قازاقستان رەسپۋبليكاسى ءبىلىم جانە عىلىم مينيسترلىگىنىڭ بۇيرىعى №527

2010 جىلعى 17 قاراشا  استانا قالاسى وقۋلىقتاردى, وقۋ-ادىستەمەلىك كەشەندەر مەن قۇرالداردى ازىرلەۋ, ساراپتاما جاساۋ جانە باسىپ شىعارۋ جونىندەگى جۇمىستى ۇيىمداستىرۋ ەرەجەسىن بەكىتۋ تۋرالى وقۋلىقتاردىڭ, وقۋ-ادىستەمەلىك كەشەندەر مەن قۇرالداردىڭ ساپاسىن ارتتىرۋ ماقساتىندا جانە «ءبىلىم تۋرالى» قازاقستان رەسپۋبليكاسىنىڭ 2007 جىلعى 27 شىلدەدەگى زاڭىنا سايكەس بۇيىرامىن: 1. قوسا بەرىلىپ وتىرعان وقۋلىقتاردى, وقۋ-ادىستەمەلىك كەشەندەر مەن قۇرالداردى ازىرلەۋ, ساراپتاما جاساۋ جانە باسىپ شىعارۋ جونىندەگى جۇمىستى ۇيىمداستىرۋ ەرەجەسى بەكىتىلسىن. 2. مەكتەپكە دەيىنگى جانە ورتا ءبىلىم دەپارتامەنتى ء(ۇ.ب. جەكسەنباەۆا) وسى بۇيرىقتى بەلگىلەنگەن تارتىپپەن قازاقستان رەسپۋبليكاسى ادىلەت مينيسترلىگىنە مەملەكەتتىك تىركەۋگە ۇسىنسىن. 3. «وقۋلىقتاردى, وقۋ-ادىستەمەلىك كەشەندەر مەن قۇرالداردى ازىرلەۋ, ساراپتاما جاساۋ جانە باسىپ شىعارۋ جونىندەگى جۇمىستى ۇيىمداستىرۋ ەرەجەسىن بەكىتۋ تۋرالى» قازاقستان رەسپۋبليكاسى ءبىلىم جانە عىلىم ءمينيسترىنىڭ 2010 جىلعى 12 شىلدەدەگى № 371 بۇيرىعىنىڭ (قازاقستان رەسپۋبليكاسىنىڭ نورماتيۆتىك قۇقىقتىق اكتىلەرىنىڭ مەملەكەتتىك تىركەۋ تىزىلىمىندە 2010 جىلعى 9 تامىزدا № 6378 تىركەلگەن, «ەگەمەن قازاقستان» گازەتىنىڭ 2010 جىلعى 28 تامىزداعى № 351-352 (26195) جاريالانعان) كۇشى جويىلدى دەپ تانىلسىن. 4. وسى بۇيرىقتىڭ ورىندالۋىن باقىلاۋ قازاقستان رەسپۋبليكاسى ءبىلىم جانە عىلىم ۆيتسە-ءمينيسترى م.ن. سارىبەكوۆكە جۇكتەلسىن. 5. وسى بۇيرىق العاش رەت رەسمي جاريالانعاننان كەيىن ون كۇنتىزبەلىك كۇن وتكەن سوڭ قولدانىسقا ەنگىزىلەدى. مينيستر ب. جۇماعۇلوۆ قازاقستان رەسپۋبليكاسى ءبىلىم جانە عىلىم ءمينيسترىنىڭ 2010 جىلعى «17» قاراشا №527 بۇيرىعىمەن بەكىتىلگەن وقۋلىقتاردى, وقۋ-ادىستەمەلىك كەشەندەر مەن قۇرالداردى ازىرلەۋ, ساراپتاما جاساۋ جانە باسىپ شىعارۋ جونىندەگى جۇمىستى ۇيىمداستىرۋ ەرەجەسى 1. جالپى ەرەجەلەر 1. وسى وقۋلىقتاردى, وقۋ-ادىستەمەلىك كەشەندەر مەن قۇرالداردى ازىرلەۋ, ساراپتاما جاساۋ جانە باسىپ شىعارۋ جونىندەگى جۇمىستى ۇيىمداستىرۋ ەرەجەسى (بۇدان ءارى – ەرەجە) «ءبىلىم تۋرالى» قازاقستان رەسپۋبليكاسىنىڭ 2007 جىلعى 27 شىلدەدەگى زاڭىنىڭ 5-بابىنىڭ 27)-تارماقشاسىنا سايكەس ازىرلەنگەن جانە بارلىق دەڭگەيدەگى ءبىلىم بەرۋ ۇيىمدارى ءۇشىن وقۋلىقتاردى, وقۋ-ادىستەمەلىك كەشەندەر مەن قۇرالداردى ازىرلەۋ, ساراپتاما جاساۋ جانە باسىپ شىعارۋ ءتارتىبىن انىقتايدى. 