جىگىت دەپ وسىنى ايت!

بۇگىنگى كۇننىڭ باتىرى دەۋگە لايىقتى جاننىڭ ءبىرى – قۋانىش بەردەنوۆ دوسسور كەنتىندە تۇرادى. وسىنداعى مادەنيەت ۇيىندە جۇمىس جاسايتىن ول وتكەن اپتادا الدەبىر شارۋاسىمەن ورتالىق بازارعا بەتتەپتى. ىرگەسى ەرتە قالان­عان كەنتتىڭ تار كوشەسىندە قارسى جولىققان اجەيدىڭ: «بالام-اي, انەبىر پاتەر ورتەنىپ جاتىر-اۋ», – دەگەن وقىس داۋسىن ەستىپ, سوعان قاراي تۇرا جۇگىرگەنىن ءوزى دە اڭ­عارماي قالىپتى. جانۇشىرا جەتكەن بويدا پاتەردىڭ ەسىگىن اشا الماي اۋرەلەنىپ, اقىرى تەرەزەسىن سىندىرا ىشكە كىرۋگە ۇمتىلادى. سويتسە, قويۋ تۇتىننەن ەشتەڭە كورىنبەيتىن پاتەردىڭ ىشىندە ءۇش بالا قالىپتى. «سول ءسات ەشتەڭەنى ويلاۋعا مۇرشا بولمادى. بار ويىم – ىشتەگى بالالاردى قۇتقارۋ», – دەپ ەسكە الادى قۋانىش بەردەنوۆ. كوزدى اشىپ-جۇمعانداي قاس-قاعىم مەزەتتە قىزىل جالىننىڭ ورتاسىنان قۇتقارىلعان ءۇش بالانىڭ كىشكەنتايى ءالى مەكتەپ جاسىنا جەتپەگەن ەكەن. ۇلكەنى – 7, ورتانشىسى – 5, ال كىشكەنتايى 3 جاسقا تولىپتى. بۇل بالدىرعانداردىڭ كورەر جارىعى بار ەكەن. قۋانىش ولاردى تىسقا الىپ شىققان ساتتە ءورت ودان سايىن ۇدەپ, ەلەكتر سىمدارى جانا باستاپتى. – مەنىڭ ورنىمدا بولعان كەز كەلگەن ازامات بالالاردى قۇتقارۋعا ۇمتىلار ەدى. قينالعانعا قول ۇشىن سوزۋ قانىمىزدا بار قاسيەت, ءتىپتى, ازاماتتىق پارىزىمىز بولۋى قاجەت, – دەيدى بەيبىت كۇندە ءوز ءومىرىن قاۋىپ-قاتەرگە تىگىپ, ورتتەن ءۇش بالانى قۇتقارعان قۋانىش بەردەنوۆ. جولداسبەك شوپەعۇل, «ەگەمەن قازاقستان». اتىراۋ وبلىسى.