قازاقستان رەسپۋبليكاسى ىشكى ىستەر مينيسترلىگىنىڭ بۇيرىعى  №142

2015 جىلعى 23 اقپان استانا قالاسى جەكە كۇزەت ۇيىمدارىنىڭ كۇزەتشى لاۋازىمىنداعى قىزمەتكەرلەرىنىڭ ارنايى كيىم ۇلگىلەرىن جانە ونى كيىپ ءجۇرۋ قاعيدالارىن بەكىتۋ تۋرالى   «كۇزەت قىزمەتى تۋرالى» قازاقستان رەسپۋبليكاسىنىڭ 2000 جىلعى 19 قازانداعى زاڭىنىڭ 15-بابىنىڭ 4-تارماعىنا سايكەس بۇيىرامىن: 1. قوسا بەرىلىپ وتىرعان: 1) جەكە كۇزەت ۇيىمدارىنىڭ كۇزەتشى لاۋازىمىنداعى قىزمەتكەرلەرىنىڭ ارنايى كيىم ۇلگىلەرى وسى بۇيرىققا 1-قوسىمشاعا سايكەس; 2) جەكە كۇزەت ۇيىمدارىنىڭ كۇزەتشى لاۋازىمىنداعى قىزمەتكەرلەرىنىڭ ارنايى كيىمدى كيىپ ءجۇرۋ قاعيدالارى وسى بۇيرىققا 2-قوسىمشاعا سايكەس بەكىتىلسىن. 2. قازاقستان رەسپۋبليكاسى ىشكى ىستەر مينيسترلىگىنىڭ اكىمشىلىك پوليتسيا كوميتەتى (ي.ۆ. لەپەحا): 1) وسى بۇيرىقتى قازاقستان رەسپۋبليكاسىنىڭ ادىلەت مينيسترلىگىندە مەملەكەتتىك تىركەۋدى; 2) وسى بۇيرىقتى مەملەكەتتىك تىركەگەننەن كەيىن كۇنتىزبەلىك ون كۇن ىشىندە ونى مەرزىمدى باسپا باسىلىمدارىندا جانە «ادىلەت» اقپاراتتىق-قۇقىقتىق جۇيەسىندە رەسمي جاريالاۋعا جولداۋدى قامتاماسىز ەتسىن. 3. وبلىستاردىڭ, استانا جانە الماتى قالالارى ىشكى ىستەر دەپارتامەنتتەرىنىڭ باستىقتارى وسى بۇيرىقتى تي­ىستى قىزمەتتەر قىزمەتكەرلەرىنىڭ زەردەلەۋىن ۇيىمداستىرسىن جانە ونى مۇلتىكسىز ورىنداۋدى قامتاماسىز ەتسىن. 4. وسى بۇيرىقتىڭ ورىندالۋىن باقىلاۋ قازاقستان رەسپۋبليكاسى ىشكى ىستەر ءمينيسترىنىڭ ورىنباسارى پوليتسيا گەنەرال-مايورى ە.ز.تۋرگۋمباەۆقا جۇكتەلسىن. 5. وسى بۇيرىق العاشقى رەسمي جاريالانعان كۇنىنەن كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى. مينيستر پوليتسيا گەنەرال-لەيتەنانتى ق.قاسىموۆ. قازاقستان رەسپۋبليكاسى ىشكى ىستەر ءمينيسترىنىڭ 2015 جىلعى 23 اقپانداعى № 142 بۇيرىعىنا 1-قوسىمشا جەكە كۇزەت ۇيىمدارىنىڭ كۇزەتشى لاۋازىمىنداعى قىزمەتكەرلەرىنىڭ ارنايى كيىم ۇلگىلەرى 1-سۋرەت قىسقا جەڭدى جەيدە 2-سۋرەت ۇزىن جەڭدى جەيدە 3-سۋرەت جازعى ارنايى كيىم 4-سۋرەت قىسقارتىلعان كۇرتەسى بار جازعى ارنايى كيىم 5-سۋرەت قىسقى ارنايى كيىم 6-سۋرەت قىسقارتىلعان