستان پرەزيدەنتى. ن.شيمومۋرا ورنىقتى دامۋ ماق­سات­تارىنا قول جەتكىزۋ ءۇشىن قازاقستان مەن بۇۇ اراسىنداعى سىندارلى سەرىك­تەس­تىكتىڭ جالعاسا بەرەتىنىنە سەنىم ءبىل­دىردى. م.برودسكي قازاقستان مەن يزرايل حالىقتارىن ورتاق مۇددە مەن ءوزارا ىلتيپاتقا نەگىزدەلگەن ءداستۇرلى دوستىق قارىم-قاتىناستار بايلانىستىراتىنىن ايتتى. «تاياۋدا قازاقستان العاش رەت العىس ايتۋ كۇنىن اتاپ ءوتتى. ءبىز ءۇشىن بۇل – مەرەكە. ۇلى وتان سوعىسى جىلدارى قازاق­ستانعا قونىس اۋدارعان ەۆرەيلەرگە كورسەتىلگەن قوناقجايلىلىق ءۇشىن ءسىزدىڭ حالقىڭىزعا تاعى دا العىس ءبىلدىرۋدىڭ ءبىر مۇمكىندىگىنە اينالدى. ءبىز ونى ەشقاشان ۇمىتپايمىز», – دەدى يزرايل ەلشىسى. ي.نازاروۆ قازاقستان جانە وزبەك حالىق­تارىنىڭ رۋحانياتى, تاريحى جانە مادەنيەتىنىڭ ورتاق سيپاتىن اتاپ ءوتىپ, ەكىجاقتى ىنتىماقتاستىق اياسىن ءوزارا ءتيىمدى نەگىزدە ودان ءارى كەڭەيتە تۇسۋگە سەپتىگىن تيگىزۋگە نيەتتەستىگىن جەتكىزدى. «قازاقستان – وزبەكستاننىڭ ماڭىزدى ساۋدا سەرىكتەسىنىڭ ءبىرى. 2015 جىلدىڭ قورىتىندىسى بويىنشا, ەكىجاقتى تاۋار اينالىمىنىڭ كولەمى 3 ميلليارد دوللاردان استى. بۇل سالادا زور الەۋەت بار», – دەدى وزبەكستان رەسپۋبليكاسىنىڭ ەلشىسى. ر.ماممادوۆ قازاقستان مەن ازەر­بايجان اراسىنداعى ساياسي, ەكونوميكالىق بايلانىستاردى نىعايتۋ, ءبىلىم بەرۋ, عىلىم جانە مادەنيەت سالاسىنداعى تىعىز قارىم-قاتىناستاردى جولعا قويۋ ءۇشىن ءوزىنىڭ بار كۇش-جىگەرىن جۇمسايتىنىن ايتتى. بۇدان بولەك, ەلشى بارشا قازاقستان حالقىن كەلە جاتقان ناۋرىز مەيرامىمەن قۇتتىقتادى. ن.پينيوۆاتتاناچيپ قازاقستان مەن تايلاند اراسىنداعى سەرىكتەستىك قارىم-قاتىناس ءتۇرلى سالا بويىنشا قارقىندى ورىستەي بەرەدى دەپ ۇمىتتەنەتىنىن ايتا كەلىپ, ەلىمىزدىڭ حالقىنا يگىلىك پەن باق-بەرەكە تىلەدى. جولدىباي بازار, «ەگەمەن قازاقستان».