پاۆلودار. 29 اقپان. وبلىستاعى ەنەرگەتيكتەر مەن مەتاللۋرگتەر قالاسى اقسۋدا جانە اۋىلدارىندا بولىپ, ودان وبلىس ورتالىعى پاۆلوداردان شىققان پويىزدى ءوندىرستى قالانىڭ تەمىرجول ستانساسىندا قالا اكىمىنىڭ ورىنباسارى ماريام انداسباەۆبا باستاعان ەكىباستۇزدىقتار ەل تاۋەلسىزدىگىنىڭ 25 جىلدىعىنا ارنالعان مەرەيتويلىق شارالار اۋقىمىندا باستالعان «ماڭگىلىك ەل» پويىزىن قوناقجايلىقپەن قارسى الدى. بۇل تۋرالى egemen.kz ءتىلشىسى حابارلادى.
«ماڭگىلىك ەل» پويىزىنىڭ جەتەكشىسى ءامىرجان الپەيىسوۆتىڭ ايتۋىنشا, پويىز قاتىسۋشىلارى ءۇشىن ءماشھۇر ءجۇسىپتىڭ, قانىشتىڭ, سۇلتانماحمۇتتىڭ دۇنيەگە كەلگەن جەرگە اياق باسۋى ۇلكەن قۋانىش. ەكىباستۇزدىقتار دا ەرتەڭگى كۇنگە سەنىمدەرىن, ەلدىڭ گۇلدەنە ءتۇسۋى ءۇشىن جۇمىس ىستەۋگە قۇلشىنىس بارىن جەتكىزۋدە. پويىز قۇرامىندا اسسامبلەياسىنىڭ مۇشەلەرى, عالىمدار, ساراپشىلار, دارىگەرلەر بار, ولاردىڭ ارقايسىسىنىڭ حالىققا الەۋمەتتىك كومەك كورسەتۋ, بەس ينستيتۋتسيونالدىق رەفورمانى ءتۇسىندىرۋ, كونسۋلتاتيۆتىك كومەك بەرۋ جونىندە ءوز جۇمىستارى بار. «ماڭگىلىك ەل» رەسپۋبليكالىق ەكيپاجى قاتىسۋشىلارى دوڭگەلەك ۇستەل جانىندا جاستار قوعامدىق بىرلەستىكتەرىنىڭ كوشباسشىلارىمەن كەزدەستى, جاستاردىڭ الەۋمەتتىك مەملەكەتتىك تاپسىرىس جوبالارىن جۇزەگە اسىرۋىمەن تانىستى, قالاداعى «قاينار» ورتالىعىندا قالا تۇرعىندارىن قابىلدادى. قحا مۇشەلەرى ۇلىسارالىق كەلىسىم جونىندە كونسۋلتاتسيالار وتكىزسە, قالاداعى №2 ەمحانادا دەنساۋلىق ساقتاۋ وكىلدەرىنەن قۇرالعان تاعى ءبىر توپ كونسۋلتاتسيالىق قابىلداۋ وتكىزدى. ادىلەت, ءبىلىم, قاراجى, اۋىل شارۋاشىلىعى, «اتاماكەن» كاسىپكەرلىك پالاتاسىنىڭ وكىلدەرى جۇرتشىلىق سۇراقتارىنا جاۋاپ بەردى. كاسىپكەرلىك پالاتاسىنىڭ وكىلى تالعات دوسكەنوۆتىڭ ايتۋىنشا, «اتاماكەن» وتكىزگەن كەزدەسۋگە بيزنەسكە جاڭا بەت بۇرعان جاستار جاعى كوپ قاتىسىپتى. پويىز قوناقاتارى وزدەرىنىڭ جۇمىس كەستەلەرىن بىتىرگەن سوڭ-ەكىباستۇزدى ارالاپ, مۋزەيگە باردى, «دوستىق» ءۇيىنىڭ جاڭا عيماراتىندا سەمينارعا قاتىستى. ودان كەيىن الەمگە ايىگىلى «بوگاتىر» كەنىشىنىڭ كورۋگە كەنىشتەگى الاڭعا باردى.
فاريدا بىقاي.
دەرەك: egemen.kz.
سۋرەت: مۇرات ايتباەۆ.