كۇرتەسى بار قىسقى ارنايى كيىم 7-سۋرەت جازعى باس كيىمدەر 8-سۋرەت قىسقى باس كيىمدەر 9-سۋرەت گالستۋك 10-سۋرەت قىسقا جەڭدى جەيدە 11-سۋرەت ۇزىن جەڭدى جەيدە 12-سۋرەت ءبىر ىلمە ءوڭىرلى كۇرتە 13-سۋرەت شالبار 1. ارنايى كيىم 1. جازعى ارنايى كيىم (1, 2, 3, 4, 7, 9-سۋرەتتەر): بەيسبولكا نەمەسە سۇر ءتۇستى كەپي; سۇر ءتۇستى كۇرتە; سۇر ءتۇستى قىسقارتىلعان كۇرتە; كوگىلدىر نەمەسە اق ءتۇستى جەيدە; كوگىلدىر نەمەسە اق ءتۇستى تريكوتاج فۋتبولكا; سۇر ءتۇستى گالستۋك; سۇر ءتۇستى, ءبىتىمىنىڭ تومەنگى جاعى تارىلعان شالبار; كلاسسيكالىق مودەلدەگى نەمەسە قارا ءتۇستى ارنايى اياق كيىم. 2. قىسقى ارنايى كيىم (2, 5, 6, 8, 9-سۋرەتتەر): توقىلعان, سۇر نەمەسە قارا (جىلى كۇرتەنىڭ جاعاسىمەن تۇستەس) ءتۇستى بورىك; تابيعي جاقسارتىلعان قوي تەرىسىنەن نەمەسە سۇر نەمەسە قارا (جىلى كۇرتەنىڭ جاعاسىمەن تۇستەس) ءتۇستى جاساندى تەرىدەن جاسالعان قۇلاقشىن; سۇر ءتۇستى, تابيعي جاقسارتىلعان قوي تەرىسىنەن نەمەسە سۇر نەمەسە قارا ءتۇستى جاساندى تەرىدەن جاسالعان الىناتىن تەرى جاعاسى بار جىلى كۇرتە سۇر ءتۇستى, جىلى شالبارىمەن; جىلى, سۇر ءتۇستى, قىسقارتىلعان, تابيعي جاقسارتىلعان قوي تەرىسىنەن نەمەسە سۇر نەمەسە قارا ءتۇستى جاساندى تەرىدەن جاسالعان الىناتىن تەرى جاعاسى بار كۇرتە سۇر ءتۇستى, جىلى جارتىلاي كومبينەزونىمەن; كوگىلدىر نەمەسە اق ءتۇستى جەيدە; كوگىلدىر نەمەسە اق ءتۇستى تريكوتاج فۋتبولكا; سۇر ءتۇستى گالستۋك; كلاسسيكالىق مودەلدەگى نەمەسە ارنايى قارا ءتۇستى, جىلى اياق كيىم. 3. كەڭسە ءۇي-جايلارىنا ارنالعان ارنايى كيىم (10, 11, 12, 13-سۋرەتتەر): ەرلەرگە ارنالعان كۇڭگىرت ءتۇستى ءبىر ىلمە ءوڭىرلى كۇرتە; تومەنگى جاعى تارىلتىلعان كۇڭگىرت ءتۇستى شالبار; كوگىلدىر نەمەسە اق ءتۇستى جەيدە; كۇڭگىرت ءتۇستى گالستۋك; كلاسسيكالىق مودەلدەگى قارا ءتۇستى اياق كيىم. 2. ايىرىم بەلگىلەرى جانە فۋرنيتۋرا 1. ومىراۋ بەلگىسى: بەلگىنىڭ ءپىشىنى تىكبۇرىشتى, پەريمەترى بويىنشا سارى ءتۇستى جيەگى جانە «كۇزەت» دەگەن سارى ءتۇستى جازۋى بار; بەلگى نەگىزىنىڭ ءتۇسى – سۇر نەمەسە كوگىلدىر; بەلگىنىڭ كولەمى – 120ح30 مم; بەلگى جەيدەلەردىڭ, جازعى جانە قىسقى كۇرتەلەردىڭ سول جاق ومىراۋ قالتاسىنىڭ جوعارى جاعىنا تاعىلادى; بەلگى توقىماشىلىق, كەستەلەۋ, جىبەكپەن تىگۋ, تەرموترانسفەر جولىمەن ازىرلەنەدى جانە توزۋعا ءتوزىمدى بولۋى ءتيىس. 