61 جاستاعى قوستانايلىق كيليماندجارو بيىگىن باعىندىردى
قوستاناي اۋدانىنىڭ زارەچنىي سەلوسىندا تۇراتىن ميحايل تەرەحوۆ افريكانىڭ ەڭ بيىك شىڭىن باعىندىردى. ول سەگىز ساعاتتىق قيىن جولدان كەيىن قازاقستاننىڭ تۋىن ۋحۋرۋ شىڭىنا قادادى. شىڭ تەڭىز دەڭگەيىنەن 5 895 مەتر بيىكتىكتە جاتىر. ەڭ قىزىعى, ميحايل گريگورەۆيچ كيليماندجارو تاۋىنا جۇرەگىنە شۋنتتاۋ وتاسىن جاساتقاننان ءبىر جارىم جىلدان كەيىن شىعىپ وتىر.
– كليماندجارو تاۋىنا شىعۋ سونشالىقتى تاڭعالاتىن دا نارسە ەمەس. وعان 12 جاستاعى ءجاسوسپىرىم دە, زەينەتكەرلەر دە شىعىپ جاتىر. مەنىڭ تاۋعا بارۋىم مەن شىڭعا ورمەلەۋىمە بارلىعى 8 كۇن كەتتى. ال وسى ساپارعا ءبىر جىل دايىندالدىم. جولعا الاتىن جابدىقتارىمدى جيناستىرۋعا جارتى جىل كەتتى. بارلىق ۋاقىتتا كۇنىنە 4-5 ساعات جاتتىعۋلار جاسادىم, 10 شاقىرىم ءجۇرىپ وتىردىم, – دەيدى ساياحاتشى.
2014 جىلى قوستاناي وبلىستىق اۋرۋحاناسىندا كارديوحيرۋرگ ءدارىگەر ۆلاديسلاۆ اچكاسوۆ ميحايل گريگورەۆيچتىڭ جۇرەگىنە شۋنتتاۋ وپەراتسياسىن جاسايدى. بىلىكتى حيرۋرگ جاساعان وپەراتسيا وتە ءساتتى وتەدى. ناۋقاس اۋرۋحانا توسەگىندە جاتقاندا-اق ءىرى ءارى قىزىقتى ساياحات جاساۋدى ارماندايدى.
– تانزانياعا ساپار شەگۋگە بەكىندىم. تانىستارىم, تۋىستارىم مەنىڭ مۇنداي قاۋىپتى جولعا شىقپاۋىمدى ءوتىندى. مەنى قاداعالاعان تەراپەۆت دارىگەرىم ناتاليا زالياەۆا ساياحاتقا شىعاتىنىمدى ەستىگەندە باسىن شايقادى, بىراق توقتاتپادى, جول بولسىن ايتىپ قالا بەردى, – دەيدى ميحايل گريگورەۆيچ.
ول تانزانيادا ءتورت رەسەيلىكپەن ءبىر توپتا بولدى. ونىڭ دا بىرەۋى بۇرىنعى قوستانايلىق ەكەن. قىزىقتى كىسىلەرمەن ساپارلاس, تاتۋ-ءتاتتى كۇندەر كەشكەنى ميحايل گريگورەۆيچتىڭ جولىن جەڭىلدەتىپتى.
– مەن شىڭعا الدىمەن شىعىپ, ەڭ ۇشار باسىنا قازاقستاننىڭ كوك تۋىن قادادىم. ەلىمە, قوستاناي وبلىسىنىڭ تۇرعىندارىنا تىلەك تىلەدىم, ونى كامەراعا جازدىردىم. قازاقستاننىڭ دامۋىن ارماندايتىنىمدى ايتتىم, حالقىمىز وسىلاي تاتۋلىقتان, بىرلىكتەن ارىلماسىن دەدىم. شىڭدا تۇرىپ, «العا, قازاقستان!» دەپ ايقايلاعانمىن. ايازعا شىداماي كامەرا توڭىپ قالىپتى, ءسوزىمنىڭ سوڭى تۇسپەي قالىپتى, سول ءبىر كىشكەنتاي ءسات وكىنىشىم بولدى, – دەپ ساياحات قىزىعىن شەرتتى.
ءنازيرا جارىمبەتوۆا,
«ەگەمەن قازاقستان».
