ءوندىرىستى وڭىردەگى كەلەلى كەزدەسۋلەر

«نۇر وتان» پارتياسى توراعاسىنىڭ ءبىرىنشى ورىنباسارى اسقار مىرزاحمەتوۆ باستاعان رەسپۋبليكالىق سايلاۋالدى شتاب دەلەگاتسياسى كەشە پاۆلودار وبلىسىندا «نۇرلى جول» مەملەكەتتىك باعدارلاماسى بويىنشا سالىنىپ جاتقان قۇرىلىس نىساندارىنا رەيد جۇرگىزدى. سونداي-اق, وسىنداعى مەتاللۋرگيالىق زاۋىت پەن استىق وڭدەۋشى كاسىپورىنداردىڭ ۇجىمدارىمەن كەزدەسىپ, پارتيانى قولداۋشىلاردىڭ فورۋمىنا قاتىستى. رەسپۋبليكالىق سايلاۋالدى شتاب مۇشەلەرى الدىمەن «نۇرلى جول» مەم­لەكەتتىك باعدارلاماسى بويىنشا سا­لىنىپ جاتقان پاۆلودار مەن اقسۋ قا­لالارىن تىكەلەي بايلانىستىرا­تىن ەرتىس وزەنى ارقىلى وتەتىن جاڭا كوپىردىڭ جانە ەكى تۇرعىن ءۇيدىڭ قۇرىلىس الاڭىندا بولدى. ۇزىندىعى 12 شاقىرىمعا سوزىلعان اسپالى كوپىر ورتالىق ازياداعى ەڭ ۇزىن كوپىرلەر قاتارىندا. بۇل وتكەل استانا – پاۆلودار – وسكەمەن اۆتوبانىنىڭ ءبىر بولىگىنە اينالىپ, قازاقستاننىڭ ورتا­لىعىن رەسەيدىڭ كورشىلەس وڭىرلەرىمەن بايلانىستىرادى. «جالپى, باعدارلاما اياسىندا 5 مىڭ شاقىرىم اۆتوجول, 2,5 مىڭ شاقىرىم شويىن جول توسەلمەك. «نۇرلى جولعا» تەك قانا جول قۇرىلىسى ەمەس, جولمەن بىرگە, تۇرعىن ءۇي, يندۋستريالىق-ەنەر­گەتيكا جانە كوممۋنالدىق ينفرا­قۇ­رىلىمدار قۇرىلىسى دا جاتادى. ەلباسى تاپسىرماسىنا سايكەس بيىل قوسىمشا 1,5 ملن. شارشى مەتر تۇرعىن ءۇي پايدالانۋعا بەرى­لەدى», – دەدى ا.مىرزاحمەتوۆ. بۇل رەتتە, «نۇرلى جول» اياسىندا تۇرعى­زىل­­عان ۇيلەردە ءۇش ايدان كەيىن 270 وتبا­سى قونىس تويىن تويلايدى دەپ جوسپار­لانعانىن ايتا كەتۋ كەرەك. تاعى ءبىر كەزدەسۋ قازاقستان مەتال­لۋر­گياسىنىڭ كوشباسشىسى سانالاتىن «قا­زاقستان ەلەكتروليز زاۋىتىندا» ءوتىپ, وعان زاۋىت ەڭبەككەرلەرى جينالدى. كەزدەسۋ بارىسىندا مەملەكەت باسشىسى, پارتيا توراعاسى نۇرسۇلتان نازارباەۆ­تىڭ ءوز سوزىندە ەڭبەك ادامىنا ەرەك­شە توقتالىپ, ادال ەڭبەك ەتۋگە قابىلەت­تى ادام ارقاشان دا ومىردە ءوز ورنىن تا­باتىنى جايلى, قازاقستاننىڭ گۇلدە­نۋى ءاربىر ازاماتتىڭ قولىندا ەكەنىن ءار­قا­شان دا ايتىپ جۇرگەنىنە دەن قويىلدى. 2010 جىلدىڭ ماۋسىم ايىندا مەملەكەت باسشىسى نۇرسۇلتان نازارباەۆ زاۋىتتىڭ ەكىنشى كەزەگىن ىسكە قوستى, ناتيجەسىندە كاسىپورىن جىلىنا 250 مىڭ توننا اليۋ­ميني وندىرەتىن جاڭا جوبالىق قۋاتقا قول جەتكىزدى. زاۋىت جەتەكشىسى رومان رومانوۆ ءوز ونىمدەرىنىڭ وزگە ەلدەرگە: رەسەي, ۋكراينا, بەلارۋس جانە وزبەك­ستانعا ەكسپورتتالاتىنىمەن ءبولىستى. قازىرگى تاڭدا كاسىپورىندا 2,5 مىڭعا جۋىق ادام ەڭبەك ەتسە, سولاردىڭ 1,3 مىڭ­نان استامى «نۇر وتان» پارتياسىنىڭ مۇشەسى كورىنەدى. ولار سايلاۋالدى باع­دار­لاماداعى ەلىمىزدى يندۋستريالىق دا­مىتۋ جونىندەگى مىندەتتەر جۇزەگە اساتىندىعىنا ءبىراۋىزدان سەنىم ءبىلدىردى. اسقار تۇراپباي ۇلى, «ەگەمەن قازاقستان». پاۆلودار.