2. وسى ەرەجەدە مىناداي تەرميندەر مەن انىقتامالار قولدانىلادى: 1) باسپا – باسپا ونىمدەرىن ازىرلەۋدى جانە باسىپ شىعارۋدى ىسكە اسىراتىن كاسىپورىن; 2) وقۋلىقتاردىڭ, وقۋ-ادىستەمەلىك كەشەندەر مەن قۇرالداردىڭ ماكەتى – باسپا تاسىلىمەن شىعارىلعان وقۋ ادەبيەتىنىڭ ۇلگىسى; 3) ادىسكەر – قانداي دا ءبىر وقۋ ءپانىن وقىتۋ ادىستەمەسى سالاسىنداعى مامان; 4) وقۋلىقتار, وقۋ-ادىستەمەلىك كەشەندەر مەن قۇرالدار ازىرلەۋشى – وقۋلىقتاردىڭ, وقۋ ادىستەمەلىك كەشەندەر مەن قۇرالداردىڭ مازمۇنىن جوسپارلاۋمەن, جازۋمەن جانە رەسىمدەۋمەن اينالىساتىن جەكە نەمەسە زاڭدى تۇلعا; 5) ۋاكىلەتتى ورگان – ءبىلىم بەرۋ سالاسىنداعى باسشىلىقتى جانە سالاارالىق ۇيلەستىرۋدى جۇزەگە اسىراتىن قازاقستان رەسپۋبليكاسىنىڭ ورتالىق اتقارۋشى ورگانى; 6) وقۋلىق – ءبىلىم الۋشىلاردىڭ مەملەكەتتىك جالپىعا مىندەتتى ءبىلىم بەرۋ ستاندارتتارىنا (بۇدان ءارى - مجببس) جانە وقۋ باعدارلاماسىنا سايكەس يگەرۋ ءۇشىن مىندەتتى وقۋ ماتەريالى جۇيەلى تۇردە مازمۇندالعان ناقتى ءپان بويىنشا وقىتۋعا ارنالعان نەگىزگى كىتاپ; 7) وقۋ-ادىستەمەلىك كەشەن – وقۋ-تاربيە پروتسەسىندە قولدانىلاتىن جانە وقۋ باعدارلامالارىندا كوزدەلگەن ءبىلىمدى كەڭەيتۋگە, تەرەڭدەتۋگە جانە ۇزدىك مەڭگەرۋگە ارنالعان وقۋ قۇرالدارىنىڭ كەشەنى (حرەستوماتيا, وقۋعا ارنالعان كىتاپ, وقۋ-ادىستەمەلىك قۇرالدار, جۇمىس داپتەرى, ادىستەمەلىك ازىرلەنىمدەر, تاپسىرمالار مەن جاتتىعۋلار جيناقتارى, ديكتانتتار مەن مازمۇندامالار جيناقتارى, سوزدىكتەر, ديداكتيكالىق ماتەريالدار, تەست ماتەريالدارى, اۋديوۆيزۋالدى جانە مۋلتيمەديالىق قۇرالدار, ەلەكتروندى وقۋلىق, ينتەراكتيۆتى تاقتاعا ارنالعان ەلەكتروندى قۇرال, سىنىپتان تىس وقۋعا ارنالعان قوسىمشا ادەبيەتتەر جانە باسقالار); 8) وقۋ ادەبيەتى – وقىتۋدىڭ, تاربيەلەۋ مەن دامىتۋدىڭ ماقساتتارى مەن مىندەتتەرىنە جاۋاپ بەرەتىن وقۋلىقتار مەن وقۋ-ادىستەمەلىك كەشەندەردىڭ, قۇرالداردىڭ جيىنتىعى; 9) وقۋ-ادىستەمەلىك قۇرال – وقۋ باعدارلامالارىندا (ادىستەمەلىك