قوستاناي وبلىسى,
قوستاناي اۋدانى.
قوستاناي اۋدانىنىڭ زارەچنىي سەلوسىندا تۇراتىن ميحايل تەرەحوۆ افريكانىڭ ەڭ بيىك شىڭىن باعىندىردى. ول سەگىز ساعاتتىق قيىن جولدان كەيىن قازاقستاننىڭ تۋىن ۋحۋرۋ شىڭىنا قادادى. شىڭ تەڭىز دەڭگەيىنەن 5 895 مەتر بيىكتىكتە جاتىر. ەڭ قىزىعى, ميحايل گريگورەۆيچ كيليماندجارو تاۋىنا جۇرەگىنە شۋنتتاۋ وتاسىن جاساتقاننان ءبىر جارىم جىلدان كەيىن شىعىپ وتىر.
– كليماندجارو تاۋىنا شىعۋ سونشالىقتى تاڭعالاتىن دا نارسە ەمەس. وعان 12 جاستاعى ءجاسوسپىرىم دە, زەينەتكەرلەر دە شىعىپ جاتىر. مەنىڭ تاۋعا بارۋىم مەن شىڭعا ورمەلەۋىمە بارلىعى 8 كۇن كەتتى. ال وسى ساپارعا ءبىر جىل دايىندالدىم. جولعا الاتىن جابدىقتارىمدى جيناستىرۋعا جارتى جىل كەتتى. بارلىق ۋاقىتتا كۇنىنە 4-5 ساعات جاتتىعۋلار جاسادىم, 10 شاقىرىم ءجۇرىپ وتىردىم, – دەيدى ساياحاتشى.
2014 جىلى قوستاناي وبلىستىق اۋرۋحاناسىندا كارديوحيرۋرگ ءدارىگەر ۆلاديسلاۆ اچكاسوۆ ميحايل گريگورەۆيچتىڭ جۇرەگىنە شۋنتتاۋ وپەراتسياسىن جاسايدى. بىلىكتى حيرۋرگ جاساعان وپەراتسيا وتە ءساتتى وتەدى. ناۋقاس اۋرۋحانا توسەگىندە جاتقاندا-اق ءىرى ءارى قىزىقتى ساياحات جاساۋدى ارماندايدى.
– تانزانياعا ساپار شەگۋگە بەكىندىم. تانىستارىم, تۋىستارىم مەنىڭ مۇنداي قاۋىپتى جولعا شىقپاۋىمدى ءوتىندى. مەنى قاداعالاعان تەراپەۆت دارىگەرىم ناتاليا زالياەۆا ساياحاتقا شىعاتىنىمدى ەستىگەندە باسىن شايقادى, بىراق توقتاتپادى, جول بولسىن ايتىپ قالا بەردى, – دەيدى ميحايل گريگورەۆيچ.
ول تانزانيادا ءتورت رەسەيلىكپەن ءبىر توپتا بولدى. ونىڭ دا بىرەۋى بۇرىنعى قوستانايلىق ەكەن. قىزىقتى كىسىلەرمەن ساپارلاس, تاتۋ-ءتاتتى كۇندەر كەشكەنى ميحايل گريگورەۆيچتىڭ جولىن جەڭىلدەتىپتى.
– مەن شىڭعا الدىمەن شىعىپ, ەڭ ۇشار باسىنا قازاقستاننىڭ كوك تۋىن قادادىم. ەلىمە, قوستاناي وبلىسىنىڭ تۇرعىندارىنا تىلەك تىلەدىم, ونى كامەراعا جازدىردىم. قازاقستاننىڭ دامۋىن ارماندايتىنىمدى ايتتىم, حالقىمىز وسىلاي تاتۋلىقتان, بىرلىكتەن ارىلماسىن دەدىم. شىڭدا تۇرىپ, «العا, قازاقستان!» دەپ ايقايلاعانمىن. ايازعا شىداماي كامەرا توڭىپ قالىپتى, ءسوزىمنىڭ سوڭى تۇسپەي قالىپتى, سول ءبىر كىشكەنتاي ءسات وكىنىشىم بولدى, – دەپ ساياحات قىزىعىن شەرتتى.
ءنازيرا جارىمبەتوۆا,
«ەگەمەن قازاقستان».
قوستاناي وبلىسى,
قوستاناي اۋدانى.
