«سالاماتتى قازاقستان» ساپارى

كەشە ىشكى ىستەر مينيسترلىگىنىڭ توتەنشە جاعدايلار كوميتەتىندە بريفينگ وتكىزىلىپ, وندا «سالاماتتى قازاقستان» مەديتسينالىق پويىزى قاراعاندى وبلىسى بويىنشا ءوز ساپارىن باستايتىنى ايتىلدى. كوميتەتتىڭ رەسمي وكىلى ر.يۋ.يمانقۇلوۆ جانە «اپاتتار مەديتسيناسى تەمىرجول گوسپيتالدارى» اق باسقارما توراعاسى ع. ت.ءاب­دىل- مانوۆ وسى ساپاردىڭ ءمان-جايىن ءتۇسىندىردى. اقپاننىڭ 15-ءسى مەن ناۋرىزدىڭ 16-سى ارالىعىندا ءبىر ايدى قامتيتىن ساپار بارىسىندا پويىز قاراعاندى وبلىسىنىڭ 19 ستانساسىنان وتەدى. «سالاماتتى قازاقستان» مەديتسينالىق پويىزى – توتەنشە جاعدايلار كوميتەتىنىڭ «اپاتتار مەديتسيناسى تەمىرجول گوسپيتالدارى» اكتسيونەرلىك قوعامى, «قازاقستان تەمىر جولى» ۇك» اكتسيونەرلىك قوعامى جانە قازاقستان رەسپۋبليكاسىنىڭ دەنساۋلىق ساقتاۋ جانە الەۋمەتتىك دامۋ مينيسترلىگى بىرلەسىپ ىسكە قوسقان ءۇش مەديتسينالىق پويىزىنىڭ ءبىرى. «مەديتسينالىق پويىزدار» جوباسى – بۇل شالعاي ەلدى مەكەندەردىڭ تۇرعىندارىنا جوعارى ساناتتى مەديتسينالىق كومەك كورسەتۋگە مۇمكىندىك بەرەتىن, ەل تاريحىنداعى تەڭدەسى جوق الەۋمەتتىك جوبا. 2010 جىلى «دەنساۋلىق» پويىزى «№1 الەۋمەتتىك-جاۋاپتى جوبا» رەتىندە «جىل تاڭداۋى – 2010» ۇلتتىق سىيلىعىنىڭ جانە «جىلدىڭ ەڭ ۇزدىك الەۋمەتتىك جوباسى» – «پارىز» الەۋمەتتىك جاۋاپكەرشىلىك بيزنەس بايقاۋىنىڭ جەڭىمپازى اتانىپ, جۇرتشىلىق قۇرمەتىنە يە بولدى. مەديتسينالىق پويىزدار ەكى الەۋمەتتىك ماڭىزدى مىندەتتى شەشۋگە, اتاپ ايتقاندا, قولجەتىمدى ءارى ساپالى مەديتسينالىق قىزمەت كورسەتۋگە كومەكتەسەدى. 2010 جىلدان بەرى «دەنساۋلىق», «جاردەم» جانە «سالاماتتى قازاقستان» مەدي­تسينالىق پويىزدارى ىسكە قوسىلدى, ولار شالعاي­داعى ستانسالار مەن شاعىن بەكەتتەرگە قىزمەت كورسەتەدى. پويىزدار قاجەتتى بارلىق دياگنوستيكالىق اپپاراتۋرالارمەن جاراقتالعان جانە جوعارى بىلىكتى 20-عا جۋىق مەديتسينالىق كادرلارمەن جاساقتالعان. سونداي-اق, مەديتسينالىق ماماندار قۇرامى بىلىكتىلىگى ءبىرىنشى ساناتتان كەم ەمەس دارىگەر­لەرمەن جانە ورتا بۋىن مەديتسينالىق قىز­مەتكەرلەرمەن قامتىلعان. 2010 جىلدان بەرى «دەنساۋلىق», «ءجار­دەم» جانە «سالاماتتى قازاقستان» ءۇش كون­سۋل­تاتيۆتى-دياگنوستيكالىق پويىزدارى 1 292 كۇن ىشىندە 137 482,5 شاقىرىم جول ءجۇرىپ, رەسپۋبليكا وبلىستارىنداعى 916 ستانسانىڭ تۇرعىندارى تەكسەرىلدى. مەديتسينالىق پويىزداردىڭ ماڭىزدىلىعى جىل وتكەن سايىن ارتپاسا, ازايعان ەمەس. وسى جولعى ساپاردا دارىگەرلەردىڭ تاۋلىگىنە 150-200 ادامنان قابىلداي الاتىن قاۋقارى بار. راۋان قايدار, «ەگەمەن قازاقستان».