2. ارقاداعى بەلگى: بەلگىنىڭ ءپىشىنى تىكبۇرىشتى, پەريمەترى بويىنشا سارى ءتۇستى جيەگى جانە «كۇزەت» دەگەن سارى ءتۇستى جازۋى بار; بەلگى جيەگىنىڭ ءتۇسى – سۇر نەمەسە كوگىلدىر; بەلگىنىڭ كولەمى – 280ح80 مم; بەلگى جازعى جانە قىسقى كۇرتەلەردىڭ ارتقى جاعىنا جاپسىرىلادى, بەلگىنىڭ جوعارعى جاعى جاۋىرىن تىگىسى بويىنشا ورنالاسادى; بەلگى توقىماشىلىق, كەستەلەۋ, جىبەكپەن تىگۋ, تەرموترانسفەر جولىمەن ازىرلەنەدى جانە توزۋعا ءتوزىمدى بولۋى ءتيىس. 3. جەڭدەگى بەلگى: ءپىشىنىن, ءتۇس گامماسىن, ماتەريال جانە دايىنداۋ ءتاسىلىن جەكە كۇزەت ۇيىمى بەلگىلەيدى; بەلگىدە كورپوراتيۆتىك لوگوتيپ جانە جەكە كۇزەت ۇيىمىنىڭ اتاۋى بەينەلەنەدى; بەلگى جەيدەلەردىڭ, جازعى جانە قىسقى كۇرتەلەردىڭ سول جەڭىندە يىق تىگىسىنەن 120 مم تومەن جاپسىرىلادى; قازاقستان رەسپۋبليكاسىنىڭ كۇزەت ۇيىمدارى قاۋىمداستىعى مۇشەلەرىنىڭ قىزمەتكەرلەرى ءۇشىن كورپوراتيۆتىك بەلگىسىمەن بىردەي دايىندالعان قاۋىمداستىقتىڭ لوگوتيپى بار بەلگىنى تاعۋعا بولادى. بەلگى جەيدەنىڭ, جازعى جانە قىسقى كۇرتەلەردىڭ وڭ جەڭىنە, سول جەڭدەگى بەلگىمەن دەڭگەيلەس جاپسىرىلادى. 4. باس كيىمدەردەگى بەلگىلەر: توقىماشىلىق جولىمەن ازىرلەنگەن بەلگىلەردە نەمەسە تەز بالقىعىش مەتالدان جاسالعان كوكاردالاردا كۇزەت ۇيىمىنىڭ كورپوراتيۆتىك لوگوتيپى بولادى; سوپاقشا بەلگىنىڭ كولەمى – كولدەنەڭىنەن 70 مم, تىگىنەن 40 مم; دوڭگەلەك بەلگىنىڭ ديامەترى – 40 مم; كوكاردانىڭ كولەمى: بيىكتىگى – 60 مم, ەنى – 40 مم; بەلگىلەر باس كيىمنىڭ الدىڭعى بولىگىنىڭ ورتاسىنا جاپسىرىلادى. 5. كەڭسە ءۇي-جايلارىنا ارنالعان كيىمدەگى بەلگىلەر: كەڭسە ءۇي-جايلارىنا ارنالعان كيىمنىڭ جەڭىنە توقىماشىلىق, كەستەلەۋ, جىبەكپەن تىگۋ, تەرموترانسفەر جولىمەن بەلگى سالىنادى جانە ول توزۋعا ءتوزىمدى بولۋى ءتيىس; ءپىشىنىن, ءتۇس گامماسىن, ماتەريالىن جانە دايىنداۋ ءتاسىلىن جەكە كۇزەت ۇيىمى بەلگىلەيدى; بەلگىدە كورپوراتيۆتىك لوگوتيپ جانە جەكە