قوستانايدا قورىق قارجىسىن جىمقىرعان بۋحگالتەر تورعا ءتۇستى

قوستاناي. 23 اقپان. قوستاناي وبلىسىنداعى ناۋىرزىم قورىعىنىڭ قارجىسىن ۇرلاعان باس بۋحگالتەر 6 جىل باس بوستاندىعىنان ايىرىلدى. بۇل تۋرالى وبلىستىق سوتتىڭ ءباسپاسوز قىزمەتىنە سىلتەمە جاساعان egemen.kz ءتىلشىسى حابارلادى. وتكەن جىلدىڭ 1 قاڭتارى مەن 20 تامىزى ارالىعىندا ناۋىرزىم مەملەكەتتىك تابيعي قورىعىندا باس بۋحگالتەر بولىپ قىزمەت اتقارعان 36 جاستاعى جانار بورىباەۆا باستىعىنىڭ ەلەكتروندىق ساندىق قولتاڭباسىنا قول جەتكىزىپ, ءوز جالاقىسىنىڭ جانە باسقا دا تولەمدەرىنىڭ مولشەرىن ۇلعايتىپ كورسەتكەن. وسىلايشا, ارتىق العان بيۋدجەتتىك قاراجاتتى بورىباەۆا ءوزىنىڭ جەكە كارت-شوتى ەسەبىنە جانە دە ءوزىنىڭ زاڭسىز ارەكەتتەرىنەن حابارسىز بولعان كۇيەۋى د.بورىباەۆتىڭ كارت-شوتى ەسەبىنە زاڭسىز تۇردە اۋدارىپ وتىرعان. سوتتالۋشى مەملەكەتتىك مەكەمەدەن 712 228 تەڭگە قاراجاتتى قولدى ەتكەن. ناۋىرزىم اۋداندىق سوتى ۇكىمىمەن ج.بورىباەۆا قىلمىستىق كودەكستىڭ 190-بابىنىڭ 1-بولىگى, 189-بابىنىڭ 3-بولىگى, 2 تارماعى بويىنشا (الاياقتىق, سەنiپ تاپسىرىلعان بوتەن مۇلiكتi يەمدەنiپ الۋ نەمەسە تالان-تاراجعا سالۋ) ايىپتى دەپ تانىلدى. وعان قارجىلىق جانە بۋحگالتەرلىك ارەكەتتى باقىلاۋ جانە ورىنداۋعا قاتىستى قىزمەتپەن اينالىسۋ قۇقىعىنان ءومىر بويىنا ايىرۋ, مۇلكىن تاركىلەۋ جانە جالپى تارتىپتەگى تۇزەتۋ كولونياسىندا 6 جىلعا باس بوستاندىعىنان ايىرۋ جازاسى تاعايىندالدى. ءنازيرا جارىمبەتوۆا. دەرەك, سۋرەت: egemen.kz.