قر ءىىم ءباسپاسوز قىزمەتى 9 اقپاندا حابارلاعانداي, كۇدىكتى الەۋمەتتىك جەلىلەر مەن تانىمال جارناما سايتتارىندا پاتەردى جالعا بەرۋ تۋرالى حابارلاندىرۋ جاريالاعان.
جالعا الۋعا نيەتتىلەر حابارلاسقاندا, ايەل الدىن الا تولەم جاساۋدى تالاپ ەتكەن. اقشانى العان سوڭ, ول بايلانىسقا شىقپاي قويعان.
كۇدىكتىنىڭ ءتورت الاياقتىق جايتىنا قاتىسى بار ەكەنى انىقتالدى. قازىرگى تاڭدا تەرگەۋ ارەكەتتەرى جالعاسىپ جاتىر.
پوليتسيا ازاماتتاردى ينتەرنەت ارقىلى پاتەر جالداۋ كەزىندە اباي بولۋعا شاقىرادى.
جالعا الۋ كەزىندە بەلگىسىز تۇلعالارعا الدىن الا اقشا اۋدارماۋ, پاتەردىڭ ناقتى بار-جوعىن تەكسەرۋ, تەك سەنىمدى سەرۆيستەردى قولدانۋ جانە مىندەتتى تۇردە كەلىسىمشارت جاساۋ سۇرالادى.
ايتا كەتەيىك, استانا قالاسىندا پاتەر ۇرلىعىمەن اينالىسقان 30 جاستاعى ەر ادام مەن ونىڭ سىبايلاسى بولۋى مۇمكىن 46 جاستاعى كۇدىكتى ۇستالعان ەدى.
