قازاقستان رەسپۋبليكاسى توتەنشە جاعدايلار مينيسترلىگىنىڭ بۇيرىعى №160

2010 جىلعى 13 مامىر, استانا قالاسى «قازاقستان رەسپۋبليكاسى توتەنشە جاعدايلار مينيسترلىگىنىڭ كوكشەتاۋ تەحنيكالىق ينستيتۋتى» مەملەكەتتىك مەكەمەسىنە ازاماتتاردى قابىلداۋ ەرەجەسىن بەكىتۋ تۋرالى قازاقستان رەسپۋبليكاسىنىڭ 27 شىلدە 2007 جىلعى «ءبىلىم تۋرالى» زاڭىنا سايكەس, «قازاقستان رەسپۋبليكاسى توتەنشە جاعدايلار مينيسترلىگى كوك­شەتاۋ تەحنيكالىق ينستيتۋتى» مەملەكەتتىك مەكەمەسىنە ازاماتتاردى قابىلداۋ ءتارتىبىن انىقتاۋ ماق­ساتىندا بۇيىرامىن: 1. قوسىمشا بەرىلگەن «قازاقستان رەسپۋبليكاسى توتەنشە جاعدايلار مينيسترلىگىنىڭ كوكشەتاۋ تەحني­كا­لىق ينستيتۋتىنا» مەملەكەتتىك مەكەمەسىنە قا­بىلداۋ ەرەجەسى, بەكىتىلسىن. 2. قازاقستان رەسپۋبليكاسى توتەنشە جاعدايلار مينيسترلىگىنىڭ كادرلىق قامتاماسىز ەتۋ دەپارتامەنتى وسى بۇيرىقتى ادىلەت ورگاندارىندا مەملەكەتتىك تىركەۋدەن وتكىزۋدى قامتاماسىز ەتسىن. 3. مينيسترلىكتىڭ ورتالىق اپپاراتىنىڭ قۇرى­لىمدىق بولىمشەلەرىنىڭ, ورتكە قارسى قىزمەت كو­ميتەتىنىڭ, توتەنشە جاعدايلار جانە ونەركاسىپتىك قاۋىپسىزدىكتى مەملەكەتتىك باقىلاۋ كوميتەتىنىڭ, مەملەكەتتىك ماتەريالدىق رەزەرۆتەر كوميتەتىنىڭ, وب­لىستىق, استانا جانە الماتى قالالارى توتەنشە جاعدايلار دەپارتامەنتتەرىنىڭ, اسكەري بولىمدەرىنىڭ, جەدەل قۇتقارۋ جاساقتارىنىڭ, وبلىستارىنىڭ, استانا جانە الماتى قالالارىنداعى «ءورت ءسوندىرۋ جانە اۆاريالىق قۇتقارۋ جۇمىستار قىزمەتى», «كوكشەتاۋ تەحنيكالىق ينستيتۋتى», «رەسپۋبليكالىق داعدارىس ورتالىعى», «اپاتتىق مەديتسينا ورتالىعى» مەملەكەتتىك مەكەمەلەرىنىڭ, ۆەدومستۆولىق باعىنىستى مەم­لەكەتتىك مەكەمەلەر مەن كاسىپورىنداردىڭ باس­شى­لارى, وسى بۇيرىقتى قىزمەتكەرلەرىنىڭ نازارىنا جەتكىزسىن جانە مىندەتتى تۇردە ورىندالۋىن قامتاماسىز ەتسىن. 4. قازاقستان رەسپۋبليكاسى توتەنشە جاعدايلار ءمينيسترىنىڭ 2007 جىلعى 24 ءساۋىر № 74 «كوكشەتاۋ تەحنيكالىق ينستيتۋتىنا ىرىكتەۋ مەن قابىلداۋ ەرەجەسىن بەكىتۋ تۋرالى» (نورماتيۆتىك قۇقىقتىق كەسىمدەردى مەملەكەتتىك تىركەۋدىڭ تىزىلىمىنە N 4776 بولىپ ەنگىزىلگەن, 2007 جىلعى ماۋسىم-شىلدە قازاقستان رەسپۋبليكاسىنىڭ ورتالىق اتقارۋشى جانە وزگە دە ورتالىق مەملەكەتتىك ورگاندارىنىڭ اكتىلەر جينا­عىندا جاريالانعان) بۇيرى­عىنىڭ كۇشى جويىلسىن. 