باسشىلىق, داپتەرلەر, سوزدىكتەر, كارتالار جانە باسقالار) كوزدەلگەن وقۋ ماتەريالىن كەڭەيتۋگە, تەرەڭدەتۋگە جانە ۇزدىك مەڭگەرۋگە ارنالعان جانە وقۋ ءپانىن, ونىڭ جەكە بولىمدەرىن نەمەسە/جانە جەكەلەگەن بولىمدەرىن وقىتۋ مەن زەردەلەۋ ادىستەمەسى بويىنشا ماتەريالدارى بار وقۋ باسىلىمى; 10) وقۋلىقتاردى, وقۋ-ادىستەمەلىك كەشەندەر مەن قۇرالداردى ساراپتاۋ – وقۋلىق, وقۋ-ادىستەمەلىك كەشەن مەن قۇرال مازمۇنىنىڭ مجببس-عا, وقۋ باعدارلامالارىنا سايكەستىگىن, وقىتۋدىڭ ءتيىستى دەڭگەيىندە تولىق كولەمدە ءپاندى وقىتۋ ساباقتاستىعىنىڭ ساقتالۋىنا (وقۋلىقتىڭ پاندىك جەلىسىنىڭ اياقتالۋى), وقۋلىق, وقۋ-ادىستەمەلىك كەشەن مەن قۇرال مازمۇنىنىڭ عىلىمي نەگىزدىلىگىن, ءبىلىم الۋشىلاردىڭ جاس جانە پسيحولوگيالىق ەرەكشەلىكتەرى ەسكەرىلگەن ماتەريالدى مازمۇنداۋ ادىستەمەسىن, وقۋلىق, وقۋ-ادىستەمەلىك كەشەن مەن قۇرال قۇرىلىمىنا جانە اپپاراتىنا قويىلاتىن ديداكتيكالىق تالاپتاردى باعالاۋ. 2. وقۋلىقتاردى, وقۋ ادەبيەتتەرىن, وقۋ-ادىستەمەلىك كەشەندەردى جانە قۇرالداردى ازىرلەۋ جۇمىسىن ۇيىمداستىرۋ ءتارتىبى 3. وقۋلىقتار, وقۋ-ادىستەمەلىك كەشەندەر مەن قۇرالدار ازىرلەۋدى وقۋلىقتاردىڭ, وقۋ-ادىستەمەلىك كەشەندەر مەن قۇرالداردىڭ مازمۇنىن جوسپارلاۋمەن, جازۋمەن جانە رەسىمدەۋمەن اينالىساتىن جەكە نەمەسە زاڭدى تۇلعا جۇزەگە اسىرادى. ازىرلەۋشى قۇرامىنا سالا بويىنشا عالىمدار, ادىسكەرلەر جانە پراكتيك-پەداگوگتەر كىرەتىن اۆتورلىق ۇجىم قۇرادى. 4. ءبىلىم بەرۋ ۇيىمدارى ءۇشىن وقۋلىقتار, وقۋ-ادىستەمەلىك كەشەندەر مەن قۇرالدار مجببس-عا, وقۋ باعدارلامالارىنا سايكەس ءبىلىم الۋشىلاردىڭ جاس جانە پسيحولوگيالىق ەرەكشەلىكتەرى ەسەپكە الىنا وتىرىپ ازىرلەنەدى. 5. وقۋلىقتار, وقۋ-ادىستەمەلىك كەشەندەر مەن قۇرالدار كومپلەكتىدە (حرەستوماتيا, وقۋعا ارنالعان كىتاپ, وقۋ-ادىستەمەلىك قۇرالدار, جۇمىس داپتەرى, ادىستەمەلىك ازىرلەنىمدەر, تاپسىرمالار مەن جاتتىعۋلار جيناقتارى, ديكتانتتار مەن مازمۇندامالار جيناقتارى, سوزدىكتەر, ديداكتيكالىق ماتەريالدار, تەست ماتەريالدارى, اۋديوۆيزۋالدى جانە مۋلتيمەديالىق قۇرالدار, ەلەكتروندى وقۋلىق, ينتەراكتيۆتى تاقتاعا ارنالعان ەلەكتروندى قۇرال, سىنىپتان تىس وقۋعا ارنالعان قوسىمشا ادەبيەتتەر جانە باسقالار) ازىرلەنەدى. 