كولىكتى ايفونعا ايىرباستاماق

وسكەمەندىك ەۆگەني كرۋ­شينسكي تاياۋدا تانىمال سايت­تاردىڭ بىرىنە اۆتوكولىگىن ساتاتىنى نەمەسە ايىرباستايتىنى تۋرالى حابارلامانى ورنالاستىردى. زاۋىتتان 1989 جىلى شىققان «زاپوروجەتس» كولىگىنىڭ يەسى م ۇلىك قۇنىن 160 مىڭ تەڭگەگە نەمەسە iPhone 5s ماركالى تەلەفونعا باعالاعانى جازىلعان بولاتىن. بۇگىندە سيرەك كەزدەسەتىن كو­لىكتى ەۆگەني ەكى جىل بۇرىن ريد­دەر قالاسىنان ساتىپ الىپتى. اي­تۋىنشا, اۆتوكولىكتىڭ ءتۇرى ادام كورگىسىز ايانىشتى حالدە بولعان. – مۇنداي كولىكتى بالا كۇنىم­نەن ارماندادىم. سون­دىق­تان, ريددەرلىك زەينەتكەردىڭ «زاپو­روجەتسىن» ساتاتىنىن ەس­تىگەندە, ويلانباستان باردىم. كولىكتى ءوزىم جوندەپ, تارتىپكە كەلتىردىم. قالا ىشىندە بىرنەشە مارتە ءجۇردىم. ادامداردىڭ نازارى بىردەن اۋادى. كوشەدە دابىلدارىن باسىپ, ك ۇلىپ, ءتىپتى, فوتوسۋرەتكە دە ءتۇسىپ جاتادى. «زاپوروجەتسىم» وسى ۋاقىتقا دەيىن بىرنەشە كاسى­بي فوتوسەسسيالارعا قاتىسىپ ۇلگەردى, – دەدى ول. ال كولىكتى ساتۋ تۋرالى شەشىمگە ايەلىنە سىيلىق جاساۋ ءۇشىن كەلگەنىن ايتادى. كەلىنشەگىنىڭ سوڭعى ۇلگىدەگى تەلەفون العىسى كەلەتىنىن جەتكىزگەن ول وعان اقشا شىعىنداماي-اق «زاپوروجەتسكە» ايىرباستاپ الۋدى ءجون كورگەن. جارناما ىلىنگەن سوڭ حابارلاسۋشىلار دا از بولماعان. جاستار مەن وقۋ­شىلار تومەن باعاعا قىزىقسا, كونە كولىك كوللەكتسيونەرلەرى ۋاقىت وتە قۇنى ارتا تۇسەتىنىن بىلگەندىكتەن قوڭىراۋ شالادى. الايدا, ورتالىق قالالارداعى كونە كولىك جيناۋشىلار ءۇشىن قازىر ءبىر قالادان ءبىر قالاعا كولىك تاسىمالدايتىن ماۋسىم ەمەس. جەنيا دا كولىكتى ساتۋعا اسىق­پايتىنىن ايتادى. دۋمان اناش, «ەگەمەن قازاقستان». وسكەمەن.