5. وسى بۇيرىقتىڭ ورىندالۋىن قاداعالاۋ قازاقستان رەسپۋبليكاسى توتەنشە جاعدايلار مينيسترلىگىنىڭ اپپارات باسشىسى س.ق. وقاسوۆقا جۇكتەلسىن. 6. وسى بۇيرىق رەسمي تۇردە ءبىرىنشى جاريالانعان كۇننەن باستاپ قولدانىسقا ەنەدى. قازاقستان رەسپۋبليكاسى توتەنشە جاعدايلار ءمينيسترى ۆ.بوجكو. _____________________________________________________________ قازاقستان رەسپۋبليكاسى توتەنشە جاعدايلار ءمينيسترىنىڭ 2010 جىلعى 13 مامىرداعى № 160 بۇيرىعىمەن بەكىتىلگەن «قازاقستان رەسپۋبليكاسى توتەنشە جاعدايلار مينيسترلىگى كوكشەتاۋ تەحنيكالىق ينستيتۋتى» مەملەكەتتىك مەكەمەسىنە ازاماتتاردى قابىلداۋ ەرەجەسى 1. جالپى ەرەجە 1. «قازاقستان رەسپۋبليكاسى توتەنشە جاعدايلار مينيسترلىگى كوكشەتاۋ تەحنيكالىق ينستيتۋتىنا» مەملەكەتتىك مەكەمەسىنە ازاماتتاردى قابىلداۋ تۋرالى اتالمىش ەرەجە ء(ارى قاراي – ەرەجە) قازاقستان رەسپۋبليكاسىنىڭ 2007 جىلعى 27 شىلدەدەگى «ءبىلىم تۋرالى» زاڭىنا جانە قازاقستان رەسپۋبليكاسى ءبىلىم جانە عىلىم ءمينيسترىنىڭ 2007 جىلعى 19 جەلتوقسانداعى № 638 «جوعارى ءبىلىمنىڭ كاسىپتىك وقۋ باعدارلاماسىن ىسكە اسىرۋشى ءبىلىم ۇيىمدارىنا وقۋعا قابىلداۋدىڭ جالپىلاما ەرەجەسىن بەكىتۋ تۋرالى» (نورماتيۆتىك قۇقىقتىق كەسىمدەردى مەملەكەتتىك تىركەۋدىڭ تىزىلىمىنە N 5115 بولىپ ەنگىزىلگەن) بۇيرىعىنا سايكەس ازىرلەنگەن. 2. «قازاقستان رەسپۋبليكاسى توتەنشە جاعدايلار مينيسترلىگى كوكشەتاۋ تەحنيكالىق ينستيتۋتى» مەملەكەتتىك مەكەمەسى ء(ارى قاراي - ينستيتۋت) ماماندىقتار تىزىمىنە سايكەس جوعارى كاسىپتىك بىلىممەن مامانداردى دايارلايدى. 3. قازاقستان رەسپۋبليكاسى توتەنشە جاعدايلار ءمينيسترىنىڭ بۇيرىعىمەن مەملەكەتتىك قابىلداۋ, مان­داتتىق, اپەللياتسيالىق, كۋرسانتتاردى ءبولۋ كوميسسيالارى قۇرىلىپ ولاردىڭ ەرەجەلەرى 4. ينستيتۋتقا كۇندىزگى وقۋعا قازاقستان رەسپۋب­ليكاسىنىڭ جالپى ورتا, باستاپقى كاسىپتىك (تەحنيكالىق جانە كاسىپتىك), ورتا كاسىپتىك (ورتاشا بىلىمنەن كەيىن) ءبىلىمى بار, دەنساۋلىعى بويىنشا اسكەري قىزمەتكە جانە وقۋعا جارامدى, قابىلداۋ ەمتيحانىن ءوڭدى تاپسىرعان ازاماتتار قابىلدانادى. 