قازاقستان رەسپۋبليكاسى تابيعي مونوپوليالاردى رەتتەۋ اگەنتتىگىنىڭ بۇيرىعى №305-نق

2010 جىلعى 22 قازان              استانا قالاسى «ماگيسترالدىق جانە ستانتسيالىق جولدارعا كىرمە جولداردى جالعاستىرۋعا رۇقسات بەرۋ ەرەجەسىن بەكىتۋ تۋرالى» قازاقستان رەسپۋبليكاسى تابيعي مونوپوليالاردى رەتتەۋ اگەنتتىگى توراعاسىنىڭ 2007 جىلعى 29 تامىزداعى  № 227-نق بۇيرىعىنا وزگەرىس ەنگىزۋ تۋرالى «تەمىر جول كولىگى تۋرالى» قازاقستان رەسپۋبليكاسى زاڭىنىڭ 57-بابى 1-تارماعىنا سايكەس, بۇيىرامىن: 1. «ماگيسترالدىق جانە ستانتسيالىق جولدارعا كىرمە جولداردى جالعاستىرۋعا رۇقسات بەرۋ ەرەجەسىن بەكىتۋ تۋرالى» قازاقستان رەسپۋبليكاسى تابيعي مونوپوليالاردى رەتتەۋ اگەنتتىگى توراعاسىنىڭ 2007 جىلعى 29 تامىزداعى № 227-نق بۇيرىعىنا (نورماتيۆتىك قۇقىقتىق اكتىلەردى مەملەكەتتىك تىركەۋ تىزىلىمىندە № 4979, «زاڭ گازەتى» گازەتىندە 2007 جىلعى 16 قاراشادا № 176 (1379) جاريالانعان) مىناداي وزگەرىس ەنگىزىلسىن: كورسەتىلگەن بۇيرىقپەن بەكىتىلگەن ماگيسترالدىق جانە ستانتسيالىق جولدارعا كىرمە جولداردى جالعاستىرۋعا رۇقسات بەرۋ ەرەجەسىندە: 5-تارماقتىڭ 1) تارماقشاسى مىناداي رەداكتسيادا جازىلسىن: «1) جەر ۋچاسكەسىنە مەنشىك قۇقىعىنىڭ, جەردى تۇراقتى نەمەسە ۋاقىتشا وتەۋلى ۇزاق مەرزىمدى (جالداۋ) پايدالانۋ قۇقىعىنىڭ اكتىسىن;». 2. تەمىر جول كولىگى, ازاماتتىق اۆياتسيا جانە پورتتار سالاسىنداعى رەتتەۋ دەپارتامەنتى (گ.ق. ىبىراەۆا) وسى بۇيرىقتى زاڭنامادا بەلگىلەنگەن تارتىپپەن قازاقستان رەسپۋبليكاسى ادىلەت مينيسترلىگىندە مەملەكەتتىك تىركەۋدى قامتاماسىز ەتسىن. 3. قازاقستان رەسپۋبليكاسى تابيعي مونوپوليالاردى رەتتەۋ اگەنتتىگىنىڭ اكىمشىلىك جۇمىسى دەپارتامەنتى (ە.و. ەسىركەپوۆ) وسى بۇيرىقتى قازاقستان رەسپۋبليكاسى ادىلەت مينيسترلىگىندە مەملەكەتتىك تىركەگەننەن كەيىن: 1) ونى بۇقارالىق اقپارات قۇرالدارىندا زاڭنامادا بەلگىلەنگەن تارتىپپەن جاريالاۋدى قامتاماسىز ەتسىن; 2) ونى قازاقستان رەسپۋبليكاسى تابيعي مونوپوليالاردى رەتتەۋ اگەنتتىگىنىڭ قۇرىلىمدىق بولىمشەلەرى مەن اۋماقتىق ورگاندارىنىڭ, قازاقستان رەسپۋبليكاسى كولىك جانە كوممۋنيكاتسيا مينيسترلىگىنىڭ جانە «قازاقستان تەمىر جولى» ۇلتتىق كومپانياسى» اكتسيونەرلىك قوعامىنىڭ نازارىنا جەتكىزسىن. 4. وسى بۇيرىقتىڭ ورىندالۋىن باقىلاۋ قازاقستان رەسپۋبليكاسى تابيعي مونوپوليالاردى رەتتەۋ اگەنتتىگى توراعاسىنىڭ ورىنباسارى ق.م. سماعۇلوۆقا جۇكتەلسىن. 5. وسى قاۋلى العاش رەت رەسمي جاريالانعان كۇنىنەن كەيىن ون كۇنتىزبەلىك كۇن وتكەن سوڭ قولدانىسقا ەنگىزىلەدى. توراعا    ن.الدابەرگەنوۆ. بۇيرىق قازاقستان رەسپۋبليكاسىنىڭ ادىلەت مينيسترلىگىندە 2010 جىلعى 22 قاراشادا نورماتيۆتىك قۇقىقتىق كەسىمدەردى مەملەكەتتىك تىركەۋدىڭ تىزىلىمىنە №6647 بولىپ ەنگىزىلدى.