سايلاۋالدى باعدارلاما تالقىلاندى

س.مۇقانوۆ اتىنداعى امبەباپ كىتاپحانادا وتكەن «نۇر وتان» پارتياسى وبلىستىق فيليالىنىڭ كەزەكتەن تىس ححIII كونفەرەنتسياسى 130 دەلەگاتتىڭ قاتىسۋىمەن ءوتىپ, ساياسي ۇيىمنىڭ سايلاۋالدى باعدارلاماسى جان-جاقتى تالقىلاندى. ول جونىندە وبلىس اكىمى, «نۇر وتان» پارتياسى سقو فيليالىنىڭ توراعاسى ەرىك سۇلتانوۆ بايانداما جاسادى. ەرىك حامزا ۇلى ساياسي ۇيىم توراعاسى ن.ءا.نازارباەۆ پارتيانىڭ ەڭ جوعارى فورۋمىندا ناقتى مىندەتتەر قويعانىن ايتا كەلىپ, ءوڭىردىڭ الەۋمەتتىك, ەكونوميكالىق دامۋ جوسپارلارىمەن ءبولىستى. بەس رەفورمانى قالتقىسىز جۇزەگە اسىرۋ– بارشا قازاقستاندىقتار ءۇشىن باستى تالاپ. «100 ناقتى قادام» ۇلت جوسپارى شەشىمدەرى بەسجىلدىق كەزەڭگە ارنالعان جاڭا سايلاۋالدى تۇعىرنامانىڭ نەگىزگى وزەگى بولىپ تابىلادى. داعدارىسقا قارسى تۇراقتاندىرۋ شارالارى وبلىستا ءتيىمدى جۇزەگە اسىرىلىپ كەلەدى. «جۇمىسپەن قامتۋدىڭ جول كارتاسى 2020» اياسىندا بىلتىر 27 مىڭنان استام سولتۇستىكقازاقستاندىق, ونىڭ ىشىندە 15,2 مىڭ ادام جۇمىسپەن قامتۋ ورگاندارى ارقىلى ەڭبەك ەتۋ مۇمكىندىگىنە يە بولدى. 12 مىڭعا جۋىق جاڭا جۇمىس ورىندارى قۇرىلدى. 2,4 ميلليارد تەڭگە يگەرىلىپ, 5 مىڭداي ادام باعدارلاما شارالارىمەن قامتىلدى. ناتيجەسىندە جۇمىسسىزدىق دەڭگەيى 4,8 پايىز, تابىسى كۇنكورىس كىرىسىنەن تومەن تۇرعىنداردىڭ ۇلەسى 3,7 پايىز كەمىدى. كەلەشەكتە شاعىن جانە ورتا بيزنەستى دامىتۋ, از قامتىلعان وتباسىلاردى الەۋمەتتىك جاعىنان قولداۋ, دەنساۋلىق ساقتاۋ, ءبى­لىم بەرۋ سالالارىنداعى جاڭا­شىل­دىقتاردى ەنگىزۋ سياقتى كەڭ اۋقىمدى جۇمىستار جالعاستىرىلا بەرەتىن بولادى. ءوڭىر باسشىسى جەر قويناۋى بايلىقتارىن يگەرۋگە ءىرى قارجى­گەرلەر تاراپىنان ۇلكەن قىزى­عۋشىلىق تۋىپ وتىرعانىن جەتكىزدى. تايىنشا اۋدانىندا تسيركوني وندىرۋگە شەتەلدىك كومپانيا كىرىسسە, ەسىل اۋدانىنداعى التىن كەنىن يگەرۋ تەحنولوگياسى ءبىرشاما تۇزەتىلدى. ايىرتاۋ اۋدانىنداعى سىرىمبەت كەن ورنىندا قالايى وندىرۋگە 2 ميلليارد تەڭگە جۇمسالدى. مۇندا 600 جاڭا جۇمىس ورنىن قۇرۋ كوزدەلگەن. «نۇرلى جول» باعدارلاماسى شەڭبەرىندە 13 جوبا قولعا الىنىپ, بۇل ماقسات ءۇشىن ۇلتتىق قوردان 3,6 ميلليارد تەڭگە قاراستىرىلعان. كونفەرەنتسيادا ءسوز العان «قىزىلجار-اقپارات» جشس-ءنىڭ ديرەكتورى كارىباي مۇسىر­مان قىزىلجار وڭىرىندەگى دەمو­گرا­فيالىق جاعدايدى جاقسارتۋدىڭ ەرەكشە ماڭىزدىلىعىنا جي­نال­عانداردىڭ نازارىن اۋداردى. تۇرعىندار سانىنىڭ ازايۋىنا باي­لانىستى سوڭعى ءۇش جىل ىشىندە وبلىس رەسپۋبليكالىق بيۋدجەتتەن جان باسىنا قاراي بولىنەتىن ترانسفەرت تۇرىندەگى قاراجات بەرىلمەي قالعان. «استىك Stەm» جشس ديرەكتورى سەرگەي زۆولسكي اۋىلدىق جەرلەردە ەڭبەك ادامى ءۇشىن بارلىق مۇمكىندىكتەر تۋدىرىلعانىن ايتا كەلىپ, ەلدى مەكەندەردى وركەندەتۋگە شاقىردى. №17 ۇلتتىق وركەندەۋ مەكتەپ-كەشەنىنىڭ مۇعالىمى يرينا تۋحۆاتۋلينا ءبىلىم سالاسىنداعى ورەلى وزگەرىستەردى العا تارتا وتىرىپ, بۇگىندە 3 ءتىلدى ءبىلۋ زامان تالابى ەكەنىن ايتتى. اتالعان ءبىلىم ورداسىندا وقۋشىلار 4-5 ءتىلدى مەڭگەرۋگە دەن قويعان. كونفەرەنتسيانى قورى­تىن­دىلاعان ە.سۇلتانوۆ, تۇتاستاي العاندا, وبلىستىڭ 2015 جىلدى تابىستى اياقتاعانىن, ەندىگى مىندەت ەلباسى تاپسىرمالارىن مۇلتىكسىز ورىنداۋ بولىپ تابىلاتىنىن اتاپ كورسەتتى. ءومىر ەسقالي, «ەگەمەن قازاقستان». سولتۇستىك قازاقستان وبلىسى.