كوكشەتاۋ. 1 ناۋرىز. اقمولا وبلىسىنىڭ اكىمى سەرگەي كۋلاگين «دوستىق ۇيىندە» العىس كۇنىنە ارنالعان شارالارعا قاتىسىپ, جۇرتشىلىقتى ىزگى مەرەكەمەن قۇتتىقتادى. بۇل تۋرالى egemen.kz ءتىلشىسى حابارلادى.
شارا بارىسىندا ءوڭىر باسشىسى ەتنومادەني بىرلەستىكتەر دايىنداعان «قازاق ەلىنە تاعزىم» كورمەسىن تاماشالاپ, «التىن القا», «كۇمىس القا» مەدالدارىن تاپسىردى. سونداي-اق, كوپبالالى وتباسىلارىنا سىيلىقتار تاراتتى. ال 1 ناۋرىز كۇنى تاڭەرتەڭ تۋعان سابيلەردىڭ اتا-انالارىنا گۇل شوقتارىن سىيلادى.
وبلىس اكىمىنىڭ ورىنباسارى نۇرلان نۇركەنوۆ پەن ەلىمىزگە بەلگىلى مەتسەنات بولات وتەمۇراتوۆتىڭ «اسىل ميراس» قايىرىمدىلىق قورىنىڭ ديرەكتورى مارات ايتماعامبەتوۆپەن بىرگە كوكشەتاۋداعى مۇگەدەك بالالاردىڭ مەديتسينالىق-الەۋمەتتىك ساۋىقتىرۋ مەكەمەسىندە بولىپ, قور اتىنان ۇجىمعا اۆتوبۋس, ويىن الاڭىنا قاجەتتى جابدىقتاردى جانە مەديتسينالىق قۇرالداردى تاپسىردى.
ءدال وسىنداي شاتتىق شاراسى بۋراباي اۋدانىنىڭ ورتالىعى ششۋچە قالاسىنداعى سابيلەر ۇيىندە دە وتكىزىلىپ, مەكەمەگە «اسىل ميراس» قورى مەن Rixos Borovoe بەس جۇلدىزدى قوناق ءۇيىنىڭ اتىنان شاعىن اۆتوبۋس پەن مەديتسينالىق جابدىقتار سىيعا بەرىلدى.
«اسىل ميراس» قورىنىڭ ديرەكتورى مارات ايتماعامبەتوۆ بۇل قارجىنىڭ 2015 جىلعى 30 تامىزدا Rixos Borovoe قوناق ۇيىندە وتكىزىلگەن قايىرىمدىلىق اكتسياسى شاراسىندا جينالعانىن جانە مۇنداي قولداۋ جۋىق كۇندەردە قىزىلوردا قالاسىنداعى ەكى بىردەي الەۋمەتتىك نىسان ۇجىمىنا دا كورسەتىلەتىنىن ايتتى.
باقبەرگەن امالبەك.
دەرەك, سۋرەت: egemen.kz.