6. وقۋلىقتار, وقۋ-ادىستەمەلىك كەشەندەر مەن قۇرالداردى ازىرلەۋ دالەلدەنگەن, نەگىزدەلگەن قازىرگى زامانعى عىلىمي ۇستانىمداردىڭ نەگىزىندە جۇزەگە اسىرىلادى. 7. وقۋلىقتار, وقۋ-ادىستەمەلىك كەشەندەر مەن قۇرالدار ازىرلەۋ بارىسىندا ازىرلەۋشى ءبىلىم الۋشىلاردىڭ جاس جانە پسيحولوگيالىق ەرەكشەلىكتەرىن ەسەپكە الادى, ماتەريالدى مازمۇنداۋدىڭ ءتيىمدى ادىستەرىن جانە وقىتۋدىڭ تەحنولوگيالارىن قولدانادى. 8. ازىرلەۋشى وقىتۋدىڭ ءتيىستى دەڭگەيىندە تولىق كولەمدە ءپاندى وقىتۋ ساباقتاستىعىن (وقۋلىقتىڭ پاندىك جەلىسىنىڭ اياقتالۋى) جانە پانارالىق بايلانىستى قامتاماسىز ەتەدى. 9. ازىرلەۋشى وقۋلىقتاردى, وقۋ-ادىستەمەلىك كەشەندەر مەن قۇرالداردى ءار 4 جىل سايىن مجببس-داعى, وقۋ باعدارلامالارىنداعى, قازىرگى زامانعى الەمدەگى عىلىمي ۇستانىمدارداعى وزگەرىستەردى ەسەپكە الا وتىرىپ پىسىقتايدى. 10. ازىرلەۋشى وقۋلىقتاردا, وقۋ-ادىستەمەلىك كەشەندەر مەن قۇرالداردا قولدانىلعان ماتەريالداردىڭ ساپاسىن جانە شىنايىلىعىن قامتاماسىز ەتەدى. 11. وقۋلىقتاردى, وقۋ-ادىستەمەلىك كەشەندەر مەن قۇرالداردى ازىرلەۋگە جانە وڭدەۋگە بايلانىستى بارلىق شىعىستاردى ازىرلەۋشى كوتەرەدى. 12. مەملەكەتتىك تاپسىرىس بويىنشا وقۋلىقتار, وقۋ-ادىستەمەلىك كەشەندەر مەن قۇرالدار ازىرلەۋ رەسپۋبليكالىق بيۋدجەت قاراجاتى ەسەبىنەن جۇرگىزىلەدى. 3. وقۋلىقتاردى, وقۋ-ادىستەمەلىك كەشەندەر مەن قۇرالداردى ساراپتاۋ بويىنشا جۇمىستى ۇيىمداستىرۋ ءتارتىبى 13. ۋاكىلەتتى ورگان وقۋلىقتاردى, وقۋ ادەبيەتىن, وقۋ-ادىستەمەلىك كەشەندەر مەن قۇرالداردى ساراپتاۋدى ۇيىمداستىرادى. 14. وقۋ ءپانى بويىنشا تيپتىك وقۋ باعدارلاماسىنىڭ قۇرىلىمىنا جانە مازمۇنىنا سايكەس مجببس-نىڭ, ونىڭ تارماعىنىڭ, ءبولىمىنىڭ كومپونەنتى رەتىندە وقۋ ءپانى مازمۇنىنىڭ جۇيەلى باياندالعانىن قامتيتىن وقۋلىق, وقۋ-ادىستەمەلىك كەشەن مەن قۇرال ساراپتاما وبەكتىسى بولىپ تابىلادى. 15. ساراپتاما وقۋلىقتار, وقۋ-ادىستەمەلىك كەشەندەر مەن قۇرالدار مازمۇنىنىڭ مەملەكەتتىك جالپىعا مىندەتتى ءبىلىم بەرۋ ستاندارتتارىنا, وقۋ باعدارلامالارىنا سايكەستىگىنە, وقىتۋدىڭ ءتيىستى دەڭگەيىندە تولىق كولەمدە ءپاندى وقىتۋ ساباقتاستىعىنىڭ ساقتالۋىنا (وقۋلىقتىڭ پاندىك جەلىسىنىڭ اياقتالۋى), وقۋلىق, وقۋ-ادىستەمەلىك كەشەن مەن قۇرال مازمۇنىنىڭ عىلىمي نەگىزدىلىگىن انىقتاۋعا, ءبىلىم الۋشىلاردىڭ جاس جانە پسيحولوگيالىق ەرەكشەلىكتەرى ەسكەرىلگەن ماتەريالدى مازمۇنداۋ ادىستەمەسىنە, وقۋلىق, وقۋ-ادىستەمەلىك كەشەن مەن قۇرال قۇرىلىمىنا جانە اپپاراتىنا قويىلاتىن ديداكتيكالىق تالاپتارعا سايكەستىگىنە جۇرگىزىلەدى. 