5. ينستيتۋتقا سىرتتاي وقۋعا جالپى ورتا, باستاپقى كاسىپتىك (تەحنيكالىق جانە كاسىپتىك), ورتا كاسىپتىك (ورتاشا بىلىمنەن كەيىن) ءبىلىمى جانە جوعارى ءبىلىمى بار, ءتۇسۋ ەمتيحانىن ويداعىداي تاپسىرعان قازاقستان رەسپۋب­ليكاسى توتەنشە جاعدايلار ينيسترلىكتىڭ ء(ارى - قاراي مينيسترلىك) جيناقتاۋ ورگاندارىنىڭ قىزمەتكەرلەرى قابىلدانادى. 6. ينستيتۋتقا قابىلداۋ بىرىڭعاي ۇلتتىق تەستىلەۋ (ارى قاراي - ۇبت) بويىنشا بەرىلگەن سەرتيفيكاتقا سايكەس نەمەسە قازاقستان رەسپۋبليكاسى ءبىلىم جانە عى­لىم مينيسترلىگى ۇلتتىق تەستىلەۋ ورتالىعىمەن (ارى قاراي ۇتو) ازىرلەنگەن تەحنولوگيا بويىنشا جيىنتىق تەستىلەۋمەن جۇرگىزىلەدى. ينستيتۋتقا ازاماتتاردى كۇندىزگى وقۋعا قابىلداۋ ءتورت كەزەڭدە جۇرگىزىلەدى: ءبىرىنشى كەزەڭدە ينستيتۋتتىڭ قابىلداۋ كوميسسياسى ۇبت سەرتيفيكاتى نەمەسە جيىنتىق تەستىلەۋىنە سايكەس ىرىك­تەۋ جۇرگىزىپ, وقۋعا ۇمىتكەرلەر قۇرامىن قالىپ­تاستىرادى; ەكىنشى كەزەڭدە مەديتسينالىق جانە پسيحوفيزيكالىق كورسەتكىش بويىنشا ىرىكتەۋ جۇرگىزىلەدى; ءۇشىنشى كەزەڭدە دەنە تاربيەسى بويىنشا ىرىكتەۋ جۇرگىزىلەدى; ءتورتىنشى كەزەڭدە مانداتتىق كوميسسيا كۋرسانتتار ساناتىنا ەنگىزۋدى جۇرگىزەدى. سىرتتاي وقۋعا قابىلداۋ جيىنتىق تەستىلەۋ سەرتيفيكاتى باللدارىنا سايكەس قابىلدانادى. 7. مانداتتىق كوميسسياسى ءوزىنىڭ جۇمىسىندا قازاقستان رەسپۋبليكاسىنىڭ قولدانىستاعى زاڭناما­لا­رىن, مينيسترلىكتىڭ, قازاقستان رەسپۋبليكاسى ءبىلىم جانە عىلىم مينيسترلىگىنىڭ نورماتيۆتىك قۇقىقتىق اكتىلەرىن, سونىمەن قاتار وسى ەرەجەنى باسشىلىققا الادى. 8. ينستيتۋتتا وقۋعا ازاماتتاردى ىرىكتەۋدى بەكىتىلگەن كۇندىزگى جانە سىرتتاي وقۋ فاكۋلتەتتەرىن جيناقتاۋ ءجو­نىندەگى رۇقسات قاعازعا سايكەس استانا, الماتى وبلىستارى مەن قالالارىنىڭ توتەنشە جاعدايلار دەپارتامەنتتەرى, مينيسترلىكتىڭ اسكەري بولىمدەرى, قۇتقارۋ قۇرىلىمدارى جۇرگىزەدى. وقۋعا ۇمىتكەرلەردىڭ جەكە ىستەرى مەن وقۋ ىستەرىن راسىمدەۋ مينيسترلىكتىڭ كادرلار بولىمشەلەرىنە جۇكتەلەدى. 