كادەگە اسپايتىن زاتتاردان كورمە

وسى اپتادا الماتىداعى قا­زاق مەملەكەتتىك قىزدار پەداگو­گيكالىق ۋنيۆەرسيتەتىندە قا­جەت ەمەس زاتتاردان جاسالعان بۇيىمدارعا ارنالعان ەرەكشە كورمە ءوتتى. كەلگەندەردىڭ قيا­لىن وياتقان كورمەدە تۇككە تۇر­عىسىز تۇرمىستىق زاتتاردىڭ قالد­ىقتارىنان جاسالعان كەيبىر دۇنيە­لەر كوز قۋانتتى. – كورمە وتكىزۋ يدەياسى ستۋ­دەنت­تەردى شابىتتاندىردى. جاستاردىڭ وزدەرى دە تاماشا جۇمىستارعا كۋا بولدى. قازىلار القاسى وسى بۇيىمداردىڭ اراسىنان ەڭ ۇزدىگىن انىقتاپ, ءار اتالىم بويىنشا ماراپاتتادى. بۇرىن ەڭبەككە باۋ­ليتىن پاندەردە عانا جاڭا زاتتاردى جاساۋ­دى ۇيرەتەتىن بولساق, ەندىگى كەزەكتە كەز كەلگەن ستۋدەنت «شەبەر قولدار» ۇيىرمەسىنە قاتىسا الادى, – دەيدى ۋنيۆەرسيتەتتىڭ مەكتەپكە دەيىنگى جانە باستاۋىش كافەدراسىنىڭ مەڭگەرۋشىسى تۇرسىناي باينازاروۆا. قيال جۇيرىكتىگى مەن جاڭاشا ويلاۋ قابىلەتىن كورسەتۋدى كوز­دەگەن كورمەگە پەداگوگيكا ءجا­نە پسيحولوگيا فاكۋلتەتى مەن «قازنۇر» گۋمانيتارلىق كوللەدجى­نىڭ ستۋدەنتتەرى دە ەرەكشە اتسالىستى. ءوز ماماندىقتارى بويىنشا كاسىبي وسۋگە سەپ بولاتىن شاراعا پلاس­تيك بوتەلكەلەردەن, قاقپاقتاردان, لامپالاردان, گۇلشوعى ورالعان قاعاز, لەنتا, كارتون, ديسك سىندى پايدالانىلعان زاتتاردى قولدانا وتىرىپ جاڭا دۇنيەلەر جاساعان. ءار جۇمىستىڭ اتاۋى, اۆتورى كورسەتىلىپ, قازىلار القاسىنا ۇسىنىلدى. كورمەگە قويىلعان زاتتار ءوزىن­دىك ەرەكشەلىگى, ەستەتيكالىلىعى, ەكو­لوگيالىق قۇندىلىعى, پاي­دا­لانىلعان ماتەريالداردىڭ ءارتۇر­لىلىگى بويىنشا ساراپقا سالىنىپ, ەڭ ۇزدىكتەرى انىقتالدى. ۇيىمداستىرۋشىلاردىڭ اي­تۋىنشا, ۇزدىك جۇمىستار اباي اتىن­داعى قازاق ۇلتتىق پەدا­گو­گيكالىق ۋنيۆەرسيتەتىندە وتەتىن كور­مەگە اپارىلادى. ايناش ەسالي, «ەگەمەن قازاقستان». الماتى.