16. «وقۋلىق» رەسپۋبليكالىق عىلىمي-پراكتيكالىق ورتالىعى (بۇدان ءارى – «وقۋلىق» رعپو) وقىتۋدىڭ ءتيىستى دەڭگەيىندە تولىق كولەمدە وقۋ ءپانىن وقىتۋ ساباقتاستىعىنىڭ ساقتالۋىنا (وقۋلىقتىڭ پاندىك جەلىسىنىڭ اياقتالۋى), مازمۇنىنىڭ عىلىمي نەگىزدىلىگىن انىقتاۋعا, ءبىلىم الۋشىلاردىڭ جاس جانە پسيحولوگيالىق ەرەكشەلىكتەرى ەسكەرىلگەن ماتەريالدى مازمۇنداۋ ادىستەمەسىنە, وقۋلىق, وقۋ-ادىستەمەلىك كەشەن مەن قۇرال قۇرىلىمىنا جانە اپپاراتىنا قويىلاتىن ديداكتيكالىق تالاپتارعا سايكەستىگىنە ساراپتاما جۇرگىزەدى; ى. التىنسارين اتىنداعى ۇلتتىق ءبىلىم بەرۋ اكادەمياسى (بۇدان ءارى – ى. التىنسارين اتىنداعى ۇبا) وقۋلىقتار, وقۋ-ادىستەمەلىك كەشەندەر مەن قۇرالدار مازمۇنىنىڭ مجببس-عا, وقۋ باعدارلامالارىنا سايكەستىگىنە ساراپتاما جۇرگىزەدى (بۇدان ءارى – ساراپتاۋ ۇيىمدارى). 17. ساراپتاما ءبىلىم بەرۋ ۇيىمدارىنىڭ جانە باسقا دا ۇيىمداردىڭ اتالعان وقۋ ادەبيەتىنىڭ بەيىنىنە سايكەس كەلەتىن جەتەكشى عالىمدارىن, ادىسكەرلەرىن جانە پراكتيكتەرىن تارتا وتىرىپ جۇرگىزىلەدى. 18. ساراپتاما جۇرگىزۋ ءۇشىن قاڭتاردان باستاپ شىلدەنىڭ اياعىنا دەيىن ازىرلەۋشى قازاقستان رەسپۋبليكاسى ءبىلىم جانە عىلىم مينيسترلىگىنە تومەندەگىلەر كورسەتىلگەن ءوتىنىش جولدايدى: مجببس-داعى وقۋ ءپانىنىڭ اتاۋىنا سايكەس وقۋلىق, وقۋ-ادىستەمەلىك كەشەن مەن قۇرال اتاۋى, سىنىپ, وقۋ ادەبيەتىنىڭ مۇقاباسىنا سايكەس اۆتور(لار)دىڭ ينيتسيالدارى مەن فاميلياسى; ساراپتاماعا ۇسىنىلعان دانالاردىڭ سانى; باسپا اتاۋى. وتىنىشكە: وقۋلىق, وقۋ-ادىستەمەلىك كەشەن مەن قۇرال نەمەسە ولاردىڭ ماكەتتەرىنىڭ 3 داناسى; پەداگوگ-پراكتيكتىڭ, ادىسكەردىڭ, ادىسكەر-عالىمنىڭ نەمەسە ءتيىستى (ارالاس) سالا بويىنشا عىلىمي ۇيىمنىڭ, جوعارى ءبىلىم ماماندىعى بويىنشا وقۋ-ادىستەمەلىك سەكتسيانىڭ 3 رەتسەنزياسى. 19. ۋاكىلەتتى ورگان ۇسىنىلعان ماتەريالداردىڭ جيىنتىعىن وسى ەرەجەنىڭ 18-تارماعىنا سايكەس انىقتايدى جانە «وقۋلىق» رعپو-عا ساراپتاماعا جولدايدى. ماتەريالداردىڭ تولىق جيىنتىعى ۇسىنىلماعان جاعدايدا كۇنتىزبەلىك 15 كۇننىڭ ىشىندە ۋاكىلەتتى ورگان ازىرلەۋشىگە ماتەريالداردىڭ تالاپتارعا سايكەسسىزدىگى تۋرالى حابارلايدى. 