كۇزەت ۇيىمىنىڭ اتاۋى بەينەلەنەدى; بەلگى جەيدەلەردىڭ جانە كۇرتەلەردىڭ سول جەڭىندە يىق تىگىسىنىڭ 120 مم تومەن جاپسىرىلادى. قازاقستان رەسپۋبليكاسى ىشكى ىستەر ءمينيسترىنىڭ 2015 جىلعى 23 اقپانداعى № 142 بۇيرىعىنا 2-قوسىمشا جەكە كۇزەت ۇيىمدارىنىڭ كۇزەتشى لاۋازىمىنداعى قىزمەتكەرلەرىنىڭ ارنايى كيىمدى كيىپ ءجۇرۋ قاعيدالارى 1. كۇزەتشىلەر, جۇرگىزۋشى-كۇزەتشىلەر ارنايى كيىمدى كۇزەتىلەتىن وبەكتىلەردە, جۇكتەردى الىپ ءجۇرۋ كەزىندە, جەدەل دەن قوياتىن ۇتقىر توپتار قۇرامىندا قىزمەت وتكەرۋ كەزىندە كيەدى. 2. ايەلدەردىڭ ارنايى كيىمى ءتيىستى كيىم ءپىشىمى ەرەكشەلىكتەرىن ەسكەرە وتىرىپ, جالپى ەسكيز بويىنشا تىگىلەدى. 3. جەكە تۇلعالاردىڭ ءومىرى مەن دەنساۋلىعىن قىلمىستىق جانە وزگە دە قۇقىققا قارسى قول سۇعۋشىلىقتاردان قورعاۋ بويىنشا قىزمەتتەر كورسەتۋ كۇزەت قىزمەتى سۋبەكتىسىنە تيەسىلىگىن ايقىندايتىن ارنايى كيىمسىز جۇزەگە اسىرىلۋى مۇمكىن. 4. تاراپتاردىڭ كەلىسۋى بويىنشا كۇزەت قىزمەتىن كورسەتۋ كەڭسە ءۇي-جايلارىنا ارنالعان ارنايى كيىممەن جۇزەگە اسىرىلادى. جازعى ۋاقىتتا كۇرتەسىز, جەڭى قىسقا كويلەكپەن قىزمەت اتقارۋعا جول بەرىلەدى. كۇرتەنىڭ (كويلەكتىڭ) سول جاق ءتوس قالتاسىندا كۇزەت ۇيىمىنىڭ اتاۋى جازىلعان جانە لوگوتيپى بار بەيدج بەكىتىلەدى. بەيدجدىڭ ورتاسىنا «كۇزەت» دەگەن جازۋ جازىلادى. كۇزەتشىنىڭ تەگىن جانە اتى-ءجونىن نەمەسە اتىن كورسەتۋگە بولادى. 5. كەڭسە ءۇي-جايلارىن كۇزەتۋ بويىنشا قىزمەت كورسەتۋ باس كيىمسىز جۇزەگە اسىرىلۋى مۇمكىن. 6. سىرتقى كۇزەت ورىندارىندا قىزمەت وتكەرەتىن كۇزەتشىلەر: قىس مەزگىلىندە اۋانىڭ تەمپەراتۋراسى تومەندەگەن كەزدە – توندار (ىشىكتەر) جانە اڭ تەرىسىنەن تىگىلگەن ۋنتىلار كيۋگە; ارنايى كيىمنىڭ (كۇرتەنىڭ) كەۋدەسىنە جانە ارقاسىنا جارىق شاعىلىستىراتىن جولاقتار تاعۋعا بولادى. 7. جازعى ۋاقىتتا كۇرتەسىز قىسقا جەڭ جەيدە جانە گالستۋك نەمەسە جەيدەنىڭ ورنىنا فۋتبولكا, شالبار جانە كۇرتە كيۋگە بولادى. بۇيرىق قازاقستان رەسپۋبليكاسىنىڭ ادىلەت مينيسترلىگىندە 2015 جىلعى 27 ناۋرىزداعى نورماتيۆتىك قۇقىقتىق كەسىمدەردى مەملەكەتتىك تىركەۋدىڭ تىزىلىمىنە №10566 بولىپ ەنگىزىلدى.