سايلاۋ ءادىل دە ادال وتەدى

قىزىلوردا وبلىستىق سايلاۋ كوميسسياسىندا بارلىق دەڭگەيدەگى ءماسليحاتتار دەپۋتاتتىعىنا كانديداتتاردى تىركەۋدىڭ قورىتىندىسىن, كانديداتتار مەن ساياسي پارتيالاردىڭ ۇگىت جۇمىستارىن جۇرگىزۋدىڭ شارتتارى مەن ءتارتىبىن جاريالاۋ جانە ساياسي پارتيالاردىڭ وبلىستىق فيليالدارىنىڭ وكىلدەرىمەن تازا سايلاۋ مەموراندۋمىنا قول قويۋى ءراسىمى ءوتتى. جالپى, وبلىستا ءماسليحات دەپۋتات­تى­عىنا ۇسىنىلعان 498 ۇمىتكەردىڭ 464-ءى وكرۋگ­تىك سايلاۋ كوميسسيالارىنىڭ شەشىمىمەن تىركەلدى. ال 32 كانديدات ءوز وتىنىشتەرىن قاي­تارىپ الدى, 2 ۇمىتكەر قۇجات­تارىن تۇگەل تاپسىرماۋىنا بايلانىستى وكرۋگتىك سايلاۋ كوميسسيالارى ولاردى تىركەۋدەن باس تارتقان. بۇل دەگەنىڭىز, ايماق بويىنشا 1 مان­داتقا 4 كانديدات باسەكەلەس بولىپ تۇر دەگەن ءسوز. ونىڭ ىشىندە 86 ادام وب­لىستىق ءماس­ليحاتقا تىركەلگەن. ولاردىڭ ورتاشا جاسى – 49. 316 ازامات اۋداندىق ءماسلي­حات­تارعا ۇمىتكەر سانالادى. بۇلاردىڭ ورتاشا جاسى – 45. ال 62 ۇمىتكەر قالالىق ءماس­ليحاتقا ءتىر­كەلدى, ورتاشا جا­سى – 42. وڭىردەگى ەڭ جاس – 22 جاس­تاعى جانە ەڭ ەگدە – 69 جاستا­عى كانديداتتار جاڭا­قورعان اۋداندىق ءماسلي­حاتىنىڭ دەپۋتاتتىعىنا ۇمىتكەر. تىركەلگەن 396 كانديدات جوعارى ءبىلىمدى, ولاردىڭ ىشىندە 137 مۇعالىم, 93 ينجەنەر, 41 ەكونوميست, 24 زاڭ­گەر, 14 دارىگەر, 14 اۋىل شارۋا­شىلىعى سالاسىنىڭ مامانى, 73 وزگە سالانىڭ ماماندارى بار. 50 كانديداتتىڭ ارناۋلى ورتا, 18 كانديداتتىڭ ورتا ءبىلىمى بار. ۇمىتكەرلەردىڭ 52,6 پايى­زى مەملەكەتتىك ورگاندار مەن ۇيىمداردىڭ قىزمەت­كەر­لەرى بولسا, 39 پايىزى كوم­مەرتسيالىق قۇرى­لىم­داردا جۇمىس اتقارادى, 2,4 پايى­زى ساياسي پارتيالار مەن قوعام­دىق بىرلەستىكتەردىڭ قىزمەت­كەرلەرى, 9 كانديدات ۋاقىتشا جۇمىسسىز جانە 19 كانديدات وزگە سالالاردا قىزمەت اتقارادى. بارلىق تىركەلگەن كاندي­دات­تاردىڭ 343-ءى ءوزىن-ءوزى ۇسىنۋ جولىمەن جانە 148-ءى ساياسي پارتيالاردان ۇسىنىلعان. كانديداتتاردىڭ 1-ءۋى پار­تياعا مۇشە­لىگىن كور­سەتپەگەن, 146 كانديدات «نۇر وتان» پارتياسىنىڭ مۇشەسى, «اۋىل» پارتياسىنان – 3, «اق جول» پارتياسىنان – 1, قكحپ-دان 2 ۇمىتكەر. ال 311 ۇمىتكەر پارتيادا جوق. ۇسىنىلعان كان­دي­دات­تار­دىڭ 463-ءى – قازاق, 1 كورەي ۇلتىنان. اكىمدىكتەر اۋماقتىق ساي­لاۋ كوميسسيالارىمەن ءبىر­لەسىپ ۇگىت باسپا ماتەريال­دارىن ورنالاستىراتىن ورىنداردى بەلگىلەگەن جانە ونى جاراقتاندىرۋ ماسەلەلەرى شە­شىلگەن. 26 اقپانداعى جاعداي بو­يىن­شا سايلاۋ كوميسسيالارىندا بارلىق دەڭگەيدەگى ءماسلي­حاتتاردىڭ دەپۋتاتتىعىنا كانديداتتاردىڭ 4739 سەنىم بىلدىرىلگەن ادامى, ساياسي پار­تيالاردىڭ 1050 سەنىم ءبىلدى­رىلگەن ادامى تىركەلگەن. ءاربىر ساياسي پارتيا قىزىلوردا وبلىسى بويىنشا 350 سايلاۋ ۋچاس­كەسىنە شاققاندا 1050 سەنىم بىلدىرىلگەن ادامعا دەيىن ءتىر­كەتۋگە قۇقىعى بار. «نۇر وتان» پارتياسىنىڭ وبلىستىق فيليالى ادال سايلاۋ تۋرالى كەلىسىم ازىرلەپ, سايا­سي پارتيالاردىڭ جەرگىلىكتى وكىلدەرىنە قول قويۋعا ۇسىندى. وبلىستىق سايلاۋ كوميسسياسى اتالعان باستامانى قولدادى. مەموراندۋممەن تانىسىپ شىققان وزگە ساياسي پارتيالار فيليالدارىنىڭ باسشىلارى دا قولداپ قول قويدى. ەرجان بايتىلەس, «ەگەمەن قازاقستان». قىزىلوردا.