ەرەجەگە سايكەس, ءار اۆتوكولىكتە مىنا ءۇش نەگىزگى قۇرال بولۋى قاجەت:
- ءورت سوندىرگىش;
- العاشقى مەديتسينالىق كومەك قوبديشاسى;
- اپاتتىق توقتاۋ بەلگىسى.
بۇل زاتتاردىڭ جارامدى كۇيدە بولۋى دا ماڭىزدى. مەرزىمى وتكەن نەمەسە ىستەن شىققان قۇرالدار ەسەپتەلمەيدى جانە زاڭبۇزۋشىلىق رەتىندە قاراستىرىلادى.
اتالعان تالاپتاردى ورىنداماعان جۇرگىزۋشىلەرگە اقبتك-ءنىڭ 590-بابى بويىنشا جاۋاپكەرشىلىك قاراستىرىلعان. ايىپپۇل كولەمى – 5 اەك, ياعني 2026 جىلى شامامەن 21 625 تەڭگەنى قۇرايدى.
مەديتسينالىق قوبديشا ىشىندە جاراقات كەزىندە العاشقى كومەك كورسەتۋگە ارنالعان قاجەتتى قۇرالدار بولۋى ءتيىس. ولاردىڭ ىشىندە داكە, انتيسەپتيك, قان توقتاتقىش جگۋت, مەديتسينالىق پلاستىر جانە باسقا دا مەديتسينالىق زاتتار بار. قوبديشانىڭ ورتاشا جارامدىلىق مەرزىمى – 4-5 جىل. مەرزىمى وتكەن جاعدايدا ونى تولىق نەمەسە ءىشىنارا جاڭارتۋ قاجەت.
جەڭىل كولىكتەردە كەمىندە 2 ليترلىك ءورت سوندىرگىش بولۋى ءتيىس. ونىڭ جارامدىلىعى, قىسىمى مەن پلومباسى مىندەتتى تۇردە تەكسەرىلەدى. ورتاشا ەسەپپەن تەحنيكالىق تەكسەرىس 1-2 جىل سايىن جۇرگىزىلەدى.
ءورت سوندىرگىشتىڭ ۇنتاقتى جانە حلادوندى تۇرلەرى كەڭ تارالعان. ۇنتاقتىسى ارزان ءارى امبەباپ بولسا, حلادوندىسى زاماناۋي كولىكتەر ءۇشىن قاۋىپسىزدەۋ سانالادى.
اپاتتىق توقتاۋ بەلگىسى جارىق شاعىلىستىراتىن, زاۋىتتىق ۇلگىدە بولۋى ءتيىس. ودان بولەك, كەي جاعدايدا سۇيرەتكىش ارقان, كوتەرگىش قۇرال جانە قوسالقى دوڭگەلەك تە تەكسەرىلۋى مۇمكىن.
ورالدا كولىگىنە قاعازدان جاسالعان جالعان ءنومىر تاققان جۇرگىزۋشى جاۋاپقا تارتىلدى
بۇعان قوسا قىستا – كۇرەك, مۇز قىرعىش, قۇم, جازدا – سۋ, قۋاتتاعىش قۇرىلعى, كۇننەن قورعايتىن زاتتار,
الىس جولدا قوسىمشا جانارماي, ستارتەر-قۋاتتاعىش جانە قوسالقى مەديتسينالىق قوبديشا الىپ ءجۇرۋ ۇسىنىلادى.
زاڭ بويىنشا كولىكتى تەكسەرۋ تەك نەگىز بولعان جاعدايدا نەمەسە جۇرگىزۋشىنىڭ كەلىسىمىمەن جۇرگىزىلەدى. جۇكسالعىشتى اشۋ – پروتسەسسۋالدىق ءراسىم, ول كۋاگەرلەر نەمەسە بەينەجازبا ارقىلى راسىمدەلۋى ءتيىس.
