قازاقستان رەسپۋبليكاسى مادەنيەت جانە سپورت مينيسترلىگىنىڭ بۇيرىعى  №124 

2015 جىلعى 1 ءساۋىر, استانا قالاسى «دەنە شىنىقتىرۋ جانە سپورت ۇيىمدارىنىڭ باسشىلارى, ماماندارى لاۋازىمدارىنىڭ ۇلگىلىك بىلىكتىلىك سيپاتتامالارىن بەكىتۋ تۋرالى» قازاقستان رەسپۋبليكاسى سپورت جانە دەنە شىنىقتىرۋ ىستەرى اگەنتتىگى توراعاسىنىڭ 2013 جىلعى 26 قاراشاداعى № 434 بۇيرىعىنا وزگەرىس ەنگىزۋ تۋرالى قازاقستان رەسپۋبليكاسىنىڭ ەڭبەك كودەكسىنىڭ 125-بابىنىڭ 3-تارماعىنا سايكەس بۇيىرامىن: 1. «دەنە شىنىقتىرۋ جانە سپورت ۇيىمدارىنىڭ باسشىلارى, ماماندارى لاۋازىمدارىنىڭ ۇلگىلىك بىلىكتىلىك سيپاتتامالارىن بەكىتۋ تۋرالى» 2013 جىلعى 26 قاراشاداعى № 434 قازاقستان رەسپۋبليكاسى سپورت جانە دەنە شىنىقتىرۋ ىستەرى اگەنتتىگى توراعاسىنىڭ بۇيرىعىنا (نورماتيۆتىك قۇقىقتىق اكتىلەرى مەملەكەتتىك تىركەۋ تىزىمىندە № 9015 تىركەلگەن, 2013 جىلعى 31 جەلتوقساندا «ادىلەت» اقپاراتتىق-قۇقىقتىق جۇيەسىندە جانە 2014 جىلعى 8 اقپانداعى № 27 (28251) «ەگەمەن قازاقستان» گازەتىندە جاريالانعان) كەلەسى وزگەرىس ەنگىزىلسىن: وسى بۇيرىقپەن بەكىتىلگەن دەنە شىنىقتىرۋ جانە سپورت ۇيىمدارىنىڭ باسشىلارى, ماماندارى لاۋازىمدارىنىڭ ۇلگىلىك بىلىكتىلىك سيپاتتامالارىندا: 15-تارماق مىناداي رەداكتسيادا جازىلسىن: «15. بىلىكتىلىككە قويىلاتىن تالاپتار. جوعارى (جانە/نەمەسە جوعارى وقۋ ورنىنان كەيىنگى), پەداگوگيكالىق (دەنە شىنىقتىرۋ جانە سپورت), زاڭ, ەكونوميكا ماماندىقتارى بويىنشا, باسشىلىق لاۋازىمداعى جۇمىس ءوتىلى كەمىندە 5 جىل نەمەسە سپورت جانە دەنە شىنىقتىرۋ سالاسىندا كەمىندە 5 جىل جۇمىس تاجىريبەسىنىڭ بولۋى.». 2. قازاقستان رەسپۋبليكاسى مادەنيەت جانە سپورت مينيسترلىگى سپورت جانە دەنە شىنىقتىرۋ ىستەرى كوميتەتى (ە.ب.قاناعاتوۆ) زاڭنامادا بەلگىلەنگەن تارتىپپەن: 1) وسى بۇيرىقتىڭ قازاقستان رەسپۋبليكاسى ادىلەت مينيسترلىگىندە مەملەكەتتىك تىركەلۋىن; 2) وسى بۇيرىق مەملەكەتتىك تىركەۋدەن وتكەننەن كەيىن كۇنتىزبەلىك ون كۇن ىشىندە مەرزىمدى باسپا باسىلىمدارىندا جانە «ادىلەت» اقپاراتتىق-قۇقىقتىق جۇيەسىندە رەسمي جاريالانۋىن; 3) وسى بۇيرىق رەسمي جاريالانعاننان كەيىن قازاقستان رەسپۋبليكاسى مادەنيەت جانە سپورت مينيسترلىگىنىڭ ينتەرنەت-رەسۋرسىنا ورنالاستىرۋدى; 4) وسى تارماقپەن كوزدەلگەن ءىس-شارالاردىڭ ورىندالۋى تۋرالى مالىمەتتەردى ءىس-شارالاردى ورىنداعاننان كەيىن ون جۇمىس كۇنى ىشىندە قازاقستان رەسپۋبليكاسى مادەنيەت جانە سپورت مينيسترلىگىنىڭ زاڭ قىزمەتى دەپارتامەنتىنە ۇسىنۋدى قامتاماسىز ەتسىن. 3. وسى بۇيرىقتىڭ ورىندالۋىن باقىلاۋ قازاقستان رەسپۋبليكاسى مادەنيەت جانە سپورت ۆيتسە-ءمينيسترى س.ج.مۇسايبەكوۆكە جۇكتەلسىن. 4. وسى بۇيرىق العاش رەسمي جاريالانعان كۇنىنەن كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى. قازاقستان رەسپۋبليكاسىنىڭ مادەنيەت جانە سپورت ءمينيسترى ا.مۇحامەدي ۇلى. «كەلىسىلگەن» قازاقستان رەسپۋبليكاسىنىڭ دەنساۋلىق ساقتاۋ جانە الەۋمەتتىك دامۋ ءمينيسترى ____________ ت. دۇيسەنوۆا 2015 جىلعى 3 ءساۋىر بۇيرىق قازاقستان رەسپۋبليكاسىنىڭ ادىلەت مينيسترلىگىندە 2015 جىلعى 6 مامىردا نورماتيۆتىك قۇقىقتىق كەسىمدەردى مەملەكەتتىك تىركەۋدىڭ تىزىلىمىنە №10969 بولىپ ەنگىزىلدى.