بەلگىلى مۋزىكانت نيكولاۋس ارنونكۋر قايتىس بولدى

استانا. 6 ناۋرىز. ۆەنادا الەمگە تانىمال اۆستراليالىق مۋزىكاتانۋشى, ديريجەر نيكولاۋس ارنونكۋر 86 جاسىندا قايتىس بولدى. بۇل تۋرالى bbc.com سايتىنا سىلتەمە جاساعان egemen.kz ءتىلشىسى حابارلادى. ول ءبىراز جىلدار Concentus Musicus ءانسامبلىنىڭ جەتەكشىسى بولعان. شەت ەلدەرگە گاسترولدىك ساپارمەن ءجيى بارىپ, كوپتەگەن سىيلىقتىڭ جەڭىمپازى اتاندى. نيكولاۋس ارنونكۋر وركەستر قۇرامىندا دا مۋزىكانت بولعان. ۆيولونچەل جانە ۆيولو دا گامبا اسپاپتارىندا وينايتىن. ونىڭ انسامبلىندە وزگەشە مۋزىكالىق اسپاپتاردى بايقاۋعا بولادى. ول كوبىنە ورتاعاسىرلىق اسپاپتارعا ءمان بەرەدى. ءومىرىنىڭ سوڭىنا دەيىن شىعارماشىلىق جۇمىسىمەن اينالىسىپ كەلدى. تەك وسىدان بىرنەشە اي بۇرىن, ياعني 2015 جىلدىڭ جەلتوقسان ايىندا عانا دەنساۋلىعىنىڭ كۇرت ناشارلاۋىنا بايلانىستى زەينەتكە شىققان. ۆەنا فيلارمونيالىق وركەسترىنىڭ مۇشەلەرى, ايگىلى مۋزىكانتتىڭ قالدىرىپ كەتكەن مۇراسىن ارى قاراي جالعاستىرىپ, وسى جولدا ايانباي ەڭبەك ەتەتىندەرىن مالىمدەدى. ايان ءابدۋالي. دەرەك: bbc.com. سۋرەت: berlin1.de.