9. ينستيتۋتقا ازاماتتاردىڭ قۇجاتتارى جىل سايىن قازاقستان رەسپۋبليكاسى توتەنشە جاعدايلار مينيستر­ى­نىڭ جاساقتاۋ تۋرالى بۇيرىعىمەن انىقتالاتىن مەرزىمدە جىبەرىلەدى. 10. وقۋعا (كۇندىزگى وقۋ فورماسىنا) ۇمىتكەردىڭ جەكە ىسىندە وقۋعا جولداما الۋ تۋرالى مالىمدەمە ء(وتىنىش), مينيسترلىك قىزمەتكەرلەرى ءۇشىن وقۋعا جولداما تۋرالى قورىتىندى ناتيجەسى بار اتتەستاتسيالىق پاراق, ءومىربايان, كادرلار ەسەبى بويىنشا جەكە پاراق, سوڭعى جۇمىس ورنى­نان مىنەزدەمە, نوتاريالدى راستالعان ورتاشا ءبىلىم تۋرا­لى قۇجاتتىڭ كوشىرمەسى, اسكەري-دارىگەرلىك كوميسسيا قو­رى­تىن­دىسىمەن مەديتسينالىق كۋالاندىرۋ كارتاسى, جەڭىلدىككە قۇقىق بەرەتىن نوتاريالدى راستالعان قۇجات كوشىرمەلەرى, ارنايى تەكسەرىس ماتەريالدارى, 4,5ح6 سم كولەمىندەگى باس كيىمسىز ءۇش فوتو سۋرەت, 9ح12 سم. كولەمىندەگى ءبىر فوتو سۋرەت. 11. سىرتتاي وقۋعا ىرىكتەلگەن توتەنشە جاعدايلار ورگاندار جانە قۇرىلىمداردىڭ قىزمەتكەرلەرىنە ءمالىم­دەمە, نوتاريالدى راستالعان ءبىلىم تۋرالى قۇجاتتارى قوسىمشامەن, وقۋعا جىبەرۋ تۋرالى ۇسىنىسى بار اتتەس­تاتسيالىق پاراق, مەديتسينالىق انىقتاما, 4,5ح6 سم كولەمىندەگى ءۇش فوتوسۋرەت جانە كادرلار ەسەبى بويىنشا پاراعى راسىمدەلەدى. 12. كۇندىزگى وقۋعا 25 جاسقا دەيىنگى تۇلەكتەر قابىلدانادى. 13. كۇندىزگى وقۋعا ءتۇسۋشى ازاماتتار ينستيتۋتتا ۋاقىتشا ارنايى ۇيىمداستىرىلعان اسكەري-دارىگەرلىك كوميسسيادا قوسىمشا مەديتسينالىق جانە پسيحوفي­زيو­لو­گيالىق كۋالاندىرۋدان وتەدى جانە دەنە تاربيەسى دايىن­دىعى بويىنشا بەكىتىلگەن نورماتيۆكە سايكەس سىناق تاپسىرادى. 14. سىرتتاي وقۋعا مينيسترلىكتىڭ جيناقتاۋ ورگان­دارىنىڭ كەم دەگەندە 1 جىل ەڭبەك ءوتىلى بار, 37 جاستان اسپاعان قىزمەتكەرلەرى قابىلدانادى. 15. سىرتتاي وقۋعا قابىلداۋ ءۇشىن جالپى ورتا, باستاپقى كاسىپتىك (تەحنيكالىق جانە كاسىپتىك), ورتا كاسىپ­تىك (ورتادان كەيىنگى) ءبىلىمى بار مينيسترلىك قىزمەت­كەرلەرىنەن ۇتو ازىرلەگەن تەحنولوگيا بويىنشا كەشەندى تەستىلەۋ جۇرگىزىلەدى. 