جامبىل وبلىسىندا سپورتتى دامىتۋعا كوپ كوڭىل بولىنۋدە

تاراز. 17 اقپان. جامبىل وبلىسىندا جىل سايىن جاڭادان سالىنعان سپورت نىساندارىنىڭ سانى كوبەيىپ, ستاديوندار مەن عيماراتتاردى قايتا جاڭارتۋ جۇمىستارى جۇرگىزىلۋدە. بۇل تۋرالى egemen.kz ءتىلشىسى حابارلادى. ماسەلەن, 2015 جىلى جۋالى, مويىنقۇم اۋداندارى مەن تاراز قالاسىندا دەنە شىنىقتىرۋ-ساۋىقتىرۋ كەشەندەرى پايدالانۋعا بەرىلدى. شۋ قالاسىندا زاماناۋي ۇلگىدەگى سپورت كەشەنىن سالۋ جۇمىستارى باستالدى. ول جەردە  جاسوسپىرىمدەر كۇرەس, اۋىر اتلەتيكا, بوكس, دزيۋدو, تاەكۆوندو بويىنشا جاتتىعادى, سونىمەن قاتار  ءتۇرلى جارىستار وتكىزىلەتىن بولادى. بۇگىنگى كۇنگە وبلىستا 2 013 سپورتتىق نىساندار بار. اتاپ ايتار بولساق 1 سپورت سارايى, 19 ستاديون, 665 فۋتبول الاڭدارى, 548 سپورت زالدارى, 662 سپورت الاڭشالارى جانە 118 وزگە دە سپورت نىساندارى جۇمىس ىستەيدى. وسىنىڭ ارقاسىندا جامبىلدىق تاربيەلەنۋشىلەر ءار ءتۇرلى سپورتتىق جارىستارىنان جوعارى ناتيجە كورسەتۋدە. وتكەن جىلى 1 156 سپورتشى حالىقارالىق جانە رەسپۋبليكالىق جارىستارعا قاتىسىپ 1 128 مەدالعا يە بولدى. اتاپ ءوتۋ كەرەك, ەلىمىزدىڭ  ۇلتتىق قۇراما كوماندالارىنا سپورتتىڭ ءار ءتۇرى بويىنشا 470 سپورتشى ەندى. ونىڭ ىشىندە, ۇلتتىق قۇراماسىنا - 206, جاستار قۇراماسىنا – 199, جاسوسپىرىمدەر قۇراماسىنا – 65 بالا كىرەدى. «تاراز-ارەنا» سپورت سارايىندا ۆولەيبولدان ۆەنەسۋەلا, ەگيپەت, يسپانيا جانە قازاقستان كوماندالارىنىڭ  قاتىسۋىمەن الەمدىك ليگانىڭ ءبىرىنشى كەزەڭى وتكىزىلدى. «تاراز» ۆولەيبول كومانداسى ۇلتتىق ليگا كوماندالارى اراسىندا قازاقستاننىڭ XXIII - چەمپيوناتىنىڭ چەمپيونى جانە 2015 جىلدىڭ  سۋپەركۋبوگىنىڭ يەگەرى اتاندى. سونىمەن قاتار, قازاق كۇرەسىنەن ءۇشىنشى رەت «ەۋرازيا بارىسى» حالىقارالىق ءتۋرنيرى وتكىزىلدى. بەيبىت ىستىباەۆ قازاق كۇرەسىنەن رەسپۋبليكالىق تۋرنيرىندە ەكىنشى رەت «قازاقستان بارىسى»  تيتۋلىن جەڭىپ الدى. ەلدوس سمەتوۆ - دزيۋدودان الەم چەمپيونى, ولجاس ساتتىباەۆ - بوكستان ازيا چەمپيونى اتاندى. شوتلاندياداعى الەم چەمپيوناتىندا ز.گابيدۋللينا, بيىلعى جىلى ريو-دە-جانەيرو قالاسىندا وتەتىن, پاراليمپيالىق ويىندارىنا قاتىسۋعا جولداما ۇتىپ الدى. ەل تاريحىندا تۇڭعىش رەت الەم چەمپيوناتىندا و.نىشان پارا-تاەكۆوندو بويىنشا التىن مەدال يەگەرى اتاندى. جالپى, وبلىس بويىنشا وتكەن جىلى 2 614 سپورتتىق ءىس-شارالار وتكىزىلىپ, 540 مىڭنان استام ادام اتسالىستى. قازاقستان رەسپۋبليكاسى تاۋەلسىزدىگىنىڭ 25 جىلدىعىنا وراي 2 700-دەن استام بۇقارالىق - سپورتتىق ءىس-شارالار ۇيىمداستىرىلاتىن بولادى. دەنە شىنىقتىرۋمەن جانە سپورتپەن شۇعىلداناتىن, بارلىق جاستاعى تۇرعىنداردى قامتۋدى ۇلعايتۋ 26 پايىزىن قامتۋ جوسپارلانىپ وتىر. جاس وسپىرىمدەر مەن جەتكىنشەكتەردىڭ بالالار-جاسوسپىرىمدەر سپورت مەكتەپتەرىندە 7 جاستان 18 جاسقا دەيىنگى تاربيەلەنۋشىلەردى قامتۋ ۇلەسى 11 پايىزدى قۇراماق. ورالحان ءداۋىت. دەرەك, سۋرەت: egemen.kz