جىر الىبى تۋرالى جاڭا فيلم

اپتانىڭ سوڭى, اقپاننىڭ ايا­عى – جىر الىبى جامبىل جاباەۆتىڭ تۋعان كۇنى. وسىعان وراي, كەشە «قا­زاقستان» ۇلتتىق ارناسىنىڭ تاپسىرىسىمەن دايىندالىپ, اقىننىڭ 170 جىلدىعىنا ارنالعان «جامبىل» سەريالىنىڭ پرەمەراسى ءوتتى. – جامبىل – سارقىلمايتىن تا­قىرىپ. بۇل بابامىز تۋرالى قان­شاما عىلىمي, ادەبي, تاريحي ەڭبەكتەر جا­زىلسا دا كوپتىك ەتپەيدى. اقىن ءومىر­دەن وتكەننەن كەيىن ءبىز ونىڭ سارقىلماس مول مۇراسىنىڭ باعاسىنا جەتە الدىق پا؟ مىنە, وسى ماسەلەلەر بۇگىنگى ادەبيەت زەرت­تەۋشىلەرىن تول­عاندىرۋى كەرەك. جامبىلدان ۇيرەنۋ, جامبىلمەن ىشتەي سىرلاسۋ, ونىڭ رۋحىن سەزىنۋ – ءبىز ءۇشىن ماڭىزدى. ويتكەنى, ول – وي الىبى, ءسوز زەرگەرى.   كەزىندە جامبىل – الاتاۋ, جامبىل – گيمالاي دەگەن تەڭەۋلەر بولعان. بۇنىڭ بارلىعى جايدان-جاي ايتىلعان پىكىرلەر ەمەس. ولاردا ۇلكەن ءمان بار. سوندىقتان, ۇلى جىراۋ – سارقىلماس قازىنامىز. ول – رۋحاني بيىكتىك, رۋحاني تەرەڭدىك», – دەپ اعىنان جارىلدى مەملەكەت جانە قوعام قايراتكەرى قۋانىش سۇلتانوۆ. بۇل فيلمدە باستى رولدە تەاتر مەن كينو اكتەرى بايعالي ەسەنا­ليەۆ وينايدى. ال كۇيشى دينا نۇر­پە­يى­سو­­ۆانى ەلىمىزگە بەلگىلى ونەر شەبەرى اي­گۇل ۇلكەنباەۆا بەينەلەسە, اتاقتى ءانشى كۇلاش بايسەيىتوۆانى ايگەرىم ۋالجانوۆا سومداعان. تەلەسەريالدىڭ نەگىزگى كورىنىستەرى تابيعاتى اسەم الماتى وبلىسىنىڭ ۇشقوڭىر باۋرايىندا, جامبىل وبلىسىندا ءتۇسىرىلدى. فيلمدە تاريحي تۇلعانىڭ ءومىربايانى عانا ەمەس, حح عاسىردىڭ ءوزى ءومىر سۇرگەن تۇسىنداعى ەل جاعدايى دا سۋرەتتەلگەن. سونىمەن قوسا, بۇعان دەيىن كوپ ايتىلا قوي­ماعان, اقىن ومىرىنەن الىنعان قى­زىقتى دەرەكتەر دە كورسەتىلەدى. سو­نىڭ ءبىرى – جام­بىل مەن بۇرىمنىڭ ءبىر-بىرىنە دەگەن ماحابباتى. ءتۇسىرىلىم توبى دەكوراتسيالارعا, اكتەرلەردىڭ كوس­تيۋمى مەن وبرازدارىنا باسا نازار اۋدارعان. سول ارقىلى جامبىل ءومىر سۇرگەن ءداۋىردىڭ تولىقتاي شىندىعىن كورسەتۋگە تىرىسقان. استاناداعى «قازمەديا ورتا­لىعىندا» وتكەن فيلم پرەمەراسىندا بەلگىلى مەملەكەت جانە قوعام قايراتكەرى ومىربەك بايگەلدي, تانىمال كينورەجيسسەر سلامبەك تاۋەكەل ءسوز سويلەپ, جاڭا لەنتانىڭ جاقسى قا­سيەتتەرى جايىندا جىلى لەبىزدەرىن ءبىلدىردى. راۋان قايدار, «ەگەمەن قازاقستان».