20. «وقۋلىق» رعپو ساراپتاماسىنىڭ وڭ قورىتىندىسىن العان وقۋلىقتاردى, وقۋ-ادىستەمەلىك كەشەندەر مەن قۇرالداردى ۋاكىلەتتى ورگان ى. التىنسارين اتىنداعى ۇبا-عا ساراپتاماعا جىبەرەدى. 21. ءار ساراپتامالىق ۇيىم ءبىر وقۋلىقتىڭ ساراپتاماسىن وسى ەرەجەنىڭ 18-تارماعىندا كورسەتىلگەن ماتەريالداردىڭ ساراپتاۋ ۇيىمىنا ساراپتاماعا تۇسكەن كۇنىنەن باستاپ الپىس كۇنتىزبەلىك كۇننەن اسپايتىن مەرزىمدە وتكىزەدى. 22. ساراپتامالىق شەشىم ۇيىمنىڭ بلانكىسىندە ساراپتامالىق قورىتىندى تۇرىندە رەسىمدەلەدى, وندا: ساراپتامالىق قورىتىندىنىڭ مەرزىمى جانە تىركەۋ ءنومىرى; وقۋلىق, وقۋ-ادىستەمەلىك كەشەن مەن قۇرال اۆتور(لار)ىنىڭ فاميلياسى مەن ينيتسيالدارى; وقۋ ادەبيەتىنىڭ اتاۋى; سىنىپ; باسپا اتاۋى كورسەتىلەدى. ساراپتاما قورىتىندىسىندا وسى ەرەجەنىڭ 15-تارماعىندا مازمۇندالعان ساراپتاما مىندەتتەرىنە وقۋلىق, وقۋ-ادىستەمەلىك كەشەن مەن قۇرال مازمۇنىنىڭ سايكەستىگى نەمەسە سايكەسسىزدىگى تۋرالى دالەلدى جانە وبەكتيۆتى بىرجاقتى شەشىم بولۋى ءتيىس. 23. ساراپتامالىق قورىتىندىعا ساراپتامالىق ۇيىم باسشىسىنىڭ نەمەسە باسشىنىڭ مىندەتىن اتقارۋشى تۇلعانىڭ قولى قويىلادى. ساراپتامالىق قورىتىندى قول قويىلعان كۇنىنەن باستاپ 3 جۇمىس كۇنىنىڭ ىشىندە ۋاكىلەتتى ورگانعا حاتپەن جىبەرىلەدى. 24. ساراپتاما قورىتىندىسىنىڭ ساپاسى مەن دۇرىستىعىن ساراپتامالىق ۇيىمنىڭ باسشىسى قامتاماسىز ەتەدى. 25. ساراپتامالىق ۇيىمدار تەرىس ساراپتامالىق ناتيجە ۇسىنعان جاعدايدا ۋاكىلەتتى ورگان وقۋلىقتاردىڭ, وقۋ-ادىستەمەلىك كەشەندەر مەن قۇرالداردىڭ ازىرلەۋشىسىن كۇنتىزبەلىك 15 كۇننىڭ ىشىندە حاباردار ەتەدى. 26. وقۋلىق اۆتورى ساراپتاما ناتيجەلەرىمەن كەلىسپەگەن جاعدايدا ازىرلەۋشى وقۋلىقتار, وقۋ-ادىستەمەلىك كەشەندەر مەن قۇرالدار ساراپتاماسىنىڭ ناتيجەلەرىن قاراستىرۋ جونىندەگى رەسپۋبليكالىق كەڭەستە (بۇدان ءارى - رەسپۋبليكالىق كەڭەس) ساراپتاۋ قورىتىندىسىن قايتا قاراۋ تۋرالى شاعىم بەرە الادى. 27. ساراپتاماعا ۇسىنىلعان وقۋلىقتار, وقۋ-ادىستەمەلىك كەشەندەر مەن قۇرالدار ازىرلەۋشىگە قايتارىلمايدى. 