16. وقۋعا ءتۇسۋ ءۇشىن جىبەرىلگەن جەتىم بالالارعا جانە اتا-انانىڭ قامقورىنسىز قالعان بالالارعا, مينيس­تر­لىكتىڭ جيناقتاۋ ورگاندارىمەن جولعا كەتكەن شىعىن­دارى تولەنەدى, سونداي-اق ينستيتۋتپەن سولداتتىق ۇلەس نور­ماسىنا سايكەس ازىقپەن قامتاماسىز ەتىلەدى. 2. جيىنتىق تەستىلەۋىن وتكىزۋ 17. جيىنتىق تەستىلەۋ, تەستىلەۋ جۇرگىزۋ (بازالىق جوعارى وقۋ ورىندار) پۋنكتتەرىندە جۇرگىزىلەدى. 18. جيىنتىق تەستىلەۋگە قاتىسۋ ءۇشىن ازامات جوعارى وقۋ ورنىنىڭ (بازالىق جوعارى وقۋ ورنى) قابىلداۋ كوميسسياسىنا, ينستيتۋتتىڭ بەكىتىلگەن ۇلگىدەگى بلانكىدە ءوتىنىش, العاشقى كاسىپتىك (تەحنيكالىق جانە كاسىپتىك) نەمەسە ورتا كاسىپتىك (ورتادان كەيىن) وقۋ ورنىن بىتىرگەنى تۋرالى اتتەستات نەمەسە ديپلوم (تۇپنۇسقا), تەستىلەۋدى جۇرگىزۋ ءۇشىن تولەم تۋرالى تۇبىرتەك, 3ح4 كولەمىندەگى ەكى فوتوسۋرەت, مەديتسينالىق انىقتاما, سونىمەن قاتار جەكە كۋالىك كوشىرمەسىن تاپسىرادى. 19. كەشەندى تەستىلەۋگە قاتىسۋ ءۇشىن قۇجاتتاردى قابىلداۋ بازالىق جوعارى ورنى كەستەسىنە سايكەس جۇرگىزىلەدى. 20. كەشەندى تەستىلەۋ 17-23 شىلدە ارالىعىندا جۇرگىزىلەدى. 21. كەشەندى تەستىلەۋگە كەلگەن ازامات جەكە كۋالىگى ء(تول قۇجات) مەن ينستيتۋت بەرگەن ەمتيحانعا رۇقسات قاعازىن كورسەتەدى. 22. كەشەندى تەستىلەۋ ازاماتتىڭ ەركى بويىنشا قازاق جانە ورىس تىلدەرىندە ورتا ءبىلىم وقۋ باعدارلاماسى كولە­مىندە ءتورت ءپان بويىنشا جۇرگىزىلەدى: قازاق جانە ورىس ءتىلى (وقۋ ءتىلى), قازاقستان تاريحى, ماتەماتيكا جانە فيزيكا. 23. ءار ءپان بويىنشا تەستىلەۋ تاپسىرمالارى 25. ءار تەستىلەۋ تاپسىرماسىنىڭ دۇرىس جاۋابى ءبىر باللمەن باعالانادى. 24. كەشەندى تەستىلەۋگە 2 ساعات 30 مينۋت بەرىلەدى. تەستىلەۋدى قايتا تاپسىرۋ جىبەرىلمەيدى. 25. كەشەندى تەستىلەۋ ناتيجەسىن ساراپتاۋ جيىنتىق تەستىلەۋ وتكىزگەن جوعارى وقۋ ورنىندا جۇرگىزىلەدى. 26. دۇرىس جاۋاپ كودتارى جيىنتىق تەستىلەۋدەن كەيىن, جاۋاپ پاراقتارىن سكانەردەن وتكىزىسىمەن ىلىنەدى. 27. كەشەندى تەستىلەۋ قورتىندىسى وتكىزىلگەن كۇنى مەملەكەتتىك كوميسسيامەن جاريالانادى. 