قۇقىق قورعاۋ ورگاندارى اكادەمياسى كادر دايارلاۋ ىسىنە ەرەكشە كوڭىل بولۋدە

استانا. 22 اقپان. باس پروكۋراتۋرا جانىنداعى قۇقىق قورعاۋ ورگاندارى اكادەمياسى جانە مەملەكەتتىك قىزمەت سالاسىنداعى ايماقتىق حاب اراسىندا ىنتىماقتاستىق جونىندەگى مەموراندۋمعا قول قويىلدى. بۇل تۋرالى باس پروكۋراتۋرا جانىنداعى قۇقىق قورعاۋ ورگاندارى اكادەمياسىنىڭ ءباسپاسوز قىزمەتىنە سىلتەمە جاساعان egemen.kz ءتىلشىسى حابارلادى. اتالعان اكادەميانىڭ رەكتورى ۇلان بايجانوۆ پەن استانا قالاسىنداعى مەملەكەتتىك قىزمەت سالاسىنداعى ايماقتىق حاب باسقارۋشى كوميتەتىنىڭ توراعاسى ءاليحان بايمەنوۆتىڭ رەسمي كەزدەسۋى ءوتتى. كەزدەسۋ بارىسىندا ۇلان بايجانوۆ قۇقىق قورعاۋ ورگاندارىنىڭ اكادەمياسى كۇش قۇرىلىمدارىنىڭ كادرلارىن, ونىڭ ىشىندە پرەزيدەنتتىك رەزەرۆتى ساپالى دايارلاۋ قاجەتتىلىگىنەن قۇرىلعانىن اتاپ ءوتتى. وسىعان بايلانىستى مەملەكەتتىك قىزمەت سالاسىنداعى ايماقتىق حابپەن مەموراندۋمعا قول قويۋ بۇل باعىتتاعى جەمىستى ىنتىماقتاستىقتىڭ باستاماسى بولادى. ءاليحان بايمەنوۆ الدا تۇرعان ىنتىماقتاستىقتىڭ ماڭىزدىلىعىن ايتا كەلىپ, كۇش-جىگەردى بىرىكتىرۋ قۇقىق قورعاۋ جۇيەسى وكىلدەرىن كاسىبي دايارلاۋدىڭ ساپالى دەڭگەيىن قامتاماسىز ەتۋگە, سونىمەن قاتار كەشەندى عىلىمي قىزمەتتى جۇرگىزۋگە كومەكتەسەتىنىنە سەنىم ءبىلدىردى. كەزدەسۋ ناتيجەسىندە ىنتىماقتاستىق تۋرالى مەموراندۋمعا قول قويىلدى, ونىڭ شەڭبەرىندە تاراپتار قۇقىق قورعاۋ ورگاندارى قىزمەتكەرلەرىن وقىتۋعا جانە قۇقىق قورعاۋ قىزمەتىنىڭ كوكەيكەستى ماسەلەلەرى بويىنشا ىرگەلى جانە قولدانبالى سيپاتتاعى بىرلەسكەن زەرتتەۋلەر جۇرگىزۋگە ۇيلەستىرىلگەن كۇشتەرىن باعىتتايتىن بولادى. استانا قالاسىنداعى مەملەكەتتىك قىزمەت سالاسىنداعى ايماقتىق حاب قازاقستان ۇكىمەتىنىڭ جانە بۇۇ دب باستاماسى بويىنشا 2013 جىلى استانادا 25 مەملەكەتتىڭ جانە 5 حالىقارالىق ۇيىم وكىلدەرىنىڭ قاتىسۋىمەن وتكەن قۇرىلتاي كونفەرەنتسياسىندا قۇرىلدى. حابتىڭ مىندەتى ايماقتاعى مەملەكەتتىك قىزمەتتىڭ ءتيىمدى جۇيەلەرىن دامىتۋعا جاعداي جاساۋ بولىپ تابىلادى. ەلامان قوڭىر. دەرەك, سۋرەت: باس پروكۋراتۋرا جانىنداعى قۇقىق قورعاۋ ورگاندارى اكادەمياسىنىڭ ءباسپاسوز قىزمەتى.