ساعىزدىڭ قالدىعى

كوپتەن بەرگى كۇدىكتى سەيىلتتى قىتايدىڭ ۋحان قالاسىنىڭ تۇرعىنى ۇلىنىڭ وزىنەن تۋعا­نىنا كۇمان كەلتىرگەن ەر كىسى ونىڭ تەگىن ءدال انىقتاۋ ءۇشىن كادىمگى اۋىزعا سالىپ, شاينايتىن ساعىزدىڭ كومەگىنە جۇگىنىپتى. بۇل كارىپتى بۇعان ءماجبۇر ەتكەن ۇلى مەن ەكەۋىنىڭ دەنە بىتىمدەرى ەكى ءتۇرلى بولىپ شىققانى ەكەن. وسى كۇندەرى جاسى 18-گە تولىپ, سوقتالداي جىگىت بولىپ قال­عان بوزبالانىڭ بويى سىرىق­تاي سىزىلىپ ءوسىپ كەتىپتى. ونىڭ ءۇس­تىنە جاۋىرىنى دا قاقپاقتاي بولاتىن ءتۇرى بار. سىمداي تار­تىلعان جاس جىگىتتىڭ ءتۇرى دە كەلبەتتى بولسا كەرەك. ال الاڭ كوڭىل اكەسى بار بولعىر سو­نىڭ جار­تىسىنان ءسال اساتىنداي قورتىق بىرەۋ كورىنەدى. سودان كەيىن كۇدىك شاقىرماي كورە گور. «بالا – اكەگە كۇمان, شەشەگە – ايان» دەگەن ءسوز بار عوي. ەن­دى بالاسىنىڭ باعاناداي بولعان بويىنا قاراپ, جانى شىر­­قىراعان اكە ءبىر كۇنى ايەلى مەن بالاسىنىڭ پايدالانعان سا­عىزدارىنىڭ قالدىقتارىن جي­ناپ الىپ, قالاداعى دنك-نى تەكسەرەتىن زەرتحاناعا كەلىپتى. سول جەردە بارلىق قۇپيانى ساقتاي وتىرىپ, ۇلىنىڭ كىمنەن تۋعانىن انىقتاپ بەرۋدى وتىنەدى. ال لابوراتوريالىق زەرتتەۋلەر ارقىلى انىقتالعان ءتيىستى بەلگىلەر ءوتىنىش جاساۋشى كىسىنىڭ ايەلى كۇيەۋىنە بۇل جونىنەن ادال بولعانىن تولىق كورسەتىپ بەرگەن. زەرتحانا ۇلىنىڭ بويى ۇزىن, دەنەسى ۇلكەن بولۋىن ونىڭ جاقسى تاماقتاناتىنىمەن, سپورتپەن ۇدايى شۇعىلداناتىنىمەن, سالاماتتى ءومىر سالتىن ۇس­تانا­تىنىمەن جانە قازىرگى زامانعى اكسەلەراتسيا قارقى­نىمەن بايلانىستىرىپتى. مۇرات ايتقوجا.