استانا. 26 اقپان. باس پروكۋرور اسحات داۋىلباەۆ گەرمانيانىڭ قازاقستانداعى توتەنشە جانە وكىلەتتى ەلشىسى گيدو حەرتسپەن كەزدەستى. بۇل تۋرالى باس پروكۋراتۋرانىڭ ءباسپاسوز قىزمەتىنە سىلتەمە جاساعان egemen.kz ءتىلشىسى حابارلادى.
تاراپتار ەكىجاقتى قۇقىقتىق ىنتىماقتاستىق ماسەلەلەرىنىڭ كەڭ اۋقىمدى قىرلارىن تالقىلادى. ونىڭ ىشىندە, ترانسۇلتتىق ۇيىمداسقان قىلمىسقا, ەكسترەميزم مەن تەرروريزمگە, كيبەرقىلمىستىلىققا, زاڭسىز جولمەن تابىلعان اقشانىڭ جىلىستاۋىنا قارسى ارەكەت جاساۋ اياسىنداعى ارەكەتتەستىك ماسەلەلەرىن, سونداي-اق, قازاقستاننىڭ قىلمىستىق ىستەر بويىنشا حالىقارالىق قۇقىقتىق ىنتىماقتاستىق ماسەلەلەرىندەگى ەۋروپا كەڭەسىنىڭ كونۆەنتسيالارىنا قوسىلۋ بارىسى تۋرالى تالقىلادى.
سۇحباتتاسۋ بارىسىندا اسحات داۋىلباەۆ قازاقستان پروكۋراتۋراسى قىزمەتىنىڭ نەگىزگى باعىتتارى, شارتتىق-قۇقىقتىق بازاسىن كەڭەيتۋ مەن كۇشەيتۋ بويىنشا اتقارىلىپ جاتقان جۇمىستار جونىندە ايتتى.
ەلشىنى باس پروكۋراتۋرا جانىنداعى قۇقىق قورعاۋ ورگاندارى اكادەمياسىنىڭ قىزمەتى تۋرالى اقپاراتتاندىرا وتىرىپ, گەرمانيانىڭ وزىق عىلىمي-ءبىلىم بەرۋ ورىندارىمەن ءوزارا ءتيىمدى بايلانىستار ورناتۋعا مۇددەلىلىگىن تانىتتى.
سۇحباتتاسۋشىلار ەكى ەلدىڭ تەرروريزمگە قارسى تۇرۋ, ۇلتتىق جانە حالىقارالىق قاۋىپسىزدىكتى قامتاماسىز ەتۋ, اقپاراتپەن جانە جۇمىس تاجىريبەسىمەن جەدەل الماسۋ شەڭبەرىندەگى قۇقىقتىق ىنتىماقتاستىقتىڭ ماڭىزدى الەۋەتىن اتاپ ءوتتى. سونداي-اق, قازىرگى الەمنىڭ قاۋىپ-قاتەرلەرىنە ءتيىمدى قارسى تۇرۋ, قىلمىستىلىقپەن كۇرەستەگى ايماقتىق ماسەلەلەردى شەشۋگە جالپىعا بىردەي ۇستانىمداردى جاساۋ ءۇشىن ءوزارا ءىس-قيمىلدى ودان ءارى تەرەڭدەتۋگە دايىندىقتارىن ءبىلدىردى.
ەلامان قوڭىر.
دەرەك, سۋرەت: باس پروكۋراتۋرانىڭ ءباسپاسوز قىزمەتى.