28. كەشەندى تەستىلەۋ ناتيجەسى بويىنشا ءار قاتى­سۋشىعا مەملەكەتتىك كوميسسيامەن تەستىلەۋدەن كەيىن ءۇش كۇنتىزبەلىك كۇن ارالىعىندا سەرتيفيكات بەرىلەدى. 29. كەشەندى تەستىلەۋ ناتيجەسىمەن كەلىسپەگەن ازامات اپەللياتسياعا ءوتىنىش بەرۋىنە بولادى. 3. ينستيتۋتقا قابىلداۋ. 30. ينستيتۋتقا وقۋعا قابىلداۋدى مانداتتىق كوميس­سيا­مەن تامىزدىڭ 1 مەن 10 ارالىعىنداعى جيىنتىق تەس­تىلەۋدىڭ ۇبت قورتىندىسى جانە دەنە تاربيەسى داي­ىن­دىعى بويىنشا سىناق, پسيحوفيزيكالىق جانە مەديتسي­نا­لىق كۋالاندىرۋ, اڭگىمەلەسۋ ناتيجەسى ەسەبىمەن كۇندىزگى جانە سىرتتاي وقۋ فاكۋلتەتتەرىن جاساقتاۋ رۇقسات قاعا­زىنا سايكەس كونكۋرس نەگىزىندە جۇرگىزىلەدى. 31. وقۋعا اعىمداعى جىلدىڭ جالپى ورتا ءبىلىم ۇيىمدارىنىڭ ۇبت وتكەن جانە جيىنتىق تەستىلەۋدىڭ ناتيجەسى بويىنشا قازاق جانە ورىس تىلدەرىنەن (وقۋ ءتىلى), قازاقستان تاريحى, ماتەماتيكا جانە فيزيكا پاندەرىنەن 50 باللدان كەم ەمەس بالل جيناعان, ونىڭ ىشىندە پروفيلدىك پاننەن (ماتەماتيكا) 7 باللدان كەم ەمەس بالل جيناعان تۇلەكتەر قابىلدانادى. 32. جيىنتىق تەستىلەۋدىڭ ۇبت سەرتيفيكاتىنداعى باللداردىڭ كورسەتكىشى بىردەي بولعان جاعدايدا قابىل­داۋعا ارتىقشىلىققا يەلەنەدى: 1) «التىن بەلگى» بەلگىسىمەن ماراپاتتالعان ازاماتتار; 2) جالپى ءبىلىم بەرەتىن پاندەر بويىنشا حالىق­ارا­لىق وليمپيادا جانە عىلىمي جارىستاردىڭ جەڭىم­پاز­دارى ء(بىرىنشى, ەكىنشى جانە ءۇشىنشى دارەجەلى ديپلومدارمەن ماراپاتتالعان), قازاقستان رەسپۋبليكاسى ءبىلىم جانە عىلىم مينيسترلىگىمەن ءتىزىمى انىقتالاتىن, سوڭعى ءۇش جىلداعى رەسپۋبليكالىق جانە حالىقارالىق كونكۋرس­تاردىڭ ورىنداۋشىلارى جانە سپورتتىق جارىستاردىڭ قاتىسۋشىلارى, سونىمەن قاتار وزدەرىنىڭ تاڭداپ العان ماماندىق پاندەرى بويىنشا اعىمداعى جىلدا رەسپۋب­ليكالىق وليمپيادا جانە عىلىمي جارىستاردىڭ جەڭىس­كەرلەرى ء(بىرىنشى, ەكىنشى جانە ءۇشىنشى دارەجەلى ديپلومدارمەن ماراپاتتالعان) ; 3) جەتىم بالالار جانە اتا-اناسىنىڭ قامقورىنسىز قالعان بالالار, سوعىسقا قاتىسۋشى جەڭىلدىگى مەن كەپىلدىگى بويىنشا