جامبىل وبلىسىنداعى ماكارون تسەحىندا تاۋلىگىنە 15 توننا ءونىم وندىرىلەدى

تاراز. 29 اقپان. جامبىل وبلىسىنداعى ماكارون تسەحىندا تاۋلىگىنە 15 توننا ءونىم شىعارىلادى. ساپالى تاۋار الماتى, استانا قالالارىنا تاسىمالدانۋدا. بۇل تۋرالى egemen.kz ءتىلشىسى حابارلادى. بايزاق اۋدانى قىزىل جۇلدىز اۋىلىنداعى Rola-7 جاۋاپكەرشىلىگى شەكتەۋلى سەرىكتەستىگىنىڭ قۇرىلعانىنا 8 جىلعا جۋىق ۋاقىت بولدى. العاشىندا بۇل ماڭايدا ءبىر عانا «چابرەتس» جايما تسەحى جۇمىس ىستەگەن. ارادا ەكى جىل وتكەندە ەكىنشى جايما تسەحى اشىلدى. 2011 جىلى قۇرعاق كەسپە جاسايتىن ءۇشىنشى تسەح ءوز جۇمىسىن باستادى. بۇل كەزدە مۇندا جۇمىسشىلار سانى دا ارتا ءتۇستى. 2012 جىلى كاسىپورىنعا ونىمدەرى حالىقارالىق «حالال» ستاندارت تالابىنا ساي ەكەندىگىن ايعاقتايتىن ارنايى كۋالىك بەرىلدى. جۇمىس دۇرىس جولعا قويىلدى. كاسىپورىننىڭ ساپالى ونىمدەرىنە سۇرانىس ۇلعايدى. مۇندا بۇگىندە جوعارى, ءبىرىنشى جانە ەكىنشى سۇرىپتى ۇن شىعارىلادى. جوعارى جانە ءبىرىنشى سۇرىپتار ماكارون مەن كەسپە ازىرلەۋگە جۇمسالادى. ال ەكىنشى سۇرىپتى ۇن تاجىكستانعا ەكسپورتتالادى. قازىر ءۇش اۋىسىمدا 155 ادام جۇمىس ىستەپ, تاۋلىگىنە 15 توننا ماكارون جانە كەسپە شىعارادى. بۇگىندە Rola-7 ونىمدەرى استانا, الماتى قالالارىنا جانە بىرنەشە وبلىستارعا جونەلتىلەدى. مۇندا ماكارون ءونىمىنىڭ 20 ءتۇرى شىعارىلادى. كاسىپورىندا 18 اۆتوكولىك تۇراقتى جۇمىس ىستەپ تۇر. جۇمىسشىلار مەن كاسىپورىن باسشىلىعى اراسىندا جاسالعان كەلىسىمشارت بار. كەيىنگى جىلدارى جۇمىسشىلار سانى ءۇش ەسەگە ۇلعايعان. بىلتىر جايمانىڭ جىلدام دايىندالاتىن ءتۇرى بويىنشا تاعى ءبىر تسەح اشىلدى. الداعى ۋاقىتتا ونىمدەردى سىرت ەلدەرگە دە شىعارۋى مۇمكىن. مۇندا جۇمىسشىلارىمىزعا قاجەتتى جاعدايدىڭ بارلىعى جاسالعان. ءتارتىپتى قاداعالاۋ, جۇمىس بەلسەندىلىگىن نازاردا ۇستاۋ ماقساتىمەن بەينەباقىلاۋ قويىلعان. سەرىكتەستىك «بيزنەستىڭ جول كارتاسى – 2020» باعدارلاماسى بويىنشا «حالىق بانكى» اكتسيونەرلىك قوعامىنان 14 پايىزبەن جالپى سوماسى 165,5 ملن. تەڭگە كولەمىندە نەسيە الۋعا قول جەتكىزدى. ونىڭ 35 ملن. تەڭگەسى جاڭا تسەح قۇرىلىسىنا, 38,5 ملن. تەڭگەسى اينالمالى قوردى تولتىرۋعا جانە 92 ملن. تەڭگەسى قاجەتتى قۇرال-جابدىقتار ساتىپ الۋعا جۇمسالادى. الىنعان نەسيەنىڭ 50 پايىزى اتالعان باعدارلاما اياسىندا سۋبسيديالاندىرىلدى. ورالحان ءداۋىت. دەرەك, سۋرەت: egemen.kz.