كەنشىلەر قولدان قۇراستىرعان الىپ «بەلاز»

شىعىسقازاقستاندىق كەن­شىلەر الەمدەگى ەڭ ۇلكەن جۇك كولىگى «بەلاز» ماشيناسىن قولدان قۇراستىرىپ شىقتى. اۋىر جۇك كولىگى وڭىردەگى با­قىر­شىق تاۋ-كەن بايىتۋ كاسىپورنىنا قاراستى كەن ورىن­­دارىنىڭ بىرىندە پايدالا­نىلادى. وسكەمەنگە اتالعان اۋىر جۇك كولىگىنىڭ بولشەكتەرى ءتورت تەمىرجول پلاتفورماسى ار­قىلى جەتكىزىلدى. ونى قۇراس­تىرۋدىڭ ءوزى ەكى جارىم اپتاعا سوزىلدى. ارينە, اۆتوزاۋىت­تارعا بۇل ۇيرەنشىكتى جۇمىس بولسا, كەنشىلەر ءۇشىن ءتۇپ-تامىرىمەن جاڭا ءىس. قاراعان جانعا بۇكىل جۇمىس ۇدەرىسى لەگو قۇراستىرماسىن ەسكە سالادى. الايدا, بۇل ويىنشىق ەمەس, اتان تۇيەگە جۇك بولارلىق اۋىر بولشەكتەر عوي! ماسەلەن, دوڭگەلەكتىڭ ديامەترى 3 مەتردەن اسسا, كەيبىر اۆتوبولشەكتەر 10 توننادان دا ارتىق سالماققا يە. كولەمى ءزاۋلىم ۇيدەي جۇك كولىگىنىڭ ءوزى 135 تونناعا تەڭ. – ءبىر جۇك كولىگىن قۇراس­تىرۋعا ورتا ەسەپپەن 2,5 اپتا جۇمسالسا, 10 شاقتى كۇن­دە قوراپتاعى دانەكەرلەر جۇمىس­تارى اياقتالىپ, 3 اپتادان كەيىن تولىعىمەن دايىن بولادى. كولىكتى 100 ساعاتتىق جۇرگىزىپ تەكسەرۋدەن كەيىن پايدالانا بەرۋگە بولادى, – دەيدى تاۋ-كەن بايىتۋ كاسىپورنىنىڭ باس ديرەكتورى يۋري وۆچيننيكوۆ. دۋمان اناش, «ەگەمەن قازاقستان». شىعىس قازاقستان وبلىسى.