28. وقۋلىقتاردىڭ, وقۋ-ادىستەمەلىك كەشەندەر مەن قۇرالداردىڭ ساراپتاماسى رەسپۋبليكالىق بيۋدجەت قاراجاتى ەسەبىنەن جۇرگىزىلەدى. 4. رەسپۋبليكالىق كەڭەس 29. القالىق جانە جاريالىق تۇردە شەشىم قابىلداۋ ءۇشىن ۋاكىلەتتىك ورگان رەسپۋبليكالىق كەڭەس قۇرادى. رەسپۋبليكالىق كەڭەستىڭ قۇرامىن ۋاكىلەتتى ورگان بەكىتەدى. 30. رەسپۋبليكالىق كەڭەس قازاقستان رەسپۋبليكاسى ءبىلىم جانە عىلىم ءمينيسترىنىڭ جانىنداعى كەڭەستىك ورگان بولىپ تابىلادى. 31. رەسپۋبليكالىق كەڭەس كەلەسى قىزمەتتەردى ورىندايدى: 1) وقۋلىقتار, وقۋ-ادىستەمەلىك كەشەندەر مەن قۇرالداردىڭ ساراپتاما قورىتىندىلارىن باعالاۋدى جۇزەگە اسىرۋ; 2) ءبىلىم بەرۋ ۇيىمدارىندا قولدانۋعا ۇسىنىلعان وقۋلىقتاردىڭ, وقۋ-ادىستەمەلىك كەشەندەر مەن قۇرالداردىڭ تىزبەسىنە (بۇدان ءارى - تىزبە) وقۋلىقتاردى, وقۋ-ادىستەمەلىك كەشەندەر مەن قۇرالداردى ەنگىزۋ تۋرالى ۇسىنىمدار دايىنداۋ. 32. رەسپۋبليكالىق كەڭەس قازاقستان رەسپۋبليكاسى پارلامەنتىنىڭ دەپۋتاتتارىنان, مەملەكەتتىك, قوعامدىق جانە ۇكىمەتتىك ەمەس ۇيىمداردىڭ, پەداگوگيكالىق جانە عىلىمي قوعامنىڭ وكىلدەرىنەن قۇرالادى. رەسپۋبليكالىق كەڭەستىڭ جۇمىس ورگانى قازاقستان رەسپۋبليكاسى ءبىلىم جانە عىلىم مينيسترلىگى (بۇدان ءارى – جۇمىس ورگانى) بولىپ تابىلادى. 33. رەسپۋبليكالىق كەڭەستىڭ توراعاسىن قازاقستان رەسپۋبليكاسى ءبىلىم جانە عىلىم ءمينيسترى تاعايىندايدى. 34. رەسپۋبليكالىق كەڭەستىڭ توراعاسى رەسپۋبليكالىق كەڭەستىڭ قىزمەتىنە جالپى باسشىلىقتى جۇزەگە اسىرادى. 35. رەسپۋبليكالىق كەڭەس ساراپتامالىق قورىتىندىلاردى قاراستىرادى جانە وقۋلىقتاردىڭ, وقۋ-ادىستەمەلىك كەشەندەر مەن قۇرالداردىڭ ساراپتاما قورىتىندىلارىنا باعا بەرەدى. 36. رەسپۋبليكالىق كەڭەس ساراپتاما ناتيجەلەرى بويىنشا وقۋلىقتاردىڭ, وقۋ-ادىستەمەلىك كەشەندەر مەن قۇرالداردىڭ بەلگىلەنگەن تالاپتارعا سايكەستىگى تۋرالى شەشىم قابىلدايدى. 37. رەسپۋبليكالىق كەڭەس تىزبەگە وقۋلىقتاردى, وقۋ-ادىستەمەلىك كەشەندەر مەن قۇرالداردى ەنگىزۋ تۋرالى ۇسىنىمدار دايىندايدى. 38. وقۋلىق اۆتورىنىڭ ساراپتاما ناتيجەلەرىمەن كەلىسپەۋى تۋرالى ءوتىنىش تۇسكەن جاعدايدا رەسپۋبليكالىق كەڭەس تاۋەلسىز ساراپتاما جۇرگىزەدى. 39. رەسپۋبليكالىق كەڭەستىڭ شەشىمى وتىرىسقا قاتىسقان مۇشەلەر سانىنىڭ جارتىسىنان كوبى وعان داۋىس بەرگەن جاعدايدا قابىلدانعان بولىپ ەسەپتەلەدى. 