تەڭەستىرىلگەن تۇلعالار, ۇزدىك ءبىلىم تۋرالى قۇجاتى (اتتەستاتتار, كۋالار, ديپلومدار) بار تۇلعالار, قىزمەتتىك مىندەتىن ورىنداۋدا مۇگەدەكتىك العان جانە قايتىس بولعان مينيسترلىك بولىمشەلەرى قىزمەتكەر­لەرىنىڭ بالالارى; 4) اتتەستات نەمەسە ديپلومدارىنداعى ورتاشا جوعا­رى بالل جيناعان ۇمىتكەرلەر, پروفيلدىك ءپان (ماتەماتيكا) بويىنشا جوعارى بالل جيناعان ۇمىتكەرلەر, دەنە تاربيەسى دايىندىعى بويىنشا سىناق تاپسىرۋ كەزىندە جوعارى بالل جيناعان ۇمىتكەرلەر. 33. جيىنتىق تەستىلەۋ كەزىندە وسى ەرەجەنىڭ 32 پۋنكتىمەن بەلگىلەنگەن شەكتەۋلى باللدان تومەن سوما جيناعان ۇمىتكەرلەر كۋرسانتتار جانە تىڭداۋشىلار ساناتىنا جىبەرىلمەيدى. 34. جوعارى كاسىپتىك (جوعارى) ءبىلىمى جانە ورتا كاسىپتىك (پروفيلدىك) ءبىلىمى بار ۇمىتكەرلەر ينستيتۋتتىڭ ماندات­تىق كوميسسياسىمەن اڭگىمەلەسۋ ناتيجەسى بويىنشا قىسقارتىلعان مەرزىمدە قابىلدانادى. 35. ينستيتۋتقا قابىلداۋ تۋرالى مانداتتىق كوميسسيا شەشىمى ينستيتۋت باستىعى بۇيرىعىمەن راسىمدەلەدى. 36. ازامات مەملەكەتتىك قابىلداۋ جانە مانداتتىق كوميسسياسى شەشىمىنىڭ ناتيجەسىمەن كەلىسپەگەن جاعدايدا مينيسترلىكتىڭ اپەللياتسيالىق كوميسسياسىنا اپەللياتسياعا ءوتىنىش بەرۋىنە بولادى. 4. قورىتىندى ەرەجە. 37. ازاماتتاردى وقۋعا قابىلداۋ ماسەلەلەرى بويىن­شا وسى ەرەجەدە جانە باسقا دا نورماتيۆتىك قۇقىقتىق اكتىلەرىمەن بەلگىلەنبەگەن جاعدايدا, مينيسترلىكتىڭ قابىل­داۋ, مانداتتىق, جانە اپەللياتسيالىق كوميسسياسىمەن ولار­دىڭ قۇزىرەتتەرىنە سايكەس وزىنشە شەشىلەدى. 38. ينستيتۋتقا ازاماتتاردى وقۋعا قابىلداعاننان كەيىن ون كۇن مەرزىمىندە مينيسترلىك پەن قازاقستان رەس­پۋبليكاسى ءبىلىم جانە عىلىم مينيسترلىگىنە قابىلداۋدى ۇيىمداستىرۋ جانە جۇرگىزۋ بويىنشا ماتىندىك قورى­تىن­دى ەسەپ, سونىمەن قاتار كۋرسانتتار مەن تىڭداۋشىلاردى قابىلداۋ تۋرالى بۇيرىق كوشىرمەلەرى ۇسىنىلادى. ________________________ بۇيرىق قازاقستان رەسپۋبليكاسىنىڭ ادىلەت مينيسترلىگىندە 2010 جىلعى 18 ماۋسىمدا نورماتيۆتىك قۇقىقتىق كەسىمدەردى مەملەكەتتىك تىركەۋدىڭ تىزىلىمىنە № 6297 بولىپ ەنگىزىلدى.