«استانا» باسكەتبول كومانداسى قاتارىنان بەسىنشى رەت جەڭىلدى

استانا. 29 اقپان. باسكەتبولدان ۆتب بىرىڭعاي ليگاسىنىڭ كەزەكتى تۋرىندا «استانا» لاتۆيانىڭ ۆەف كومانداسىن قابىلداپ, 71:89 ەسەبىمەن ەسە جىبەردى. بۇل تۋرالى egemen.kz ءتىلشىسى حابارلادى. استانا قالاسىنداعى «سارىارقا» ۆەلوترەگىندە وتكەن كەزدەسۋدى ءبىزدىڭ جىگىتتەر وتە جاقسى باستاعان ەدى. ءتىپتى العاشقى ەكى كەزەڭ قورىتىندىسى بويىنشا ەلوردالىقتار ەسەپتە الدا تۇردى. الايدا, ءۇشىنشى جانە ءتورتىنشى بولىكتە بوساڭدىق تانىتىپ العان «استانا» باسىمدىقتى قارسىلاسىنا بەرىپ قويدى. ناتيجەسىندە ۆەف جەڭىسكە جەتىپ, سىرت الاڭدا ۇپاي ەنشىلەپ كەتتى. ويىن بارىسىندا «استانا» ساپىنان 17 ۇپاي جيعان الەكسەي جۋكانەنكو ەڭ ناتيجەلى ويىنشى اتانسا, لاتۆيالىقتار قاتارىنان دجوشۋا بوستيچ ۇزدىك شىقتى. ول 40 مينۋتتا ەنشىسىنە 26 ۇپاي جازىپ ۇلگەرگەن بولاتىن. ايتا كەتەيىك, «استانا» ليگا شەڭبەرىندە وسىمەن قاتارىنان بەسىنشى رەت جەڭىلىپ وتىر. بۇگىندە تۋرنير كەستەسىندە 14-ورىندا كەلە جاتقان كوماندامىز كەلەسى كەزدەسۋىن 5 ناۋرىزدا مينسكىدە جەرگىلىكتى «تسموكي-مينسكپەن» وتكىزەدى. ەلامان قوڭىر. دەرەك: egemen.kz. سۋرەت: bcastana.kz.