اقتوبەدە تاتۋلاستىرۋ راسىمدەرىنە ارنالعان دوڭگەلەك ۇستەل وتكىزىلدى

اقتوبە. 29 اقپان. اقتوبە وبلىستىق سوتىنىڭ عيماراتىندا «قازاقستان رەسپۋبليكاسىنىڭ جاڭا ازاماتتىق پروتسەستىك كودەكسى بويىنشا تاتۋلاستىرۋ راسىمدەرى» تاقىرىبىندا دوڭگەلەك ۇستەل وتكىزىلدى. بۇل تۋرالى egemen.kz ءتىلشىسى حابارلادى. جيىندى وبلىستىق سوتتىڭ ازاماتتىق ىستەر بويىنشا سوت القاسىنىڭ توراعاسى نۇرساپا پريماشەۆ قىسقاشا ءسوز سويلەپ اشتى. دوڭگەلەك ۇستەل اياسىندا وبلىس بويىنشا «مەدياتسيانى دامىتۋ ورتالىعى» رەسپۋبليكالىق قوعامدىق بىرلەستىك وكىلدىگىنىڭ مەدياتورى ساۋلە سيداحمەتوۆا, اقتوبە قالالىق سوتىنىڭ سۋدياسى مارينا زاينۋللينا, وبلىستىڭ مامانداندىرىلعان اۋدانارالىق ەكونوميكالىق سوتىنىڭ سۋدياسى ماريا شاريپوۆا, وبلىستىق سوت سۋدياسى باقىتجامال الماتوۆانىڭ  باياندامالارى تىڭدالدى. كۇن تارتىبىندە جىلجىمايتىن م ۇلىكپەن مامىلەلەر جانە مەدياتيۆتىك كەلىسىم, جاڭا كودەكستەگى تاتۋلاستىرۋ راسىمدەرى بويىنشا جاڭاشىلدىقتار, بىتىمگەرشىلىك كەلىسىمى, داۋدى بەيبىت جولمەن رەتتەۋ – ازاماتتىق سوت ءوندىرىسىنىڭ جاڭا تالابى سىندى وزەكتى ماسەلەلەر تالقىلاندى. شارا بارىسىندا دوڭگەلەك ۇستەلگە قاتىسۋشىلار ءوزارا پىكىر الماسىپ, سۋديالار مەدياتورلار مەن قورعاۋشىلاردىڭ سۇراقتارىنا جاۋاپ بەردى. ساتىبالدى ءساۋىرباي. دەرەك, سۋرەت: egemen.kz.