بەلسەندىلىك

اتىراۋ وبلىسىندا دا ءار دەڭگەيدەگى ءماسليحاتتار دەپۋ­تات­تىعىنا ۇسىنىلعان كانديداتتاردى تىركەۋ اياقتالدى. وبلىستىق ايماقتىق سايلاۋ كوميسسياسىنىڭ توراعاسى اساۋ يبراشەۆتىڭ ءمالىم ەتۋىنشە, 134 وكرۋگ بويىنشا ۇسىنىلعان 433 كانديداتتىڭ 414-ءى تىركەۋدەن ءوتتى. ولاردىڭ ىشىندە وبلىستىق ماسليحاتقا 27 سايلاۋ وكرۋگى بويىنشا ۇسى­نىل­عان 90 كانديداتتىڭ 87-ءسى, ال اتىراۋ قالالىق ءماسليحاتىنا 19 سايلاۋ وكرۋگىنەن ۇسىنىلعان 65 كان­ديداتتىڭ 62-ءسى تىركەلگەن. اۋداندىق ماسليحاتتارعا 278 كان­ديدات ۇسىنىلىپ, ولاردىڭ 265-ءى تىركەلىپتى. بارلىق دەڭ­گەي­دەگى ماسليحاتتارعا ۇسىنىلعان كانديداتتاردىڭ اراسىنان 19 كانديدات ءوز وتىنىشتەرىن كەرى قايتارىپ العان. ماسليحاتتارعا ۇسىنىل­عان­داردىڭ اراسىندا 365 (88%) كان­ديداتتىڭ جوعارى ءبىلىمى بار, ال ارنايى ورتا بىلىممەن – 35 كانديدات (8%) جانە ورتا بىلىممەن – 14 كان­ديدات (4%) سايلاۋ دوداسىنا تۇسكەلى وتىر. كانديداتتاردىڭ كاسىبي ماماندىعى تۋرالى ايتار بولساق, دارىگەر – 21 ادام (5%), ينجە­نەر – 74 ادام (17%), ءبىلىم بەرۋ سا­لاسىنىڭ قىزمەتكەرى – 103 ادام (24,9%), زاڭگەر – 42 ادام (10%) جانە باسقا ماماندىقتى مەڭ­گەرگەندەر ۇلەسى 174 (44%) ادامدى قۇرايدى. ساياسي پارتيالاردان 139 كانديدات بار, ولاردىڭ اراسىندا 134 كانديدات «نۇر وتان» پارتياسىنان, 3 كانديداتتى قازاقستان كوممۋنيستىك حالىق پارتياسى, ەكەۋىن «اق جول» دەموكراتيالىق پارتياسى ۇسىن­عان. اتىراۋ ءماسليحاتتارىنىڭ دەپۋتاتتىعىنان ۇمىتكەر كان­دي­داتتاردىڭ اراسىندا 297 ەر ادام (72%) جانە 117 ايەل ادام (28%) بولسا, ولاردىڭ 275-ءى ءوزىن-ءوزى ۇسى­نىپتى. كانديداتتاردىڭ ورتاشا جاسى – 44. جولداسبەك شوپەعۇل, «ەگەمەن قازاقستان». اتىراۋ.