ەل مۇددەسىنە قىزمەت ەتۋ جاۋاپكەرشىلىگى

«نۇر وتان» پارتياسى كوك­شەتاۋ قالالىق فيليالىن­دا «پارتيالىق مونيتورينگ» پارتيالىق اكتسياسى وتكى­زىلدى. كەزدەسۋگە «نۇر وتان» پارتياسى كوكشەتاۋ قالا­لىق فيليالىنىڭ ءتور­اعا­سى, كوكشەتاۋ قالاسى­نىڭ اكى­مى ەرمەك مارجىق­پاەۆ, پار­تيا­نىڭ كوكشە­تاۋ قالالىق فيليالى سايا­سي كەڭەسىنىڭ بيۋرو ءمۇ­شەلە­رى, باستاۋىش پارتيا ۇيىم­­دارىنىڭ توراعالارى, پار­تيا­نىڭ وبلىستىق جانە قالا­­لىق فيليالدارىنىڭ قىز­مەت­كەرلەرى قاتىستى. ە.مارجىقپاەۆ بايانداماسىندا بۇگىنگى تاڭدا ەلباسى تاپسىرماسىمەن ايماقتا اكىمدەردىڭ ەسەپ بەرۋ كەزدەسۋلەرى وتكىزىلگەنى تۋرالى حاباردار ەتتى. ول ەسەپ بەرۋ كەزدەسۋلەرى سىندارلى ۇنقاتىسۋ نەگىزىندە تۇرعىنداردىڭ وزەكتى ماسەلەلەرىن ايقىنداپ بەرەتىن ماڭىزدى قۇرال, دەپ اتاپ كورسەتتى. ە.مارجىقپاەۆ ءوز سوزىندە كوكشەتاۋ قالاسىنىڭ الەۋمەتتىك-ەكونوميكالىق دامۋىنىڭ وتكەن جىلعى نەگىزگى كورسەتكىشتەرىنە دە توقتالدى. بارلىق سالالارداعى وڭتايلى وزگەرىستەردەن حاباردار ەتكەن ول وزەكتى ماسەلەلەردى دە ورتاعا سالىپ, پارتيا بەلسەندىلەرىن العا قويىلعان ماقساتتارمەن تانىستىردى. ونىڭ باستىلارى – «بەس ينستيتۋتتىق رەفورمانى جۇزەگە اسىرۋ بويىنشا 100 ناقتى قادام» ۇلت جوسپارى, ن.ءا.نازارباەۆتىڭ «ۇلت جوسپارى – قازاقستاندىق ارمانعا باستايتىن جول» باع­دار­لامالىق ماقالاسى جانە «نۇر وتان» پارتياسىنىڭ سەزىندە ەلبا­سى العا تارتقان ستراتەگيالىق تاپسىر­مالاردى ورىنداۋ بولىپ تابى­لادى. سونىمەن قاتار, ول قالا تۇرعىن­دارىن تولعاندىراتىن كەز كەلگەن ماسەلەگە تالداۋ جاسالىپ, ناقتى شەشىمدەر قابىلداناتىنىن جانە بۇل جايت نۇروتاندىقتاردىڭ ايرىقشا باقىلاۋىندا بولاتىنىن ايتتى. كەزدەسۋدە «نۇر وتان» پارتيا­سى كوكشەتاۋ قالالىق فيليالى جانىنداعى پارتيالىق مونيتورينگ توبىنىڭ توراعاسى اسقار اقباروۆ ءسوز سويلەدى. ول: «پارتيالىق مونيتورينگ» پارتيالىق جوباسى – بارلىق دەڭگەيدەگى اكىمدەردىڭ تۇرعىندار تاراپىنان كوتەرىلەتىن كوكەيكەستى ماسەلەلەردى شەشۋدە پارتيالىق ىقپال مەن كومەكتى كۇشەيتۋ بولىپ تابىلادى. بۇل رەتتە ەشبىر سۇراق ەسكەرۋسىز قالمايدى. پارتيانىڭ تۇرعىنداردىڭ سۇراقتارىن شەشۋدە قاجەتتى الەۋەتى مەن جۇمىس تاسىلدەرى بار. سونىمەن قاتار, ازاماتتار ءۇشىن پارتيانىڭ ءىس بارىسىنداعى قوعامدىق قابىلداۋلارى دا زور جاردەم مەن دەمەۋ كورسەتەتىن تىرەك», – دەپ اتاپ كورسەتتى. كوكشەتاۋ قالاسىنىڭ اكىمى, «نۇر وتان» پارتياسى قا­لالىق فيليالىنىڭ توراعاسى ە.مار­جىقپاەۆ كەزدەسۋگە قاتىسۋشىلاردىڭ ءبىر­قاتار سۇراقتارىنا جاۋاپ قاي­تارىپ, قازىرگى كۇردەلى كەزەڭدە ەلباسى جولداۋىندا مىندەتتەل­گەن­دەي, قوعامدىق ومىردەگى پارتيا­لىق ىقپالدى بارىنشا ارتتىرۋ قا­جەتتىگىن العا تارتتى. باقبەرگەن امالبەك, «ەگەمەن قازاقستان».  اقمولا وبلىسى.