40. رەسپۋبليكالىق كەڭەستىڭ شەشىمدەرى توراعانىڭ نەمەسە ونىڭ ورىنباسارىنىڭ, حاتشىنىڭ قولى قويىلعان حاتتامامەن رەسىمدەلەدى جانە مينيسترلىكتىڭ ءتيىستى دەپارتامەنتتەرىنە ۇسىنىلادى. 41. رەسپۋبليكالىق كەڭەس تەرىس شەشىم شىعارعان جاعدايدا ۋاكىلەتتى ورگان وقۋلىقتاردىڭ, وقۋ-ادىستەمەلىك كەشەندەر مەن قۇرالداردىڭ ازىرلەۋشىسىن كۇنتىزبەلىك 15 كۇننىڭ ىشىندە حاباردار ەتەدى. 42. رەسپۋبليكالىق كەڭەس ۋاكىلەتتى ورگانعا وقۋلىقتاردىڭ, وقۋ-ادىستەمەلىك كەشەندەر مەن قۇرالداردىڭ ساپاسىن جەتىلدىرۋ ماسەلەلەرى بويىنشا ۇسىنىستار ەنگىزەدى. 43. رەسپۋبليكالىق كەڭەستىڭ وتىرىستارى قاجەتتىلىك بويىنشا, بىراق جىلىنا كەمىندە ءبىر رەت وتكىزىلەدى. رەسپۋبليكالىق كەڭەس مۇشەلەرى سانىنىڭ جارتىسىنان كوبى قاتىسقان جاعدايدا وتىرىس زاڭدى بولىپ تابىلادى. 44. جۇمىسشى ورگان رەسپۋبليكالىق كەڭەستىڭ وتىرىستارىن ۇيىمداستىرادى, ماتەريالداردىڭ دايىندىعىن قامتاماسىز ەتەدى, قۇجاتتارىن جۇرگىزەدى. 5. ءبىلىم بەرۋ ۇيىمدارىندا قولدانۋعا ۇسىنىلعان وقۋلىقتاردىڭ, وقۋ-ادىستەمەلىك كەشەندەر مەن قۇرالداردىڭ تىزبەسىن قالىپتاستىرۋ ءتارتىبى 45. ءبىلىم بەرۋ ۇيىمدارىندا قولدانۋعا ۇسىنىلماعان وقۋلىقتاردى, وقۋ-ادىستەمەلىك كەشەندەر مەن قۇرالداردى ازىرلەۋشى پىسىقتايدى, وزگەرىستەر مەن تولىقتىرۋلار ەنگىزەدى, قايتا ساراپتاماعا وسى ەرەجەنىڭ 18-تارماعىنا سايكەس ۋاكىلەتتى ورگانعا قورىتىندى العان كۇننەن باستاپ كەمىندە 2 ايدان كەيىن جولدايدى. 46. رەسپۋبليكالىق كەڭەس حاتتاماسىنىڭ نەگىزىندە ءبىلىم بەرۋ سالاسىنداعى ۋاكىلەتتى ورگان تىزبەنى قالىپتاستىرادى جانە بەكىتەدى. تىزبە قازاقستان رەسپۋبليكاسى ءبىلىم جانە عىلىم مينيسترلىگىنىڭ www.edu.gov.kz سايتىندا جاريالانادى. 47. تىزبەگە ءبىر وقۋ ءپانى بويىنشا بەس بالاما وقۋلىق, وقۋ-ادىستەمەلىك كەشەن مەن قۇرالدان ارتىق بولمايتىنداي وقۋ ادەبيەتى ەنگىزىلەدى. تىزبە ءبىلىم بەرۋ ۇيىمدارىنىڭ تاڭداۋ مۇمكىندىگىن كوزدەيدى. 48. ءبىلىم بەرۋ ۇيىمدارىندا قولدانۋعا ۇسىنىلعان وقۋلىقتار, وقۋ-ادىستەمەلىك كەشەندەر مەن قۇرالدار ازىرلەۋشىنىڭ قاراجاتى ەسەبىنەن باسىلىپ شىعارىلادى. بۇيرىق قازاقستان رەسپۋبليكاسىنىڭ ادىلەت مينيسترلىگىندە 2010 جىلعى 24 قاراشا نورماتيۆتىك قۇقىقتىق كەسىمدەردى مەملەكەتتىك تىركەۋدىڭ تىزىلىمىنە №6653 بولىپ ەنگىزىلدى.