قازاقستان رەسپۋبليكاسى ينۆەستيتسيالار جانە دامۋ مينيسترلىگىنىڭ بۇيرىعى  №161

2016 جىلعى 8 اقپان, استانا قالاسى «تۋريزم سالاسىنداعى مەملەكەتتىك كورسەتىلەتىن قىزمەتتەر رەگلامەنتتەرىن بەكىتۋ  تۋرالى» قازاقستان رەسپۋبليكاسى پرەمەر-ءمينيسترىنىڭ ورىنباسارى – قازاقستان رەسپۋبليكاسىنىڭ يندۋستريا جانە جاڭا تەحنولوگيالار ءمينيسترىنىڭ 2014 جىلعى 1 ساۋىردەگى № 111 بۇيرىعىنىڭ كۇشى جويىلدى دەپ تانۋ تۋرالى «نورماتيۆتىك قۇقىقتىق اكتىلەر تۋرالى» 1998 جىلعى 24 ناۋرىزداعى قازاقستان رەسپۋبليكاسىنىڭ زاڭى 21-1-بابىنىڭ 1-تارماعىنا سايكەس بۇيىرامىن: 1. «تۋريزم سالاسىنداعى مەملەكەتتىك كورسەتىلەتىن قىزمەتتەر رەگلامەنتتەرىن بەكىتۋ تۋرالى» قازاقستان رەسپۋبليكاسى پرەمر-ءمينيسترىنىڭ ورىنباسارى – قازاقستان رەسپۋبليكاسىنىڭ يندۋستريا جانە جاڭا تەحنولوگيالار ءمينيسترىنىڭ 2014 جىلعى 1 ساۋىردەگى № 111 بۇيرىعىنىڭ (نورماتيۆتىك قۇقىقتىق اكتىلەردى مەملەكەتتىك تىركەۋ تىزىلىمىندە № 9403 بولىپ تىركەلگەن, 2014 جىلعى 14 قازانداعى № 200 (28423) «ەگەمەن قازاقستان» گازەتىندە, 2014 جىلعى 23 شىلدەدە «ادىلەت» اقپاراتتىق-قۇقىقتىق جۇيەسىندە جاريالانعان) كۇشى جويىلدى دەپ تانىلسىن. 2. قازاقستان رەسپۋبليكاسى ينۆەستيتسيالار جانە دامۋ مينيسترلىگىنىڭ تۋريزم يندۋسترياسى دەپارتامەنتى ء(ا.ە.ماماجانوۆا): 1) وسى بۇيرىقتىڭ كوشىرمەسىن ءبىر اپتا مەرزىمدە قازاقستان رەسپۋبليكاسىنىڭ ادىلەت مينيسترلىگىنە جىبەرۋدى; 2) وسى بۇيرىقتىڭ مەرزىمدى باسپا باسىلىمدارىندا, «ادىلەت» اقپاراتتىق-قۇقىقتىق جۇيەسىندە رەسمي جاريالانۋىن; 3) وسى بۇيرىقتى قازاقستان رەسپۋبليكاسى ينۆەستيتسيالار جانە دامۋ مينيسترلىگىنىڭ ينتەرنەت-رەسۋرسىندا ورنالاستىرۋدى قامتاماسىز ەتسىن. 3. وسى بۇيرىقتىڭ ورىندالۋىن باقىلاۋ جەتەكشىلىك ەتەتىن قازاقستان رەسپۋبليكاسىنىڭ ينۆەستيتسيالار جانە دامۋ ۆيتسە-مينيسترىنە جۇكتەلسىن. 4. وسى بۇيرىق قول قويىلعان كۇنىنەن باستاپ كۇشىنە ەنەدى. ءمينيستردىڭ مىندەتىن اتقارۋشى ج.قاسىمبەك.