قوس پويىزدىڭ قايىرلى ساپارى

استانادان اسقارالى ماق­ساتتار ارقالاپ جولعا شىق­قان «ماڭگىلىك ەل» ۇگىت-ناسي­حات پويىزى كەنشىلەر استا­ناسى قاراعاندىعا ات شال­دىردى. قازاقستان رەسپۋب­ليكاسى تاۋەلسىزدىگىنىڭ 25 جىل­دىعىنا ارنالعان بۇل جال­پى­رەسپۋبليكالىق اكتسيا­نىڭ نەگىزگى ماقساتى – مەم­لەكەت باسشىسى ۇسىنعان «5 ينس­تيتۋتتىق رەفورمانى جۇزە­گە اسىرۋ بويىنشا 100 ناق­تى قادام» – ۇلت جوس­پارىن ەل ىشىندە ەگجەي-تەگ­جەي­لى ءتۇسىندىرۋ. ساپارعا سايلانىپ شىققان پويىزدىڭ ىشىندە ءتۇرلى ۆە­دوم­ستۆولاردىڭ جۇزدەگەن ماماندارى مەن ساراپشىلارى بار. شارا بارىسىندا پويىز ايالدايتىن ەل­دى مەكەندەردىڭ تۇرعىندارى قو­عامدىق قابىلداۋلار تۋرالى تولىققاندى اقپارات الىپ, ءتۇر­لى ۆەدومستۆو ماماندارىنىڭ اقىل-كەڭەسىن تىڭدايتىن بولادى. بۇدان باسقا, مادەني-بۇقارالىق جانە ويىن-ساۋىق شارالارىن وتكىزۋ جوسپارلانعان. «ماڭگىلىك ەل» پويىزىن قالا اكىمى نۇرلان اۋباكىروۆ باستاعان قاراعاندىلىقتار قۇشاق جايا قارسى الدى. ۆوكزال ماڭىندا ارنايى قۇرىلعان ساحنادا سالتاناتتى ميتينگ ۇيىمداستىرىلىپ, قوناقجاي قاراعاندىلىقتار مۇباراك ماق­ساتپەن ەل ىشىنە اتتانعان القالى توپقا ءسات ساپار تىلەدى. «سىزدەردى قاراعاندىدا كۇتىپ العانىمىزعا قۋانىشتىمىز. «ماڭگىلىك ەل» زاماناۋي جال­پىۇلتتىق يدەياسىن ەلباسى نۇرسۇلتان ءابىش ۇلى نازارباەۆ قالىپتاستىردى. قازاق­ستان­دىقتاردىڭ جالپىۇلتتىق يدەياسىنىڭ قۇن­دىلىعى «قازاقستان-2050» ستراتەگياسىنىڭ ماقساتتارىمەن ساباقتاسقان. وندا ءبىلىم بەرۋ, ازاماتتاردىڭ دەنساۋلىعى مەن ءال-اۋقاتى باس­تى باسىمدىق رەتىندە ايقىندالعان», – دەدى قار­سى الۋ ميتينگىسىندە ءسوز سويلەگەن قاراعاندى قالا­سىنىڭ اكىمى نۇرلان اۋباكىروۆ. «ماڭگىلىك ەل» پويىزى شتابىنىڭ باسشىسى, قازاقستان حالقى اسسامبلەياسى كەڭەسىنىڭ مۇشەسى ءامىرجان الپەيىسوۆ كەنشىلەر استاناسىنىڭ قوناقجاي پەيىلىنە ريزالىق سەزىمىن ءبىلدىرىپ, ساپار بارىسىنداعى جوسپارلارىمەن ءبولىسىپ, الدا تۇرعان مىندەتتەرگە توقتالدى. سونداي-اق, ول جاڭا رەفورمالار مەن ماڭىزدى مىندەتتەردى ىسكە اسىرۋ بارىسىندا ەلىمىزدىڭ يندۋستريالىق تىرەگى قاراعاندى سىندى الىپ وبلىستىڭ ەرەكشە ءرول اتقاراتىنىن دا اتاپ ءوتتى. سول كۇنى «ماڭگىلىك ەل» پويىزىنىڭ دەلە­گاتسيا­سى قاراعاندىداعى «دوستىق ۇيىندە» ەتنومادەني بىرلەستىكتەر باسشىلارىمەن دوڭگەلەك ۇستەل باسىندا كەزدەسىپ, ءماجىلىس قۇر­دى. كەشكە قاراي وبلىس ورتالىعىنداعى ساكەن سەيفۋللين اتىنداعى قازاق دراما تەاترىنىڭ ساحناسىندا ۇيىمداستىرىلعان مەرەكەلىك كون­تسەرتتى تاماشالادى. جالپى, ۇگىت-ناسيحات پويىزىنا قاتىسۋ­شىلار قاراعاندىداعى ءبىر كۇننىڭ ىشىندە سەگىز كەزدەسۋ وتكىزىپ ۇلگەردى. «ءبىزدىڭ پويىزدىڭ قۇرامىندا 150-گە جۋىق ادام بار, – دەدى ءامىر­­جان الپەيىسوۆ. – ولاردىڭ اراسىندا مينيسترلىكتەردىڭ جەتەكشى ماماندارى, ساراپشىلار, مەديتسينا قىزمەتكەرلەرى, زاڭگەرلەر بار. «ماڭگىلىك ەل» پويى­زى تەك قازاقستان رەس­پۋبليكاسى تاۋەلسىزدىگىنىڭ 25 جىلدىعىنا ارنالعان مەرەيتويلىق شارالارمەن عانا شەك­تەلىپ قالماي, جۇرتشىلىقتىڭ الەۋمەتتىك جانە قۇ­قىقتىق جاعدايلارىنا دا نازار اۋداراتىن بولادى». «ماڭگىلىك ەل» دەلەگاتسياسىمەن ءبىر ۋاقىتتا «سالاماتتى قازاقستان» مەديتسينالىق پويى­زى دا ساپارعا شىققان. بۇل ارنايى كەڭەس بە­رۋ-دياگنوستيكالىق پويىزدىڭ قۇرامىنداعى دارىگەرلەر بولات جولدىڭ بويىندا ورنالاسقان ستانسالاردىڭ تۇرعىندارىنا مەديتسينالىق قىزمەت كورسەتەتىن بولادى. 2010 جىلدان بەرى تۇراقتى تۇردە جۇمىس ىستەپ كەلە جاتقان بۇل جوبانى ىسكە اسىرۋشىلار بيىل وبلىستىڭ 19 ستانساسىنا ايالداپ, قالادان شالعاي جاتقان اۋىل تۇرعىندارىنا ەم-دوم كورسەتۋدى جوسپارلاعان. ەلباسى شاقىرۋىمەن قاناتتانعان, ەل ءتى­لەگىمەن رۋحتانعان قوس پويىز ءبىر اي ءىشىن­دە ەلىمىزدىڭ 33 ەلدى مەكەنىن ارالاپ شى­عۋدى كوز­­­­دەيدى. «ماڭگىلىك ەل» پويىزى جالپى­رەس­پۋبليكالىق اكتسيا ءوز ساپارىن ناۋرىز مەرە­كەسى قارساڭىندا الماتى قالاسىندا تۇيىندەمەك. قايرات ءابىلدينوۆ, «ەگەمەن قازاقستان». قاراعاندى.